+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Amerıkalyq jetekshi venchýrlyq qor qazaqstandyq startaptardy ınvestıtsııalaıdy

2019 jylǵy 11 jeltoqsan 12:07
Bólisińiz:
Amerıkalyq jetekshi venchýrlyq qor qazaqstandyq startaptardy ınvestıtsııalaıdy

NUR-SULTAN. QazAqparat - San-Frantsıskoda «Báıterek» ulttyq basqarýshy holdınginiń enshiles uıymy «QazTech Ventures» AQ jáne «500 Startups» AQSh-tyń jetekshi venchýrlyq qory «QazTech Ventures» AQ-nyń V Jahandyq qorǵa qosylýy týraly kelisimge qol qoıdy, dep habarlaıdy QazAqparat.

Uqsas jańalyqtar

Qujattarǵa «QazTech Ventures» basshysy Jandos Shaımardanov pen «500 Startups» bas partneri Tım Chae qol qoıdy.

Qol qoıý rásimi 10 jeltoqsanda QR Premer-Mınıstri Asqar Mamınniń AQSh-qa sapary aıasynda ótti. Qazaqstandyq delegatsııanyń quramynda «Báıterek» UBH» AQ Basqarma tóraǵasy Aıdar Áriphanov boldy.

Kelisim qazaqstandyq startap-jobalardy odan ári qarjylandyra otyryp, 10 mln dollar somasyna V Jahandyq qorǵa «Qazaq Ventures»-tiń qatysýyn kózdeıdi. Qordyń jalpy kólemi 150 mln AQSh dollaryn quraıdy.

Sondaı-aq, «500 Startups» qory «QazTech Ventures»-pen Qazaqstanǵa nazar aýdara otyryp, jeke taqyryptyq qor qurý boıynsha yntymaqtastyqqa qyzyǵýshylyq tanytady.

«Qujattar paketine qol qoıý oń nátıjelerge ákeledi dep sanaımyz. Atap aıtqanda, jetekshi venchýrlyq kompanııanyń qazaqstandyq jobalarǵa ınvestıtsııalary elimizdiń venchýrlyq naryǵynyń tartymdylyǵyn arttyrady jáne basqa da basty kompanııalardy tartady. Sonymen qatar, qazaqstandyq jobalar halyqaralyq jedeldetý jáne ozyq biliktilikter men tájirıbelerge qol jetkizý múmkindigine ıe bolady», - dedi «Báıterek» holdınginiń Basqarma tóraǵasy Aıdar Áriphanov.

«500 Startups» 2010 jyly Sılıkon alqabynda quryldy. Kompanııa 21 qor qurdy, onyń ishinde dúnıejúzindegi startap jobalarǵa ınvestıtsııa salatyn bes jahandyq qor, álemniń jekelegen aımaqtaryna baǵyttalǵan 15 taqyryptyq qor. «500» taqyryptyq qorlary Sıngapýr, Taıland, Vetnam, Ońtústik Koreıa, Japonııa, Izraıl, Taıaý Shyǵys elderi, Túrkııa, Brazılııa, Meksıka, Kanada jáne basqa da elderge maqsatty túrde qarajat salady.

«Báıterek» ulttyq basqarýshy holdıngi» AQ Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵyna sáıkes quryldy. Korporatıvtik basqarýdyń ozyq standarttaryna sáıkes keletin jáne ony ártaraptandyrý, ınnovatsııalardy qoldaý, eksportty damytý, eńbek ónimdiligin arttyrý arqyly Qazaqstan ekonomıkasynyń turaqty damýy boıynsha maqsattardy qamtamasyz etetin Qazaqstan Respýblıkasy Úkimetiniń negizgi ınstıtýty. Holdıng quramyna «Qazaqstannyń Damý Banki» AQ, «Qazaqstannyń ınvestıtsııalyq qory» AQ, «Qazaqstannyń Turǵyn úı qurylys jınaq banki» AQ, «Qazaqstandyq ıpotekalyq kompanııa» AQ, «KazakhExport» ESK» AQ, «Damý» KDQ» AQ, «QazTech Ventures» AQ, «Turǵyn úı qurylysyna kepildik berý qory» AQ, «Qazyna Kapıtal Menedjment» AQ, «Báıterek development» AQ, «Kazakhstan Project Preparation Fund» JShS kiredi.

«Qazaq Ventures» AQ venchýrlik qarjylandyrý, bıznes-ınkýbatsııalaý jáne tehnologııalyq konsaltıng quraldary arqyly tehnologııalyq kásipkerlikti damytýǵa járdemdesý úshin quryldy. Qazaq Ventures «Báıterek» UBH « AQ quramyna kiredi»

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT