+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Altyn Ordanyń 750 jyldyǵyna oraı negizgi is-sharalar qyrkúıekte ótedi

2020 jylǵy 5 maýsym 15:49
Bólisińiz:
Altyn Ordanyń 750 jyldyǵyna oraı negizgi is-sharalar qyrkúıekte ótedi

NUR-SULTAN. QazAqparat – Mádenıet jáne sport mınıstri Aqtoty Raıymqulova Joshy jáne Alasha han kesenesinde ǵylymı-restavratsııalaý jumystary júrgizilip jatqanyn málimdedi, dep habarlaıdy QazAqparat tilshisi.

«2019 jyly Ulytaý jerinde Memleket basshysy Qasym-Jomart Kemelulynyń qatysýymen ótken «Jezkiik-2019» halyqaralyq forýmynda qazaq halqy úshin Ulytaýdyń tarıhı mánin erekshe atap ótti. Shyńǵys hannyń úlken uly – Joshynyń mazary qazaq jerinde turǵanyn búginde elimizdegi jáne sheteldegi jurtshylyqtyń kóbi bile bermeıdi. Onyń tarıhı tulǵasyna álemniń nazaryn aýdaryp, kesenesin mádenı týr nysanyna aınaldyrý boıynsha mindet qoıdy. Ulytaý – halyqaralyq deńgeıdegi etnografııalyq týrızmniń ortalyǵy aınalatynyna senim bildirdi». Osy oraıda bıylǵy jyly «Ulyq Ulystyń» (Altyn Orda) 750 jyldyǵy aıasynda ǵylymı-zertteý jáne mádenı is-sharalar, tarıhı-mádenı mura nysandaryn qalpyna keltirý, etno-mádenı, ekotýrızmdi damytý, týrısterdiń qolaıly bolýy úshin jaǵdaı jasaý jáne Ulytaýǵa kóliktik-logıstıkalyq ınfraqurylymyn damytý josparlanyp otyr», - dedi Aqtoty Raıymqulova OKQ alańy arqyly onlaın rejımde halyq aldynda esep berý kezdesýinde.

Mınıstrdiń aıtýynsha, qazirgi tańda Joshy jáne Alasha han kesenesinde ǵylymı-restavratsııalaý jumystary júrgizilýde. Ol jerde tarıhı-mádenı keshen qurylady. Sondaı-aq «Ulytaý» vızıt-ortalyǵyn aıaqtaý josparlanýda.

«Ulytaý – Altyn Ordanyń altyn besigine otandyq jáne sheteldik týrısterdi tartý maqsatynda «Qasıetti Ulytaý», «Han Joly», «Terekti áýlıe» jáne «Qorǵasyn qupııasy» jańa týrıstik baǵyttary ázirlendi. Mereıtoıdyń negizgi is-sharalary osy jyldyń qyrkúıek aıyna josparlanyp otyr. Tarıhı keshenniń ashylýy, ǵylymı-praktıkalyq semınar, «Jezkıik-2020» halyqaralyq festıvali sekildi sharalar uıymdastyrylady», - dedi Aqtoty Raıymqulova.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT