+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Altaıdaǵy aýrýhanada dárigerler úzilgen aıaqty jalǵady - Sheteldegi qazaqtildi BAQ-qa sholý

2019 jylǵy 5 mamyr 10:00
Bólisińiz:
Altaıdaǵy aýrýhanada dárigerler úzilgen aıaqty jalǵady - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn buqaralyq aqparat quraldaryna aptalyq sholýyn usynady.

Túrkııanyń eń úlken meshiti ashyldy - TRT
null

Ystanbulda 6 jyl buryn irgetasy qalanǵan 63 myń adam bir mezette ǵıbadat ete alatyn, Túrkııanyń eń úlken meshiti ashyldy, dep habarlaıdy Túrkııanyń radıo-televızııa mekemesiniń saıty.

Atalǵan basylym «Úlken Chamlydja meshiti» dep atalatyn din ordasy 3 mamyr kúni resmı túrde ashylatynyn málimdegen.

«Prezıdent Rejep Taıyp Erdoǵan da qatysatyn rásim juma namazynan keıin boldy. Meshittiń ashylýyna sheteldik qonaqtar da qatysady. Jańa meshitte kúni boıy Quran oqylady», dep habarlaıdy TRT.

Ózbekstanda qazaq aýyldaryna 10 myń qazaqsha kitap syıǵa taratyldy - «Kenımah tańy» gazeti
null

«Ózbekstan Respýblıkasy Prezıdentiniń Halyq qabyldaýy mekeme-uıymdarmen yntymaqtastyqta turǵyndar arasynda tikeleı baılanysty jolǵa qoıyp otyr. El prezıdentiniń 2019 jylǵy 8 qańtardaǵy «Aımaqtardy kompleksti áleýmettik-ekonomıkalyq damytý boıynsha sektorlar qyzmetin odan jetildirýge baılanysty qosymsha sharalary týraly» qaýlysy men aústimizdegi jylǵy 17 qańtardaǵy «Turǵyndar problemalary men jumys isteý júıesin odan ári jetildirý sharalary týraly» Jarlyǵy negizinde jańa júıe engizildi. Jańa júıege sáıkes halyq qabyldaýlary problemalardy úıme-úı júrý arqyly anyqtap ony sheshýde memlekettik organdar men yntymaqtastyqty kúsheıtip turǵyndar men tikeleı jumys isteıdi», dep jazady «Kenımah tańy» gazeti.

Basylymnyń jazýynsha, prezıdent jarlyǵyn oryndaý maqsatynda aımaqtarǵa «Rýhanııat kerýeni» uıymdastyrylǵan. Bul kerýen memlekettik qyzmetter, bilim berý, densaýlyqty saqtaý sekildi mańyzdy salalar boıynsha shalǵaı aımaqtarda turǵyndarmen dóńgelek ústel suhbattaryn ótkizgen.
null

«Bilim berý oshaqtaryna Naýaı oblystyq ákimshiligi, Ózbekstan Respýblıkasy Prezıdenti Halyq qabyldaýynyń aımaqtyq basqarmasy men «Navoıı-azot» kásiporny demeýshiliginde Almaty qalasy baspasynan shyqqan kórkem ádebı kitaptardyń 10 000 danasy syıǵa tartyldy. Ár aýylǵa 1 000-1 200 danadan taratylǵan kitap kitaphanalarǵa emes oqyrmandarǵa tikeleı jetkizildi», dep jazady «Kenımah tańy» gazeti.

«Men úı bıkesi bolsamda ádebı kitapty oqýǵa kyzyǵamyn. Búgingi «Rýhanııat kerýeni» festıvali aıasynda oblys basshylary bizge qyzyqty kitaptar syılady. Olardyń arasynda M.Áýezovtiń «Abaı joly» S.Seıfýlınniń «Tar jol taıǵaq keshýi», Sherhan Murtazanyń «Qyzyl jebesi», Ǵabıt Músirepovtiń «Ulpany», Ábish Kekilbaevtyń «Úrkeri» jáne taǵy basqa taǵlymy mol jınaqtar men kórkem ádebıetterge qol jetkizdik. Men búgin syıǵa alǵan «Abaı joly» epopeıasyn óz perzentterime oqyp beremin. Óıtkeni ol kitapty ár qazaq oqýy tıis kitaptyń biri dep oılaımyn», - deıdi Baımurat eldi mekeni turǵyny Fatıma Musaeva.

Altaıda úzilgen aıaqty qaıta jalǵaý otasy sátti jasaldy - «Aǵajaı-Altaı» portaly
null

Altaı aımaqtyq halyq aýrýhanasynyń travmatologııa bólimi oń jaq aıaǵy (jilinshiginen - avt.) denesinen búkildeı ajyraǵan naýqasqa qaıtadan jalǵaý otasyn jasaǵan. Bul aımaqtyq halyq aýrýhanasynyń úzilgen aıaqty qaıta jalǵaý boıynsha sátti iske asyrǵan tuńǵysh otasy sanalady. Bul týraly «Aǵajaı-Altaı» portaly jazady.

Atalǵan aqparat kóziniń málimetinshe, 24 sáýir kúni saǵat 13.00-de Altaı aımaqtyq halyq aýrýhanasy oń jaq aıaǵy denesinen julynyp qalǵan naýqasty qabyldaǵan. Naýqas emhanaǵa kelgende jaralanǵanyna úsh saǵattan asyp ketken eken. Aýrýhananyń travmatologııa bóliminiń shıpageri naýqasty qabyldaǵannan keıin, der kezinde laıyqty sharalar qoldanady. Ota jasaýdyń aldyndaǵy túrli daıyndyqty tez arada istep, qan quıyp, qansyraýdyń aldyn alǵan. Sonymen birge, Shynjań ólkelik emhanalarymen baılanys jasap, úzdik mamannyń birin kómekke shaqyrady. 6 saǵatqa sozylǵan ota sátti aıaqtaldy. Qazir naýqastyń jaǵdaıy bir qalypty.

Altaı aımaqtyq halyq aýrýhanasy travmatologııa bóliminiń bas mamany Shý Hýaıshıń bul otanyń alar orny erekshe ekenin málimdegen.

«Osy jolǵy operatsııa aýrýhanadaǵy travmatologııa bóliminiń jańa tarıhı betin ashty. Bul atalǵan bólimniń damýyn joǵary satyǵa kóterdi dep esepteımiz» deıdi bas maman Shý Hýaıshıń.

Iran men Qazaqstannyń qarym-qatynasy artady - «Fars» aqparat agenttigi
null

Iran Islam Keńesi májilisi tóraǵasynyń halyqaralyq ister jónindegi arnaıy kómekshisi Tegeranda Qazaqstan elshisimen kezdesip, eki eldiń dostyq qarym-qatynasyn keńeıtýdiń mańyzdylyǵyn qýattady. Bul týraly osy aptada Fars aqparat agenttigi habarlady.

«Iran Islam Keńesi májilisi tóraǵasynyń halyqaralyq ister jónindegi arnaıy kómekshisi Hoseın Amır Abdollahıan Tegeranda Qazaqstan elshisi Ashat Orazbaımen kezdesýde eki eldiń ulttyq múddelerin qamtamasyz etý jolynda ártúrli salalarda ózara áriptestik pen baılanysty damytyp, nyǵaıtýdyń túbegeıli rólge ıe ekenin málimdedi. Ol Iran Islam Keńesi májilisi Qazaqstanmen ártúrli salalarda, sonyń ishinde parlamentaralyq baılanystyń damyp, keńeıtilýin qoldaıtynyn aıtty», dep jazdy parstoday.

Qazaqstannyń Irandaǵy jańa elshisi Ashat Orazbaı da osy kezdesýde, eki eldiń tyǵyz dostyq qarym-qatynasta eken aıtqan.

«Qazaqstan Irannyń ártúrli delegatsııalaryn qabyldady. Eki el arasynda eń joǵary deńgeılerde kóptegen kezdesýler boldy. Munyń ózi taraptar arasy dostyq qarym-qatynasqa ıe ekenin kórsetedi. Qazaqstan Iranmen baılanys deńgeıin joǵarylatýdy qoldaıdy», - degen Qazaqstannyń Irandaǵy elshisi.

Tashkentten Nur-Sultanǵa turaqty túrde avtobýstar qatynaıdy - «ÓzA» aqparattyq agenttigi

null

Qazirgi ýaqytta Ózbekstandaǵy «Uzavtotrans Service» kompanııasy Qazaqstannyń tórt qalasyna turaqty reısterdi jolǵa qoıdy, dep jazady Ózbekstannyń «ÓzA» memlekettik aqparattyq agenttigi.

«Atap aıtsaq olar, Tashkent - Túrkistan, Tashkent - Almaty, Tashkent - Úshqońyr jáne Shyrshyq - Úshqońyr baǵyttary. Atalǵan baǵyttarǵa barlyq qolaılyqtarǵa ıe zamanaýı avtobýstarda jetip alýyńyzǵa bolady. Bılet baǵasy da qoljetimdi. Mysalǵa, Tashkent - Túrkistan baǵyty bılet baǵasy 50 myń sým. Tashkent - Almaty nemese Tashkent - Úshqońyr baǵyty bılet baǵasy 101 myń sýmdy quraıdy. Al Shyrshyq - Úshqońyr baǵytynan oryn asańyz 90 myń sým etip belgilengen (1 KZT=22,135 UZS - 03.05.2019)» dep habarlaıdy Ózbekstandyq aqparat kózi.

Ózbekstan Kólik mınıstrliginiń baspasóz qyzmetiniń habarlaýynsha, jaqyn arada «Tashkent - Nur-Sultan», «Tashkent - Taraz», «Samarqand - Dýshanbe», «Tashkent -Qazan», «Tashkent - Ýfa» syndy baǵyttarǵada turaqty reısti avtobýstar jolǵa qoıylatynyn jazady uza.uz.

Bishkekke 141 jyl toldy - TRT
null

Qyrǵyzstannyń Táńiri taýlarynyń etegine qurylǵan bas qalasynyń 141 jyldyǵy toılandy. Bul týraly Túrkııanyń radıo-televızııa mekemesiniń resmı saıty habarlady.

«Qalanyń Sovet odaǵy kezinde Frýnze bolǵan, artynan Qyrǵyzstan táýelsizdik alǵannan keıin Bishkek bolyp ózgertilgen aty Túrkistannan Qytaıǵa sozylǵan Jibek joly boıynda qyrǵyzdardyń óz jurtyna kelýin qamdaǵan bir qyrǵyz batyrynyń esiminen alynǵan», - dep jazady basylym.

Qalanyń mereıtoıyna baılanysty qalada eki kún boıy túrli kontsertter, bı qoıylymdary, kórme men sporttyq jarystar uıymdastyrylǵan.

«Qalanyń ortalyq alańy Alataýda úlken kontsert berilip, Bishkek qalalyq sımfonııa orkestriniń óneri sahnalandy. Kontsertke Bishkek qalasynyń ákimi Ázız Sýrakmatov, qalalyq májilistiń músheleri, qala turǵyndary qatysty. Ózbekstannyń ataqty ánshisi Farýk Zakırov pen Reseıdiń ataqty ánshisi Sogdıana da sahnaǵa shyqty», delingen aqparatta.

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT