+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

«Altyn tulpar» respýblıkalyq báıgesiniń bas júldesi kimge buıyrdy

2019 jylǵy 13 qazan 15:09
Bólisińiz:
«Altyn tulpar» respýblıkalyq báıgesiniń bas júldesi kimge buıyrdy

ATYRAÝ. QazAqparat – Besinshi márte uıymdastyrylǵan 51 shaqyrymdyq «Altyn tulpar» báıgesi alǵash ret Atyraýdyń tósin dúbirletti, dep habarlaıdy QazAqparat tilshisi.

QR Ulttyq sport qaýymdastyǵynyń málimetinshe, Atyraý oblysy ákimdigi men Ulttyq sport qaýymdastyǵynyń Atyraý oblystyq fılıaly uıymdastyrǵan alamanda 12 óńirdiń qyryqqa jýyq júırigi baq synady. «Nur Otan» partııasy men QR Mádenıet jáne sport mınıstrliginiń qoldaýymen ótken báıgeniń bas júldesi 10 mln teńge boldy. Saıystyń jalpy júlde qory 22 mln teńgeni qurady.

2017 jyly ótken «Altyn tulparda» arqan boıy ǵana artta kelip, ekinshi oryndy ıelengen Jetisýdyń júırigi «Qoıanqasqany» arada eki jyl ótkende ıeleri Qyzylorda oblysynyń atynan qaıta qosqan. «Qoıanqasqa» bul joly naǵyz babynda eken. Sáıgúliktiń ıesi Berdibek Mahanovtyń aıtýynsha, bul jarysqa júırikti bir aı boıy Atyraýda arnaıy baptaǵan. Eńbek aqtalyp, jarys jolyna shyqqan 40-qa jýyq sáıgúliktiń aldy bolyp márege jetken. Osylaısha, 10 mıllıon teńgelik bas báıgeni oljalap qaıtty.


«Altyn tulpar – Jaıyq jaǵasynda» alaman báıgesinde júlde alǵandar:

1-oryn: Qyzylorda oblysynan kelgen «Qoıanqasqa» atty aǵylshyn tuqymdy jıren bıe. Shabandozy – Ǵalymnur Noǵaıbek, at ıesi – Berdibek Mahanov, bapkeri – Qýat Ábsalıamov. (10 mln teńge)

2-oryn: Jambyl oblysynan kelgen «Shymshyq» atty 7 jastaǵy býdan tory bıe. Shabandozy – Aldııar Sansyzbaı, at ıesi – Jasulan Ábdibekov, bapkeri – Maqsat Murahanbaev. (5 mln teńge)

3-oryn: Jambyl oblysynan kelgen «Dos» atty 5 jastaǵy tory aıǵyr. Shabandozy – Nur Saılaý, at ıesi – Eldos Sultanbekov, bapkeri – Serik Álimbekov. (2,5 mln teńge)

4-oryn: Mańǵystaý oblysynan kelgen «Aıtóbel» atty 5 jasar qońyr býdan aıǵyr. Shabandozy – Erbolat Jańbyrbaev, at ıesi ári bapkeri – Keldibaı Ibraev. (1,5 mln teńge)

5-oryn: Atyraý oblysy Mahambet aýdanynan kelgen «Jezkıik» atty aǵylshyn tuqymdy 7 jasar qulan bıe. Shabandozy – Inaphan Nurasyl, at ıesi – Marat Ótepov, bapkeri – Qanat Mahametálıev. (1 mln teńge)

6-oryn: Atyraý oblysy Jyloı aýdanynan kelgen «Jetiqazyna» atty býdan aıǵyr. Shabandozy – Jandáýlet Shalabekov, at ıesi – «Baqaı» korparatsııasy, bapkeri – Azamat Pirjanov. (750 myń teńge)

7-oryn: Almaty oblysy Aqqaınar aýylynan kelgen «Jaýjúrek» atty 4 jastaǵy qazaqy kúreń aıǵyr. Shabandozy – Erasyl Ádilbek, at ıesi – Bekarys Úmbetov, bepkeri – Zańǵar Baıqanbaev. (550 myń teńge)

8-oryn: Almaty oblysy Talǵar aýdanynan kelgen «Óskemen» atty 4 jasar aǵylshyn tuqymdy tory aıǵyr. Shabandozy – Nurbolat Súnetaı, at ıesi – Merhat Bulǵynov, bapkeri – Nurjigit Tabyldıev. (400 myń teńge)

9-oryn: Atyraý oblysy, Inder aýdanynan kelgen «Amına» esimdi 6 jastaǵy kók bıe. Shabandozy – Baqdáýlet Esimjan, at ıesi ári bapkeri – Oljas Shonyshev. (300 myń teńge)

Alaman báıgeniń jeńimpazdaryn «Nur Otan» partııasynyń hatshysy Ǵabıdolla Ospanqulov, Atyraý oblysy ákiminiń birinshi orynbasary Serik Shapkenov, Ulttyq sport qaýymdastyǵynyń bas hatshysy Nursultan Ibragımov quttyqtap, marapattady.




Bizdiń kanalymyzǵa jazylyńyz:

Basty sózder: Atyraý oblysy, Sport, Aımaq,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT