+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

ALJIR-daǵy eksponattar kórgen jannyń júregin aýyrtady – ákim

2020 jylǵy 31 mamyr 18:02
Bólisińiz:
ALJIR-daǵy eksponattar kórgen jannyń júregin aýyrtady – ákim

KÓKShETAÝ. QazAqparat - Keńes odaǵynyń óz halqyna jasaǵan qatygezdigi men jaýyzdyǵynyń qara tańbasyndaı «ALJIR» eskertkish keshenniń eksponattary kórgen jannyń júregin aýyrtady. Bul týraly Aqmola oblysynyń ákimi Ermek Marjyqpaev óziniń áleýmettik jelidegi paraqshasynda jazdy, dep habarlaıdy QazAqparat tilshisi.

«Bizdiń elimiz óz táýelsizdigin alǵannnan keıin, ıaǵnı 1993 jyly «Jappaı saıası qýǵyn-súrgin qurbandaryn aqtaý týraly» zań qabyldanyp, odan keıin 1997 jyly Elbasy N.Nazarbaevtyń Jarlyǵymen 31 mamyr Saıası qýǵyn-súrgin qurbandaryn eske alý kúni retinde belgilenip, jyl saıyn atalyp keledi. Qazaqstan Prezıdenti Qasym-Jomart Toqaev Saıası qýǵyn-súrgin qurbandaryn eske alý kúnine oraı barlyq qazaqstandyqtarǵa arnaǵan úndeýinde «HH ǵasyrdyń 20-50 jyldaryndaǵy saıası qýǵyn-súrgin zobalańy – halqymyzdyń tarıhyndaǵy qasiretti kezeń» ekendigin atap kórsetti. Keńes zamanynda ómir súrgen halyqtarǵa úlken terrordyń jasalyp, ol orasan zor qasiret ákelgeni tarıhı aqıqat. Osy bir zulmat jyldary Qazaqstanǵa, sonyń ishinde bizdiń Aqmola oblysyna da Keńes Odaǵynyń túkpir-túkpirinen jazyqsyz jandar otbastarymen jer aýdaryldy. Sol qasiretti kezeńde jer aýdarylǵandarǵa bizdiń halqymyz úlken qamqorlyq jasap, ózderiniń de qıyn jaǵdaılaryna qaramastan panalatyp, bir úzim nanymen bólisken edi», - deıdi E.Marjyqpaev.

Aımaq basshysy atap ótkendeı, saıası-qýǵyn súrginge ushyrap Qazaqstanǵa jer aýdarylǵandardyń urpaqtary búgingi kúni beıbit ómir keshýde.

«Qazirgi ýaqytta sol jer aýdarylǵandardyń urpaqtary bizdiń óńirde mekendep, táýelsiz elimizdiń órkendeýine óz úlesterin qosyp otyr. Olar ózderine qazaq halqynyń jasaǵan jaqsylyqtaryn umytpaıdy, únemi alǵys aıtyp keledi. Saıası qýǵyn-súrginniń qasiretiniń bir eskertkishi Otanyn satqandar áıelderiniń Aqmola lageri («ALJIR») bizdiń oblystyń Tselınograd aýdanyndaǵy Aqmol aýylynda ornalasqan. Keńes odaǵynyń óz halqyna jasaǵan qatygezdigi men jaýyzdyǵynyń qara tańbasyndaı bul eskertkish keshenniń eksponattary kórgen jannyń júregin áli de aýyrtady, kózge jas alǵyzady. «ALJIR»-de saıası tutqyndardyń jaqyn týystary, áıelderi men balalary qamalyp, qasiret tartty. Sol lagerdiń mańyndaǵy qazaqtar qoı jaıa júrip, bıik qorshaýdyń ar jaǵynda júrgen tutqyn áıelder men balalarǵa qurt laqtyryp, qaıtkende de olardyń júrek jalǵap, ashtan ólmeýleýlerine septikterin tıgizgendikteri jaıynda dastandar da jazyldy.

Biz tarıhtyń ótken qasiretti kezeńderinen sabaq ala otyryp, Táýelsiz Qazaqstannyń odan ári demokratııalyq jáne quqyqtyq memleket bolyp nyǵaıa túsýine, eldiń birligi men yntymaǵyn saqtaýǵa mindettimiz. Táýelsiz elimizdiń birligi men áleýmettik-ekonomıkalyq áleýetin nyǵaıtý barshamyzdyń ortaq paryzymyz»,- dep túıinedi E.Marjyqpaev.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT