+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Amerıka vıtse-prezıdenti laýazymyna alǵash ret áıel adam keldi

2021 jylǵy 21 qańtar 02:13
Bólisińiz:
Amerıka vıtse-prezıdenti laýazymyna alǵash ret áıel adam keldi

VAShINGTON. QazAqparat – Amerıka Qurama Shtattarynyń 46-ynshy Prezıdentin ulyqtaý rásiminde eldiń vıtse-prezıdenti Kamala Harrıs te el halqy aldynda ant berdi. QazAqparat bul týraly «Golos Amerıkı» Jańalyqtar qyzmetine silteme jasap habarlaıdy.

Aıta keteıik, Kamala Harrıs 56 jasta. Ol Amerıka vıtse-prezıdenti laýazymyna kelgen alǵashqy áıel ári alǵashqy qara násildi azamat.

Inaýgýratsııadan keıin D.Baıden men K.Harrıs Arlıngton ulttyq zıratyndaǵy Belgisiz soldat beıitine gúl shoqtaryn qoıý rásimine qatysty.

Buǵan deıin habarlaǵanymyzdaı, sársenbi kúni Djo Baıden AQSh Prezıdenti laýazymyna resmı kiristi.

Bul joly prezıdentti ulyqtaý rásimi koronavırýs pandemııasyna baılanysty ádettegiden qarapaıym ótti. Kapıtolııden bastap Ulttyq saıabaq boıymen tizile turatyn júz myńdaǵan adamnyń ornyna AQSh shtattary men aýmaqtarynyń 200 myńnan astam Týy ilinip turdy.

Baıden saltanatty sharada sóılegen sózinde elde kóptegen dúnıeni qaıta jóndep, jańadan qurý qajettigin aıtty. «Tarıh, senim jáne aqyl-parasat – bizge birlikke bastar joldy kórsetedi», - dedi ol. Sondaı-aq Amerıka qoǵamyndaǵy kelispeýshilikter jikke bólinýge alyp kelmeýi tıistigin eske salyp, barsha amerıkalyqtyń prezıdenti bolatynyn basa aıtty.


Bizdiń kanalymyzǵa jazylyńyz:

#Álem   #Amerıka  
Bólisińiz:

Avtor:

Mıra Tólendiqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT