+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Amerıka radıolary Dımashtyń ánderin bere bastady

2020 jylǵy 12 shilde 03:14
Bólisińiz:
Amerıka radıolary Dımashtyń ánderin bere bastady

NUR-SULTAN. QazAqparat – Amerıka Qurama Shtattarynyń radıostantsııalarynda Dımash Qudaıbergenniń ánderi turaqty berilip keledi. QazAqparat bul týraly dimashnews.com saıtyna silteme jasap habarlaıdy.

Uqsas jańalyqtar
Túrkııada Dımashtyń sýreti beınelengen graffıtı paıda boldy Dımash Qudaıbergenniń esimi jazylǵan mıkrochıp Marsqa jetkiziledi Dımash Qudaıbergen qazaq tilinde jańa beınebaıan túsirdi

Bıylǵy 28 mamyrda «KMRD-LP.FM» radıostantsııasy Dımashtyń ánin alǵash qoıǵan kúni atalmysh radıo tyńdarmandarynyń sany rekordtyq kórsetkishke jetken. Qazaq ánshisiniń jankúıerleri efırdi AQSh-tyń túkpir-túkpirinen tyńdaǵan.

«KMRD» – Madrıdtegi (Nıý-Meksıko) tanymal radıostantsııa. Onda shtatqa áıgili jalǵyz dıdjeı Trıftıdiń (DJ Thrifty) baǵdarlamasy taralady. Baǵdarlama kún saıyn taý ýaqytymen saǵat 21:00-de (Nur-Sultan ýaqytymen 9:00-de) áýe tolqynyna shyǵady. Qazaqstandyq oryndaýshynyń daýysyna tamsanǵan dıdjeı Trıftı: «Rasymen de, Amerıkanyń radıoefırlerinde bul jigitke az ýaqyt bólinedi eken, uzartý kerek», – degen. Sodan beri dıdjeı Trıftı óz baǵdarlamasyna Dımashtyń ánderin turaqty túrde qosyp keledi», - delingen saıttaǵy aqparatta.

24 mamyrda «Dimash USA Fan Club» fan-klýbynyń negizin qalaýshy Alısa Kellog jumys isteıtin galereıaǵa Shon Grın (dıdjeı Trıftı) qonaq bolyp kelgen. Shonmen áńgime-dúken qurý barysynda Alısa sol kúni onyń týǵan kúni ekenin biledi. Alısa Kellog oǵan 24 mamyrda dúnıege kelgen ánshilerdiń biriniń fanaty ekenin aıtady. Dıdjeı ánshi týraly surastyra bastaǵan.

Alısa birden Dımashtyń kompozıtsııalarynyń birin qosyp, tyńdatqan. Dıdjeıdiń qatty qyzyqqanyn baıqaǵan ol, radıo efırinde onyń ánderin berip turýdy usynǵan. Dıdjeı Trıftı oılanbastan kelisimin bergen. Keıin ol D.Qudaıbergenniń daýysyn óziniń áriptesi – «KMRD» radıostantsııasynyń taǵy bir dıdjeıi Gvendolın Zaksýsqa (DJ Gwendolyn Zaxus) tyńdatqan. Nátıjesinde, Gvendolın Dımashty óziniń apta saıynǵy eki saǵattyq «Mad Talk» habaryna qosqan. Al 17 maýsymda ol qazaqstandyq oryndaýshynyń alty ánin efırge berip, habarynyń 45 mınýtyn Dımashqa arnady.

Sondaı-aq Tehastaǵy «Dimash USA Fan Club Texas State» fan-klýbynyń lıderleri osy shtattaǵy radıostantsııalarmen baılanysqa shyǵyp, D.Qudaıbergenniń ánderin qosý týraly usynys jasaǵan. 18 maýsymda Tehas shtatyndaǵy «KKDA 730 AM» (DKnet.com) radıosynyń dıdjeıi Kan Ierı qazaqstandyq oryndaýshynyń «All by Myself» ániniń kaver-nusqasyn efırge berdi.

Amerıkalyq dıdjeıler qazaqstandyq ánshimen tanystyrǵany úshin fanattarǵa rızashylyǵyn bildirgen.

Málim etilgendeı, qazirgi ýaqytta Dımashtyń AQSh-tyń kóptegen shtatyndaǵy fanattary onyń ánderin óz shtattaryndaǵy radıo tolqynyna shyǵarý úshin belsendi jumys jasaýda.

«Búginde Amerıkanyń radıostantsııalarynda Dımashtyń «SOS d’un terrien en détresse», «All By Myself», «Give Me Your Love», «Jamaica», «Leıla», «Lıýbov ýstavshıh lebedeı», «Across Endless Dimensions», «Love is Like a Dream», «Saǵyndym seni» jáne «Be Happy» sekildi ánderi qosyldy», - delingen saıttaǵy aqparatta.

Eske salaıyq, buǵan deıin Dımash Qudaıbergenniń ánderi Ispanııa, Latvııa, Grekııa radıolarynan berile bastaǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT