Altaıda qazaq halqynyń baıyrǵy dástúrli teri shańǵy mádenıeti ulyqtaldy - Sheteldegi qazaq baspasózi
2022 jylǵy 23 qańtar 10:56

Altaıda qazaq halqynyń baıyrǵy dástúrli teri shańǵy mádenıeti ulyqtaldy - Sheteldegi qazaq baspasózi

NUR-SULTAN. QazAqparat - QazAqparat halyqaralyq aqparat agenttigi sheteldegi qazaq tilinde taraıtyn aqparat kózderine aptalyq sholýyn usynady.

Altaıda qazaq halqynyń baıyrǵy dástúrli teri shańǵy mádenıetin ulyqtaǵan mereke ótti - Aǵajaı-Altaı

Qytaıdyń Altaı qalasyndaǵy Genaral taýy halyqaralyq shańǵy bazasynda qazaq halqynyń baıyrǵy dástúrli teri shańǵy mádenıetin ulyqtaǵan mereke atalyp ótti, dep habarlaıdy kazakh.altxw.com saıty.

Atalǵan BAQ-tyń jazýynsha, bul erekshe merekelik is-sharaǵa Qytaı eliniń ár oblysynan kelgen týrıster men qonaqtar qatysqan. Osy mádenı sharanyń ashylý saltanatynda kópshilikke qazaq ultynyń dástúrli mádenıeti kórsetilip, baıyrǵy dástúrli teri shańǵy arnaıy tanystyryldy.

Sondaı-aq, Altaı aımaǵyn mekendep, ejelden teri shańǵyny jasaý hám paıdalaný dástúrin úzbeı jalǵap kele jatqan óńir qazaqtarynan quralǵan 100 adamdyq komanda ulttyq kıimderin kıip, teri shańǵylarymen taý betkeıinen syrǵanap túsip, kórermender aldynan saltanatty sherýmen ótti.

Atalǵan sharada budan basqa da túrli sporttyq oıyndar uıymdastyrylǵan. Solardyń ishinde 200-den astam mektep oqýshysy qar shańǵy oıyndaryna arnalǵan túrli qoıylymdar kórsetip, án aıtyp, bı bılep jurttyń erekshe yqylasyna bólengen.

Altaı qalasynda 2018 jyldan beri qar shańǵy sporty sabaǵy mektep baǵdarlamasyna engizilgen bolatyn.

Aıta keteıik, erte kezde adamdardyń kúndelikti tirshiligine qajetti kólik quraly bolǵan, al qazirgi kúni qysqy sporttyń negizgi túri sanalatyn shańǵynyń alǵash paıda bolǵan otany qazaqtar qonystanǵan Altaı ólkesi ekeni osydan biraz jyl buryn áıgilendi.

Ǵalymdar 2005 jyly Qytaıdyń Altaı aımaǵyndaǵy shańǵy tebý beınelengen jartas sýretin zerttep, ony bizdiń zamanymyzdan burynǵy 10 myń jyldyń aldyndaǵy jádiger retinde moıyndaǵan.

Osydan keıin 2007 jyly «Altaı taýy eń baıyrǵy qar shańǵysynyń mekeni» dep Gınnestiń rekordtar kitabyna engizilgen.

Altaı qalasynyń irgesindegi Noǵaıty aýylynda turatyn Sylambek Saqashuly baıyrǵy qar shańǵysy materıaldyq murasynyń jalǵastyrýshy, murageri retinde tanylǵan.

Aýylda Sylambek aqsaqal bastaǵan bir top qar shańǵy jasaý sheberler turady. Sondyqtan da bul aýylǵa da teri shańǵynyń jasalý ereksheligin kórýge saıahatshylar arnaıy atbasyn burady.

Padıshalardyń portretteri aýktsıonda satyldy- TRT

Shotlandııada úıdiń tóbesinen tabylǵan, neshe urpaqtan beri bir otbasynyń qolynda bolǵan Osmanlynyń bes padıshasynyń portretteri 1 mıllıon 346 myń sterlınge satyldy, dep habarlaıdy Túrkııa Radıo Televızııa portaly.

«Ulybrıtanııada Sotheby’s aýktsıon úıi kollektsııaǵa 50-70 myń sterlın qun jarııalaǵan bolatyn. 17-ǵasyrda salynǵan kartınalardyń shamamen bir ǵasyrdan beri jaryqqa shyqpaǵany aıtyldy. Bul jolǵy aýktsıonǵa Beıazyt I, Mehmet I, Murat II jáne Beıazyt II men Kanýnı Sultan Súleımannyń portretterimen qosa Aqsaq Temirdiń kartınasy da shyǵarylǵan» dep jazady TRT.

Qazaqstan elshiligi eldegi jaǵdaıǵa baılanysty brıfıng ótkizdi - KAZNEWS

Qazaqstan Respýblıkasynyń Mońǵolııadaǵy Tótenshe jáne Ókiletti Elshisi Jalǵas Ádilbaev Mońǵolııanyń jetekshi BAQ ókilderi úshin brıfıng ótkizip, Qazaqstandaǵy aǵymdaǵy jaǵdaı týraly málimet berdi, dep habarlaıdy Mońǵolııanyń Kaznews aqparat portaly.

Іs-shara basynda oqıǵalar damýynyń egjeı-tegjeıin kórsetetin derekti beınerolık kórsetildi. Elshi J.Ádilbaev Jańaózen qalasyndaǵy beıbit mıtıngilerden bastap Almaty men Qazaqstannyń basqa da qalalaryndaǵy qaıǵyly oqıǵalarǵa deıingi oqıǵalardyń jelisin egjeı-tegjeıli aıtyp berdi.

Ol lańkestik toptardyń elimizdiń konstıtýtsııalyq qurylymyna nuqsan keltirýge árekettengenin, ákimshilik mekemelerge, polıtsııa bólimshelerine, beıbit turǵyndarǵa, sonyń ishinde medıtsına qyzmetkerlerine, órt sóndirýshiler men jýrnalısterge jappaı qarýly shabýyldar jasaǵanyn atap ótti.

Sondaı-aq qazaqstandyq dıplomat tótenshe jaǵdaı rejımi kezinde adam ólimine, qaıǵyly oqıǵalarǵa jáne quqyq buzýshylyqtarǵa qatysty sońǵy faktilerdi keltirdi. J.Ádilbaev jýrnalısterdiń nazaryn Quqyq qorǵaý organdary men Qazaqstan Respýblıkasynyń Qarýly Kúshteri keıbir BAQ burmalap kórsetetindeı «beıbit sherýshilerge» emes, lańkesterge qarsy turǵanyna aýdardy.

Qazaqstandyq dıplomatııalyq mıssııanyń basshysy Qazaqstannyń UQShU-ǵa bitimgershilik kontıngentin jiberý týraly ótinishimen zańdy túrde júgingenin, ol óz mıssııasyn sátti oryndap, taraptar ózara keliskendeı Qazaqstannyń aýmaǵynan kezeń-kezeńimen shyǵarylǵanyn aıtty.

Elshi Premer-Mınıstr A.Smaıylov bastaǵan Úkimettiń jańa quramy men Memleket basshysynyń elimizdegi áleýmettik-ekonomıkalyq damý men saıası reformalardy odan ári jetildirý jónindegi tapsyrmalaryna toqtaldy.

Dıplomat brıfıngke qatysýshylardy qazaqstandyq-mońǵol dostyq qarym-qatynastardyń myzǵymaıtynyna, sondaı-aq elimizdegi sheteldik ınvestıtsııalar men dıplomatııalyq korpýstyń qaýipsizdigi qamtamasyz etiletinine sendirdi.

Qazaqstannyń Mońǵolııadaǵy Elshiligi bıyl Qazaqstan men Mońǵolııa arasyndaǵy dıplomatııalyq qarym-qatynastyń 30 jyldyǵyna arnaıy josparlanǵan barlyq is-sharalardy júzege asyrýǵa múddeli ekeni jetkizildi.

Brıfıng sońynda jýrnalıster Elshige elimizdegi qalyptasqan jaǵdaılar men taraptar arasyndaǵy yntymaqtastyq sharalary týraly suraqtarǵa jaýaptar aldy» - dep jazdy Kaznews.

Ózbekstanda ushqyshsyz basqarylatyn apparattar shyǵarý jolǵa qoıyldy - ÓzA

Ózbekstanda zamanaýı tehnologııalar negizinde ushqyshsyz ushatyn apparattar shyǵarý jolǵa qoıyldy , dep jazady Ózbekstannyń ÓzA memlekettik aqparat agenttigi.

Qorǵanys ónerkásibi memlekettik komıtetiniń habarlaýynsha, komıtettiń janynan ushqyshsyz ushatyn apparattardyń ǵylymı-óndiristik ortalyǵy quryldy. Ortalyq halyqaralyq tehnıkalyq talaptar men standarttarǵa tolyq jaýap beretin «Lochın» (lashyn) ushqyshsyz ushatyn apparattaryn shyǵarýdy jolǵa qoıdy.

Eki maqsatqa arnalǵan bul ulttyq joba Ortalyq Azııadaǵy alǵash ret Ózbekstanda ázirlenip, iske qosylǵan bolyp, mundaǵy ortalyq ushqyshsyz ushatyn apparattardy óndirýge, qurastyrýǵa, jóndeýge jáne olarǵa tehnıkalyq qyzmet kórsetýge qajetti qural-jabdyqtar tolyq qamtylǵan.

Qorǵanys ónerkásibi memlekettik komıteti ortalyqty jas kadrlardy daıarlaý, jetekshi shet memleketterde taǵylymdamadan ótý jáne biliktiligin arttyrý arqyly ushqyshsyz avıatsııa salasyndaǵy mamandarmen tolyqtyryp jatqany aıtyldy.

«Ulttyq brendpen ázirlengen ushaq jáne kvadrokopter túrindegi «Lochın» ushqyshsyz ushatyn apparaty barlaý, soqqy berý, naqty ýaqyttaǵy baqylaý, artıllerııalyq atysty basqarý salalarynda qosa alǵanda aýyl sharýashylyǵy, munaı jáne gaz, orman sharýashylyǵy temir jol, geologııa, izdestirý, kartografııa, topogeodezııa, daqyldardy defolıatsııalaý, qoryqtar, joldar, áleýmettik ınfraqurylym men mańyzdy nysandardy baqylaý jáne basqa da ártúrli maqsattarǵa paıdalaný múmkindigine ıe», - dep jazady ÓzA aqparat agenttigi.

Iran álemdegi elektr stantsııa salatyn 14 eldiń qataryna kiredi - Fars

Irannyń Energetıka mınıstriniń ǵylymı-zertteý salasyndaǵy orynbasary Irannyń elektr stantsııa salý turǵysynan álemdegi eń úlken on tórt eldiń biri ekenin málimdedi, dep habarlaıdy Irannyń Parstoday aqparat agenttigi.

«Irannyń Energetıka mınıstriniń Ǵylymı-zertteý salasyndaǵy orynbasary Andjam Shoaa: «Irannyń elektr qýaty salasynda mamandardyń talpynystarymen úlken qadamdar jasalyp, 86 myń MVt-tan astam qýaty bar elektr stantsııasy salyndy. Elektr taratý jelileriniń uzyndyǵy - 54800 km. Energetıka mınıstrligi 54 mıllıard tekshe metr sý saqtaıtyn 715 bógetpen birge 30 myń shaqyrym sý tasymaldaıtyn jelilerdi basqarady» dep jazady Parstoday aqparat agenttigi.


Avtor:
Tilshi

Jańalyqtar

MURAǴAT