Valıýta baǵamdary:
    usd/kzt 477.98 eur/kzt 488.93

    rub/kzt 7.93 cny/kzt 70.82
Aýa raıy:
Nur-Sultan: 1 °S
Almaty: 15 °S

Altaıda ótken aıtystyń bas júldesin Ardabek Aqbaba jeńip aldy

2022 jylǵy 2 shilde 00:46

ÓSKEMEN. QazAqparat - 1 shilde kúni Shyǵys Qazaqstan oblysynyń Qatonqaraǵaı aýdanynda ótken «Altaıdaı jer qaıda?» halyqaralyq aıtystyń bas júldesin Ardabek Aqbaba jeńip aldy, dep habarlaıdy QazAqparat.

Halyqaralyq aıtys dodasyna Qazaqstan, Mońǵolııa, Ózbekstan, Qyrǵyzstannan kelgen ataqty aıtyskerler qatysty. Aıtystyń jalpy júlde qory 20 mln teńgeni qurady. Nátıjesinde, birinshi oryndy qyzylordalyq aqyn Muhtar Nııazov qanjyǵalasa, ekinshi oryndy Erkebulan Qaınazarov pen Rústem Qaıyrtaıuly bólisti. Qaziret Berdihan men ózbekstandyq aqyn Talǵat Orynbekov úshinshi oryn aldy.


Aıtysqa, sonymen qatar, Ásem Ereje, Shuǵaıyp Sezimhan, Qalıjan Dildashev, Jarqyn Juparhan jáne basqa da tanymal aıtyskerler qatysty.

Sóz ónerinde sańlaqtardyń qarymyn Ulyqbek Esdáýletov, Serik Qalıev, Dáýletkereı Kápuly, Almas Ahmetbek jáne Serik Qusanbaev syndy quram baǵalap, qazylyq etti.

Aıtystyń júrgizýshisi, Qazaqstan Respýblıkasynyń eńbek sińirgen qaıratkeri Júrsin Erman boldy.


«Búgingideı ashyq aspan astynda, taý bókterinde aıtys ótkizý tamasha ıdeıa boldy. Sebebi, mundaı tumsa tabıǵat aqyndarǵa zor shabyt syılaıdy. Qazir aıtystyń deńgeıi áldeqaıda joǵary. Óıtkeni aıtyskerlerdiń kóbisi ǵylym baǵytynda júr. Bul álbette, aıtystyń ıntellektýaldyq deńgeıin ósiredi. Búgingi jastardyń da aıtysqa betburysy erekshe. Aıtystyń bolashaǵy zor. Mońǵolııa, Qyrǵyzstan, Ózbekstan sekildi shet elderdegi qandastarymyzdyń da aıtysqa qyzyǵýshylyǵy artyp keledi. Mundaı festıvalder aldaǵy ýaqytta da áli jalǵasyn tabatynyna senemin», - dedi J.Erman.


Avtor:

Ashat Raıqul

Novostı po teme
Uqsas jańalyqtar