+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Altaıda turatyn qarııa jarty ǵasyrdan beri «Aıý bıin» bılep júr - Sheteldegi qazaqtildi BAQ-qa sholý

2019 jylǵy 14 jeltoqsan 12:18
Bólisińiz:
Altaıda turatyn qarııa jarty ǵasyrdan beri «Aıý bıin» bılep júr - Sheteldegi qazaqtildi BAQ-qa sholý

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Altaıda turatyn aqsaqal jarty ǵasyr boıy «Aıý bıin» bılep júr - Qytaıdyń «Ortalyq halyq radıosy» (CNR)

Qazaqtyń «Aıý bıi» adamdardyń ań aýlaý barysynda aıýdyń kúndelkti tirshiligindegi túrli qımyldaryn baqylap, elikteýi arqyly qalyptasqan, dep habarlaıdy Qytaılyq kazakcnr.com saıty.

« ...Ótken zamandarda ańshylar ańshylyqta qanjyǵa maıly bolý úshin aıýdyń ártúrli áreketterine elikteı otyryp bı bılegen. Bundaı bı ýaqyt óte kele halyq arasyna keń taralyp «aıý bıi» dep atalǵan. Osy bı urpaqtan-urpaqqa nasıhattalyp búgingi zamanǵa jetken. Sondyqtan osy dástúr bı mádenıetimizdiń bir parasy ári kópshiliktiń kóńilin kóterýge arnalǵan ózgeshe óner túri bolyp baǵalanyp otyr. Bıshi aıý bolyp jasanyp, aıýdyń úńgirden shyǵýy, azyq izdeýi, azyǵyn baıqaýy, baqylaýy, aýlaýy sııaqty túrli qımyldaryn sondaı-aq, shapalaq soǵýy, aqyrýy sekildi áreketterine elikteý arqyly aıýdyń ıkemsiz ári súıkimdi, shaban ári saq, momyn ári zerek bolyp kórinetin qaıshylyqty beınesin alyp shyǵady», - dep jazady CNR.

Atalǵan BAQ-tyń jazýynsha, búgingi kúni Qytaıdyń Altaı aımaǵy Qaba aýdanynyń turǵyny Qurman Dúısenqanul osy umyt bolyp bara jatqan kóne bıdi halyq ortasynda bılep, nasıhattap júr eken.

«Qaba aýdanynyń Tasqara aýylynda turatyn 62 jastaǵy Qurman aqsaqal 6 jasynan bastap «aıý bıin» úırenip, qazirge deıin 56 jyl boıy osy ónerdi janyna serik etip, bılep kelgen. Qurman Dúısenhanulynyń aıtýynsha, onyń ata-anasy «Aıý bıin» jaqsy meńgerip, el arasynda bıshi atanǵan. Al Qurman aqsaqal osy ákesinen úırengen «Aıý bıin» ózdiksiz úırenip, jetildirip, damytyp otyrǵan. Ol jas kezinde aıýdyń áreketin tipten de dál beıneleý úshin, únemi taýǵa baryp, aıýdyń azyq ustaǵan sátin, aqyryp aıbat shekken kezdegi beınesin, basqa da túrli áreketin alystan baqylap bıge qosyp paıdalanǵan. «Aıý bıin» jeke adam nemese birneshe adam toptasyp bıleýine bolady. Atalǵan bıde 20 dan astam negizgi qımyl-áreket bar. Onyń ishine aıýdyń sý ishýi, oıyn oınaýy, azyǵyn jeýi sekildi túrli qımyl-qozǵalystar kiredi», - dep jazady kazakcnr.com saıty.

Derekóziniń málimetinshe, Shyńjan ólkesi «Aıý bıin» materıaldyq emes mádenı mura tizimine qosyp, onyń saqtalýyna, halyq arasynda nasıhattalýyna kóńil bólip keledi. Endi bıshi aqsaqal osy ónerin urpaqtan-urpaqqa jalǵastyrý úshin, nemerelerine úıretip júr eken. Olar qazirgi kúni mereke-meıramda «Aıý bıin» bılep jurttyń yqylasyna bólenýde. Tipten, bıshi aqsaqaldyń aýylyna týrısterde «Aıý bıin» kórý úshin arnaıy at basyn buratyn bolǵan.

Esterińize sala keteıik, ónertanýshylardyń pkirinshe, «Aıý bıiniń» ózine táýeldi arnaıy mýzykasy, kúıi bolmaǵan, kóne zamandarda ártúrli kúılerge bılengen. Munda ásirese dombyranyń sol buraýyndaǵy kúılerge jıi bılenip kelgen. Al qazaqta osy kóne bıden basqa «Jorǵa aıý» bıi de bar. Bul bı de qazaq ultynyń kóshpendi ómirindegi ańyzǵa aınalǵan ulttyq bıi, ańshylyq ómirdiń aınymas týyndysy. «Jorǵa aıý» bıiniń halyq arasynda táýeldi óz kúıi bar, ol «Jorǵa aıý kúıi» dep atalǵan.

Erbolat Tólekuly bokstan el chempıony atandy - kaznews.mn

Mońǵolııanyń Erdenet qalasynda bokstan eresekter arasyndaǵy el chempıonatynda Erbolat Tólekuly +91 keli salmaq dárejesinde judyryqtasyp, óz salmaǵynda chempıon atandy, dep jazady Mońǵolııanyń KAZNEWS aqparattyq portaly.

«219 sportshy baq synaǵan alamanda Baıan-Ólgeı aımaǵynyń sportshysy Erbolat Tólekuly +91 keli salmaq dárejesinde judyryqtasyp, óz salmaǵynda chempıon atandy. Esterińizge sala ketsek Erbolat Tólekuly buǵan deıin bes ret el chempıony atanǵan bolatyn. Sonymen qatar, osy el chempıonatynda 57 keli salmaq dárejesinde óner kórsetken Nurlan Asqaruly qola júldeni qanaǵat tutty», - deıdi basylym.

«Kóktý» qoǵamy Ankarada Qazaqstannyń táýelsizdik merekesin toılady - TRT

Ótken jyly qurylǵan «Kóktý» qazaq mádenıet qoǵamynyń bastamasymen jáne Qazaqstannyń Túrkııadaǵy ókiletti elshiliginiń qoldaýymen Túrkııanyń bas qalasy Ankara tórinde Qazaqstannyń táýelsizdik merekesi atalyp ótildi, dep jazady Túrkııa Radıo Televızııa portaly.

Atalǵan BAQ-tyń jazýynsha, merekelik shara barysynda qazaqtyń sánger qyzy, ataqty dızaıner Hanym Aıdashtyń túrik tiline aýdarylǵan kitaby tanystyrylǵan. Sánger Hanym Aıdash sóz kezeginde Qazaqstannyń talantty sángerleriniń kıim úlgilerin alyp kelgenderin aıtyp, qazaq halqynyń ulttyq kıimderin nasıhattaıtyn kitabynyń túrik tiline aýdarylyp basylǵanyna qýanyshty ekenin atap kórsetti. Sondaı-aq, osy sharada Qazaqstannan arnaıy kelgen sángerler Jadyra Qonar, Hanym Aıdash jáne Móldir Bekibaevanyń kıim úlgileriniń sán kórsetilimi boldy. Ulttyq naqyshtaǵy zamandas ómirge sáıkestendirilgen áıelder kıimi ankaralyq kórermenniń kóńilinen shyqty.

Qazaqstannyń táýelsizdiginiń 28 jyldyǵyna arnalyp uıymdastyrylǵan sharanyń kelesi bóliminde Qazaq Ulttyq Óner Ýnıversıtetiniń «Shabyt» orkestri kontsert bergen. Orkestr Ankara halqy men qazaqstandyq stýdentter, qazaqqa jany jaqyn túrik zııaly qaýymynyń aldynda qazaqtyń kúmbirletip kúıin oınap, áýelegen ánderin shyrqaǵan.

Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy - kaznews.mn

Qandasymyz Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy, dep jazady Mońǵolııanyń KAZNEWS aqparattyq portaly.

Atalǵan derekkóziniń málimetinshe, Ǵun ımperııasyna 2228 jyl, Uly Mońǵol memleketine 813 jyl, Ult azattyq qozǵalysyna 108 jyl, Mońǵol Halyq revolıýtsııasynyń tóńkerisine 98 jyl, Demokratııalyq qozǵalysqa 30 jyl tolýyna oraı Mońǵolııa Prezıdenti H.Battýlga jarlyq shyǵaryp ónerkásip, densaýlyq, bilim, mádenıet, ekonomıka, qoǵam, kommýnaldyq qyzmet kórsetý salasynda abyroıly qyzmet atqarǵan 21 azamatqa «Mońǵol eline eńbek sińirgen qaıratker» ataǵyn berdi.

Mońǵolııa Prezıdenti bul joly, Mońǵolııa qazaqtary arasynan «Mońǵol eline eńbek sińirgen qaıratker» ataǵymen Baıan-Ólgıı aımaǵynyń SÝAT kompanııasynyń dırektory Shárip Sáıpiǵalıulyn marapattaǵan.

Túrkııadaǵy qazaq stýdentter bas qosty - TRT

Sakarııada Túrkııada bilim alatyn qazaqstandyq stýdentterdiń birinshi bas qosý boldy, dep jazady Túrkııa Radıo Televızııa portaly.

Atalǵan BAQ-tyń jazýynsha, Qazaqstan táýelsizdiginiń 28 jyldyǵyna oraı Qazaqstannyń Túrkııadaǵy ókiletti elshiliginiń qoldaýymen, Sakarııa qalasynyń akımaty jáne mýnıtsıpalıtet basshylyǵynyń qoldaýymen Túrkııanyń Sakarııa qalasynda bolǵan kezdesý joǵary deńgeıde ótken. Kezdesýge Túrkııanyń 32 qalasynan túrik joǵary oqý oryndarynda bilim alatyn 250 stýdent kelgen. Olarmen kezdesýge Qazaqstannyń Túrkııadaǵy ókiletti elshisi Abzal Saparbekuly, Sheteldegi túrikter jáne aǵaıyn qaýymdastyqtar basqarmasynyń tóraǵasynyń orynbasary Saıt ıÝsýf qatysqan.

«Atalǵan shara barysynda Qazaqstannan kelgen óner qaıratkerleriniń keremet kontserti ótti. Qazaq ulttyq óner ýnıversıtetiniń «Shabyt» orkestri men «Kórkem» balalar bı ansambliniń óneri ári elden jyraqta júrgen tálimgerlerdiń elge degen saǵynysh maýqyn basyp, ári túrik aǵaıyndar men ýnıversıtettegi sheteldik stýdentterdiń kóńilinen shyqty. Barsha kórermen qazaq óner qaıratkerleriniń ónerine túregelip turyp qoshamet kórsetti. Kontserttiń betashar sózinde Qazaqstannyń Túrkııadaǵy ókiletti jáne tótenshe elshisi Abzal Saparbekuly «Qazaqstannyń táýelsizdigi máńgi bolsyn. Táýelsizdiktiń baıandy bolýy úshin jastardyń aıanbaı jumystanýy qajet» dedi. Sheteldegi túrikter jáne aǵaıyn qaýymdastyqtar basqarmasyny tóraǵasynyń orynbasary Saıt ıÝsýf Túrkııanyń álemdegi 160 eldiń 17500 stýdentine bilim berip otyrǵanyn aıtty», - - dep jazady TRT.

«Ózbekstan pochtasy» men «Qazposhta» yntymaqtastyq týraly kelisim jasady - «ÓzA» aqparattyq agenttigi

Ózbekstan Respýblıkasynyń Aqparattyq tehnologııalar jáne kommýnıkatsııalardy damytý mınıstrliginde mınıstr orynbasary Bahromjon Almatov Qazaqstan Respýblıkasynyń «Qazposhta» AQ basqarma tóraǵasy Sáken Sársenov bastaǵan delegatsııamen kezdesý ótkizdi, dep jazady Ózbekstannyń «ÓzA» memlekettik aqparattyq agenttigi.

«Kezdesýde poshta salasyna baılanysty ekijaqty yntymaqtastyqtyń úlken áleýeti bar ekeni aıtylyp, osyǵan baılanysty ózara qyzyǵýshylyq týdyratyn salalardaǵy seriktestikti keńeıtý perspektıvalary týraly áńgime boldy. Osy kezdesý aıasynda qazaqstandyq delegattar «Ózbekstan pochtasy» jaıly tolyqtaı aqparat pen aldaǵy josparlary jaıynda málimetter alyp, ózbekstan tarapy «Kazpochtanyń» jumys isteý prıntspiterimen birshama málimetke ıe boldy. Kezdesý sońynda, «Ózbekstan pochtasy» AQ men «Kazpochta» AQ arasynda kýrerlik jáne jedel poshta qyzmetteri jáne elektrondy kommertsııa salasyndaǵy yntymaqtastyq boıynsha birlesken qyzmetterdi júzege asyrý týraly kelisimge qol jetkizildi», - dep jazady «ÓzA» memlekettik aqparattyq agenttigi.

Sırııa boıynsha Astana protsesiniń 14-raýndy Qazaqstanda ótkizildi -«Jenmın jıbao» (People Daily)

Eki kúnge jalǵasqan Sırııa boıynsha Astana protsesiniń 14-raýndy Qazaqstannyń astanasy Nur-Sultan qalasynda ótti, dep habarlaıdy kazakh.people.com.cn saıty.

«Nur-Sultanda ótken 14-raýnd qorytyndysyna oraı Sırııa boıynsha Astana protsesiniń 15-raýndy 2020 jyldyń naýryzynda ótetin boldy. Sondaı-aq, birlesken málimdemede Astana formatyndaǵy beıindi jumys tobynyń aıasynda zorlyqpen ustalynyp otyrǵan tulǵalardy, kepilge alynǵan adamdardy bosatý operatsııalaryn jalǵastyrý qajettigi aıtylǵan. Sırııanyń búkil aýmaǵynda barlyq sırııalyqtarǵa gýmanıtarlyq járdemdi arttyrý qajettigine nazar aýdarylǵan. Iran, Reseı jáne Túrkııa Astana protsesiniń kepilgeri retinde Sırııa Arab Respýblıkasynyń egemendigi, táýelsizdigi men aýmaqtyq tutastyǵyn qurmetteıtini jarııa boldy. Sırııanyń turaqtylyqty buzýǵa jáne kórshi elderdiń qaýipsizdigine qaýip tóndirýge baǵyttalǵan separatıstik josparlarǵa qarsy turýǵa daıyn ekendikterin bildirdi. Izraıldiń qarýly shabýyldaryn halyqaralyq quqyq pen halyqaralyq gýmanıtarlyq zańdardy buzýyn, turaqtylyq pen qaýipsizdikke qaýip tóndiretin aıyptady», - dep jazady People Daily.


Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT