AMANAT áleýmettik ádildikti ornyqtyrýǵa árdaıym basa mán beredi
2022 jylǵy 26 sáýir 15:41

AMANAT áleýmettik ádildikti ornyqtyrýǵa árdaıym basa mán beredi

NUR-SULTAN. QazAqparat – Amanat áleýmettik ádildikti ornyqtyrýǵa árdaıym basa mán beredi. Bul týraly «AMANAT» partııasynyń kezekten tys XXIII sezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Biz jyl basynan beri birneshe ret bas qosyp otyrmyz. Qazir elimizdegi ózgerister erekshe qarqynmen júrip jatyr. Qańtar oqıǵasynan keıin memleket pen qoǵamdy túbegeıli jańartý úderisi bastaldy. Amanat osy júıeli ózgeristerge belsene atsalysýda. Qolǵa alynǵan reformalarǵa partııa jan-jaqty qoldaý kórsetýde. Sonymen birge «halyq únine qulaq asatyn memleket» tujyrymdamasyn tıimdi júzege asyrýǵa úles qosýda. Jalpy «Amanat» áleýmettik ádildikti ornyqtyrýǵa árdaıym basa mán beredi», - dedi QR Prezıdenti.

Qasym-Jomart Toqaev memlekettilikti nyǵaıtý jáne el birligin bekemdeý uıymnyń aıryqsha mıssııasynyń biri ekendigin basa aıtty.

«Ótken sezde partııaǵa rebrendıng jasaý qolǵa alyndy. Sondaı-aq ony ınstıtýtsıonaldyq turǵydan jańartý jumysy bastaldy. Partııa bul mindetterdi oryndaýǵa dereý kirisip ketti. Naqty nátıje bar. Ózgeristerdi qazirdiń ózinde kórip otyrmyz. Osy qarqymen jumysty odan ary jalǵastyrý kerek», - dedi Memleket basshysy.


Seriktester jańalyqtary

Jańalyqtar

Úrdis

MURAǴAT