+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Altaıda atqa miný sabaǵy mektep baǵdarlamasyna engizildi - Sheteldegi qazaqtildi BAQ-qa sholý

2019 jylǵy 19 qazan 12:55
Bólisińiz:
Altaıda atqa miný sabaǵy mektep baǵdarlamasyna engizildi - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
8 qarasha kúni Qazaqstanda ótetin mańyzdy is-sharalar 7 qarasha kúni Qazaqstanda ótetin mańyzdy sharalarǵa sholý 6 qarasha kúni Qazaqstanda ótetin mańyzdy sharalarǵa sholý

Altaıda atqa miný sabaǵy mektep baǵdarlamasyna engizildi - «Altaı aqparat» saıty

Qytaıdyń Altaı qalasyndaǵy 10 myń jasóspirimge atqa minýdi úıretetin, erekshe sport jáne dene shynyqtyrý sabaǵy ótkizile bastady, dep habarlaıdy altxw.com saıty.


Atalǵan BAQ-tyń jazýynsha, bul atqa minýdi úıretip, at sporty ónerine baýlıtyn erekshe baǵdarlama Altaı qalasyndaǵy oqý jasyndaǵy barlyq mektep oqýshylarynyń sózsiz oqıtyn mindetti sabaǵyna aınalǵan. «Altaıdyń altyn qandy asyl tuqymdy jylqy sharýashylyǵy» JShS-nyń bas menedjeriniń jýrnalısterge bergen málimetinshe, jylqy fermasy men úkimet 10 jyldyq oqytý týraly kelisimge qol qoıǵan. Olar osy jyldyń ózinde 5 000 oqýshyǵa at sportynyń qyr-syryn úıretpek. Qazirgi kúni erekshe baǵdarlama boıynsha oqytatyn, jylqy sharýashylyǵy boıynsha joǵary oqý oryndarynan bilim alǵan 25 oqytýshy daıyndalǵan. 2019 jyly Altaı aımaǵy ár kúni 100 oqýshynyń Ippodromǵa baryp at óneri sabaǵyna qatynasýyn josparlaǵan.


«At sporty sabaǵynda oqýshylar aldymen jylqylardyń tirshilik etý ortasy men jylqylardyń jalpy sıpaty jáne at sporty óneri týraly jan-jaqty maǵlumattarmen tanysady. Sodan keıin atqa minýdi úırenedi. Mamandardyń aıtýynsha, bul baǵdarlama oqýshylardyń kúızelisin jeńildetip, dene shynyqtyrý sabaǵyna qyzyǵýshylyǵyn arttyrady. Sondaı-aq, jastardyń ózine degen senimdiligin kúsheıtip, at ústinde tepe-teńdikti saqtaı otyryp, dene bitiminiń shymyr, túzý ósýine, aǵzany nyǵaıtaýǵa kómektesetin erekshelikteri bar. Altaıdaǵy oqýshylardyń qysqy maýsymda dene shynyqtyrý sabaǵy shańǵy tebý bolsa, jazǵy maýsymdaǵy dene shynyqtyrý sabaǵy at sporty ónerin úırenýmen tolyqty», - dep jazady «Altaı aqparat» saıty.


Adamnyń azamat qataryna qosylýynyń ózin «at jalyn tartyp mindi» dep beıneleıtin qazaq halqy úshin jylqy túligi qashanda erekshe mańyzǵa ıe bolǵan. Qytaıdaǵy Qazaqtar shoǵyrly qonystanǵan Altaı aımaǵyndaǵy tól mádenıetimizdi ulyqtaǵan, qazaq eline úlgi bolarlyq bul jańalyǵy kóńilge qýanysh uıalatady.

Osy derekkóziniń jazýynsha, at sporty ónerin úırený sabaǵynda, oqýshylar buryn atqa minip kórmegen soń, bastapqyda qoryqqan. Keıinnen oqýshylar attyń qasyna baryp, basynan sıpap, jetelep, minip kórip úıirene bastaıdy. Osylaısha Altaı jerinde ómir súrgen, at jalynda ósken atalarynyń jolyn qýyp, mádenıetin saqtap, jalǵastyrýshy urpaqtary tól mádenıetin qaıta boıyna darytpaq nıette. Qytaı elinde mundaı óńirlik erekshelikke ıe mindetti kýrstardy úıretý dástúri qalyptasqan eken. Mysaly, Altaıda oqýshylarǵa atqa miný sabaǵy oqytylsa, Gýanchjoýda oqýshylar «Sorpa jasaýdy», Haınanda sýda júzýdi mindetti sabaqqa engizgen.

Qazaqstanda óndirilgen 15 tonna pechene ónimderi Qytaıǵa jetkizildi - Qytaıdyń «Ortalyq halyq radıosy» (CNR)


Qazaqstanda óndirilgen 15 tonna sapaly, dámdi pechene ónimderi Shyńjannyń «Dýlaty» ótkizý pýnktinen Qytaı jerine jetkizildi, ónimdi Úrimji qalasynda saýdaǵa shyǵarmaq, dep jazady Qytaılyq kazakcnr.com saıty.

Atalǵan aqparat kóziniń málimetinshe, osy jolǵy Qazaqstandyq túrli pechene ónimderin ımport etken «I hyruń» JShS taýarlardy kedennen esh qıyndyqsyz, jyldam rásimdep ótkizgenin málim etken. Olar aldaǵy ýaqyttarda «Dýlaty» ótkizý pýnkti arqyly taǵy da Qazaqstannan túrli kondıter ónimderin jáne maqsary maıy sekildi azyq-túlik taýarlaryn ımporttaýdy josparlap otyrǵanyn aıtady.

Ózbekstan men Qazaqstan shekarasy ýaqytsha jabylady - «ÓzA» aqparattyq agenttigi


Memlekettik shekara komıtetiniń málimetinshe, Ózbekstannyń Qazaqstanmen shekarasyndaǵy «ıAllama» (Ózbekstan) ótkizý púnktin keńeıtý maqsatynda, ýaqytsha keler jyldyń alǵashqy jarty jyldyǵyna deıin jabylady, dep habarlaıdy Ózbekstannyń «ÓzA» memlekettik aqparattyq agenttigi.

«1 qarashadan bastap «ıAllama» (Ózbekstan), «B.Qonysbaev» (Qazaqstan) shekaralyq ótkizý púnktinde, jaıaý júrginshiler, jeńil avtokólikter men 3,5 tonnaǵan deıingi júk tasymaldaýǵa arnalǵan kólikterdiń qatynaýy, qurylys jumystarynyń júrýine baılanysty 2020 jydyń birinshi jartysyna deıin jabylatyn bolady. Osyǵan baılanysty, Shekara komıteti taýarlar men kólik quraldaryn tasymaldaýshylarǵa, kólik quraldarynyń júrgizýshileri men jaıaý júrginshilerge ýaqytty únemdeý jáne artyq shyǵyndardyń sonymen keleńsiz jaǵdaılardyń týyndamaýy úshin Ózbekstan-Qazaqstan shekarasyndaǵy basqa shekaralyq ótkizý pýnktteri arqyly júrýlerin suraıdy», - dep habarlaıdy «ÓzA» aqparattyq agenttigi.

Beıjińde Qytaıdaǵy az ulttar ádebıetiniń máselelerine arnalǵan jınalys ótti - «Jenmın jıbao» (People Daily)


Qytaıdaǵy sany az ulttar ádebıetiniń aǵymdaǵy damý máselelerine arnalǵan 6-shy kezekti jıynalys Beıjińde ashyldy, dep habarlaıdy kazakh.people.com.cn saıty.

«Qazirgi kúni Qytaı jazýshylar qoǵamyna 12 200 jazýshy múshe. Olardyń 464-i az sandy ult jazýshylary. Arasynda Qytaıda turatyn 55 az sandy ulttyń barlyǵynyń jazýshylar bar. Osy az sandy ult jazýshylarynyń qalamynan talaı tańdaýly ádebı týyndylar ómirge keldi. Bul jazýshylar Qytaıdaǵy bedeldi «Lý Sın ádebıet syılyǵy», «Tulpar syılyǵy» sekildi kóptegen marapattarǵa ıe boldy. Sondaı-aq, tańdaýly týyndylar saralanyp, «XXI ǵasyrdaǵy ádebıet juldyzy», «Qytaıdaǵy sany az ulttar ádebıetiniń juldyzy», «Jańa dáýirdegi Qytaı az sandy ult ádebı shyǵarmalarynan tańdamalylar» sııaqty jobalar aıasynda jeliles kitaptarǵa enip, memlekettiń qarjysymen jaryq kórdi», - dep jazady People Daily.

Atalǵan BAQ-tyń jazýynsha, alqaly basqosýda az sandy ulttar ádebıetiniń aǵymdaǵy damý máseleleri jan-jaqty talqylanyp, búgingi qoǵamda jazýshylardyń shyǵarmashylyq jumyspen alańsyz aınalysýyna múmkindikter jasalyp otyrǵany aıtylǵan. Jazýshylardyń jańa shyǵarmalaryn jarııalaýǵa, oqyrmandarǵa jyldam jetkizýge, Beıjińdegi «Ulttar ádebıeti» jýrnaly jáne Qytaıdaǵy 5 az sandy ulttar turatyn avtonomııaly ólkelerdegi ádebı jýrnaldar óz úlesin qosyp kele jatqany baıan etilgen.

Ýrannyń alǵashqy partııasy Qazaqstanǵa jetkizildi - TRT


Atom energııasy jónindegi halyqaralyq agenttiktiń Óskemen qalasynda ornalasqan Tómen baıytylǵan ýran bankine materıaldyń alǵashqy partııasy saqtaý úshin jetkizildi, dep jazady Túrkııa Radıo Televızııa portaly.

«QR Syrtqy ister mınıstrligi Óskemen qalasynda ornalasqan Tómen baıytylǵan ýran bankinde 90 metrıkalyq tonna ýran geksaftorıdi saqtalatynyn málimdedi.

«TBÝ-dyń bul qory radıoaktıvti qaldyq emes. Halyqqa jáne qorshaǵan ortaǵa qaýip tóndirmeıdi» dep aıtyldy. Tómen baıytylǵan ýrannan turatyn alǵashqy júk «Qazatomónerkásip» kompanııasy men Frantsııanyń «Aranotsıkl» kompanııasynyń uıymdastyrýymen Qazaqstanǵa tasymaldandy. Qazaqstan Shyǵys Qazaqstan oblysynda tómen baıytylǵan ýran saqtaý bankin qurý kelisimine 2015 jyldyń tamyz aıynda AQHA-men qol qoıyp, 2017 jyly qańtarda júzege asyrdy», - dep jazady TRT.

Bizdiń kanalymyzǵa jazylyńyz:

Basty sózder: Qytaı, Qandastar, BAQ, Ózbekstan,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT