AMANAT partııasyn alda úlken naýqandar kútip tur – Erlan Qoshanov
2022 jylǵy 26 sáýir 16:30

AMANAT partııasyn alda úlken naýqandar kútip tur – Erlan Qoshanov

NUR-SULTAN. QazAqparat - QR Parlamenti Májilisiniń tóraǵasy - AMANAT partııasynyń tóraǵasy Erlan Qoshanov partııany alda qandaı kezeń kútip turǵanyn aıtty, dep habarlaıdy QazAqparat tilshisi.

«Asa qurmetti Qasym-Jomart Kemeluly osynaý tarıhı kezeńde partııanyń jetekshiligin maǵan senip tapsyrǵanyńyz úshin, júktegenińiz úshin ózińizge jáne osy sheshimdi qoldaǵan partııalas áriptesterime zor alǵysymdy bildiremin. Men bul sheshimdi úlken syn, úlken jaýapkershilik jáne amanat dep túsinemin», - dedi ol AMANAT partııasynyń XXIII sezinde.

Sondaı-aq, ol partııalastaryn el men Prezıdent amanatyn birge atqarýǵa shaqyrdy.

«AMANAT partııasy – bul Prezıdentimizdiń qoǵamdyq tiregi. AMANAT partııasy – bul reformalar partııasy jáne Jańa Qazaqstannyń jasampazdyǵy. Qurmetti partııalastar, bizdi úlken synaqtar, úlken naýqandar kútip tur. Elimiz ben Prezıdentimizdiń bizge bergen senimin, amanatyn bárimiz birigip abyroımen atqaraıyq», - dedi Erlan Qoshanov.

Aıta keteıik, Prezıdent Qasym-Jomart Toqaevtyń tóraǵalyǵymen AMANAT partııasynyń XXIII sezi ótti.


Jańalyqtar

Úrdis

MURAǴAT