+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Altaıda jańa tarıhı-ólketaný murajaıy ashylady - Sheteldegi qazaq tildi BAQ-qa sholý

2021 jylǵy 25 sáýir 11:16
Bólisińiz:
Altaıda jańa tarıhı-ólketaný murajaıy ashylady - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Altaıda jańa tarıhı-ólketaný murajaıy ashylady - «Aǵajaı-Altaı aqparat» saıty

Qytaıdyń Altaı aımaǵyndaǵy tarıhı-ólketaný murajaıy jańa zamanaýı ǵımaratqa kóshti. Jańa mýzeıdiń ashylýyna oraı 18 mamyrda «Ashyq esik kúni» sharasy ótedi, dep habarlaıdy kazakh.altxw.com saıty.

«Aýmaǵy 6 416 sharshy metr eńseli nysannyń birinshi jáne ekinshi qabatynda «Altyntaý tarıhy» atalatyn kórme zaly, úshinshi qabatynda «Altaıdaǵy jartas sýretteri» kórme zaly ornalasqan. Jalpy bul zaldarǵa Altaı aımaǵynyń tarıhy men mádenıetin tanytatyn túrli qundy jádigerler qoıylǵan. Mýzeıde tas quraldar, qysh ydystar, qola, altyn jáne kúmis buıymdar, temir quraldar jáne basqa da mádenı jádigerler saqtalǵan. Olardyń arasynda Jemeneı aýdanynyń «Tuńtııanduń» jurtynan tabylǵan, osydan shamamen 45 myń jyl burynǵy tas quraldar, 4 myń jyl burynǵy qola dáýirindegi mádenı muralar men bederli qysh buıymdary, mys aına jáne qola buıymdar bar», - dep jazady «Aǵajaı-Altaı aqparat» saıty.

Qulyn Altynbekqyzy álem chempıonatynyń qola júldegeri atandy- KAZNEWS

Polshanyń Kelts qalasynda bokstan ótip jatqan jastar arasyndaǵy álem chempıonatynda 51 keli salmaq dárejesinde mońǵolııalyq qazaq boksshy qyz Qulyn Altynbekqyzy qola júldeger atandy, dep habarlaıdy Mońǵolııanyń Kaznews aqparattyq portaly.

«Qulyn Altynbekqyzy jartylaı fınaldaǵy kezdesýin reseılik Valerına Lınovamen ótkizip, 5:0 esebimen utylyp qaldy. Aıta keteıik, buǵan deıin ýkraınalyq Darıa-Olga Gýtarınany jáne qazaqstandyq Gúlnar Turapbaıdy jeńip, jartylaı fınalǵa ótken bolatyn. Ol osylaısha jastar arasyndaǵy álem chempıonatynda 51 keli salmaq dárejesinde qola júldeger atandy», - dep jazdy Kaznews.


ıÝNESKO Ábý Raıhan ál-Bırýnıdiń 1 050 jyldyǵyn atap ótý týraly sheshim qabyldady - «ÓzA» aqparattyq agenttigi

ıÝNESKO Atqarýshy keńesiniń 211 sessııasynda uly ǵalym Ábý Raıhan Berýnıdiń (973-1048) týǵanyna 1 050 jyl tolýyna oraı, osy merekelik datany 2022-2023 jyldary ıÝNESKO-nyń qamqorlyǵymen keńinen atap ótý týraly sheshim qabyldandy, dep jazady Ózbekstannyń «ÓzA» memlekettik aqparattyq agenttigi.

«Bul mereıtoıdy ıÝNESKO-nyń qamqorlyǵymen atap ótý bastamasyn Ózbekstan Respýblıkasy ázirledi jáne Bas shtabqa usynylǵan qujatty Iran Islam Respýblıkasy Tájikstan jáne Túrkııa sııaqty elder tarapynan qoldaý tapty. Sheshim osy jyldyń qarasha aıynda Parıjde ótetin ıÝNESKO Bas konferentsııasynyń 41-sessııasynda bekitiledi dep kútilýde», - dep jazady «ÓzA» aqparat agenttigi.

Atalǵan BAQ-tyń dereginshe, Ábý Raıhan Mýhammed ıbn Ahmed ál-Bırýnı -ortaǵasyrlyq entsıklopedııashy ǵalym, astronom, matematık, fılosof, geograf, etnograf, antropolog, geolog, tarıhshy, botanık, farmakolog jáne gýmanıst bolǵan.

«Bırýnı 973 jyldyń 4 qyrkúıeginde Qııat qalasynyń irgesindegi aýylda dúnıege keldi. Ol 150-ge jýyq eńbek jazyp, óz dáýirinen jaratylystaný jáne áleýmettik ǵylymdardyń derlik barlyq salalaryn qamtıtyn úlken ǵylymı mura qaldyrdy. Bırýnıdiń eńbekteri kóptegen tilderge aýdarylyp, búgingi kúnge deıin ózektiligin saqtap keledi. Ábý Raıhan Mýhammed ıbn Ahmed ál-Bırýnı 1 050 jyldyq mereıtoıyna baılanysty Ózbekstanda birqatar is-shara ótedi. Sonymen qatar, Bırýnıdiń mereıtoıy Iran, Tájikstan men Túrkııada keńinen atalyp ótedi jáne birlesken is-sharalar ótkizilýi josparlanǵan», - dep jazady «ÓzA» aqparat agenttigi.

Qazaqstannyń otandyq vaktsınasy halyqqa egiledi - TRT

Qazaqstanda koronavırýsqa qarsy jetildirilgen otandyq QazVac vaktsınasy 26 sáýirden bastap halyqqa egile bastaıdy, dep habarlaıdy Túrkııa Radıo Televızııa portaly.

«Eldiń ońtústigindegi Jambyl oblysyndaǵy Bıologııalyq qaýipsizdik problemalary ǵylymı-zertteý ınstıtýtynda otandyq vaktsınanyń alǵashqy 50 myń dozasy óndirildi. Qazaq ǵalymdary jetildirgen, klınıkalyq zertteýlerde qaýipsizdigi dáleldengen otandyq vaktsına endi azamattarǵa salynady. Otandyq vaktsınanyń alǵashqy dozasynyń aımaqtarǵa jóneltilýin baqylaǵan vıtse-premer Eraly Toǵjanov «Qazaqstan kovıd-19-ǵa qarsy ózi vaktsınasyn jetildirgen alǵashqy bes el qataryna endi» dedi. Toǵjanov otandyq vaktsınanyń Dúnıejúzilik Densaýlyq saqtaý uıymynyń tizimine engenin aıtty. Qazaqstan vaktsınasynyń endi halyqaralyq standart sertıfıkatyn alýy qajet. Toǵjanov osy maqsatty túriktiń «Atabaı» kompanııasymen yntymaqtastyq jasaıtyndaryn aıtty», -dep jazady TRT.



Bizdiń kanalymyzǵa jazylyńyz:

Bólisińiz:

Avtor:

Baqytjol Kákesh

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT