+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Altaı Kólginov vaktsına alýǵa mindetti sala mamandaryn atady

2021 jylǵy 23 maýsym 16:23
Bólisińiz:
Altaı Kólginov vaktsına alýǵa mindetti sala mamandaryn atady

NUR-SULTAN. QazAqparat – Halyqpen tikeleı qarym-qatynasta jumys isteıtin mekeme qyzmetkerleri vaktsınalanbasa, nysannyń jumysy toqtatylady. Bul týraly Nur-Sultan qalasynyń ákimi Altaı Kólginov Instagram-da jazdy, dep habarlaıdy QazAqparat.

Uqsas jańalyqtar
Qazaqstanda koronavırýstan emdelip jatqan 1,5 myńǵa jýyq naýqastyń jaǵdaıy aýyr Qazaqstanda 1 táýlikte koronavırýs pnevmonııasynan 10 adam qaıtys boldy Reanımatsııada oryn joq: elordalyq dárigerler kovıd statsıonarlaryndaǵy jaǵdaıdy kórsetti

«Qurmetti elorda turǵyndary men qonaqtary!

Ózderińiz biletindeı, qalamyzda «Delta» shtamy («úndi» shtamy degen ataýmen belgili) ınfektsııasynyń alǵashqy jaǵdaılary tirkeldi. Naýqastar sany azaımaı tur. Ótken táýliktiń ózinde ınfektsııanyń 413 jaǵdaıy anyqtaldy. Myńnan astam adam ınfektsııalyq statsıonarlarda jatyr. Tósek-oryndardyń jartysynan kóbi toldy. Reanımatsııa bóliminde 100 naýqas jatyr. 21 adamǵa ókpeni jasandy jeldetý apparaty qosyldy. Medıtsına qyzmetkerlerine artylǵan júkteme birneshe ese ósti jáne ósip jatyr.
Qazir ǵylymǵa qarsy turatyn ýaqyt emes. Ǵylymnyń kómegimen jyl saıyn jer betindegi mıllıondaǵan adam densaýlyǵyn saqtap, aman qalady. Ǵylym ǵana adamdy jańa, qaýipti vırýstar men ınfektsııalardan saqtanýǵa kómektesedi.
Shuǵyl túrde vaktsına alý qajet! Vaktsınatsııa arqyly ózińizdi, otbasyńyzdy jáne aınalańyzdaǵy adamdardy qorǵaı alasyz. Eger koronavırýs ınfektsııasynyń juqtyrý kórsetkishi azaımasa, qala turǵyndary men shaǵyn jáne orta bıznes nysandary qatań sanıtarlyq normalardy saqtamaıtyn bolsa, lokdaýnǵa qaıta oralýymyzǵa týra keledi. Adam densaýlyǵy men ómiri qyl ústinde.
Sanıtarlyq normalardyń/karantındik shekteýlerdiń saqtalmaýy, keıbir azamattardyń oǵan beı-jaı qaraýy saldarynan týyndaǵan jaǵdaıdy turaqtandyrý úshin qosymsha karantındik shekteýler qabyldaýǵa májbúrmiz. Sanıtarlyq dárigerler karantındik sharalardy qatańdatý týraly jańa qaýly daıyndaýda», - dedi A.Kólginov.

Qala basshysynyń aıtýynsha, táýekel tobyndaǵy sala mamandaryna mindetti túrde vaktsına alý usynylady.

«Birinshi, táýekel tobyndaǵy azamattarǵa mindetti túrde vaktsına alýdy usynamyz. Bul topqa pedagogtar, medıtsına qyzmetkerleri, áleýmettik qyzmetkerler, mektep, balabaqsha, ýnıversıtet qyzmetkerleri, qyzmet kórsetý salalary, ıaǵnı Halyqqa qyzmet kórsetý ortalyqtary, bankter, saýda, oıyn-saýyq ortalyqtary, saýda úıleri, shashtarazdar, sulýlyq salondary, talapkerler (18 jasqa tolǵan), sondaı-aq qalanyń tynys-tirshiligin qamtamasyz etetin qyzmetkerler jatady.

Qala turǵyndarymen tikeleı baılanysta bolatyn jáne jumys isteıtin qyzmetkerler túsinýi kerek: eń aldymen ózin jáne aınalasyndaǵy adamdardy qorǵaýy qajet. Mysaly, qoǵamdyq tamaqtaný oryndarynda/meıramhanalarda nemese SOO-da bóten adamdarmen tikeleı baılanysatyn bolsańyz, eń aldymen vaktsınatsııadan ótip, ózińizdi jáne aınalańyzdaǵy jurtty qorǵaýyńyz kerek.
Eger atalǵan uıym qyzmetkerleri vaktsınalanbasa, nysannyń jumysy toqtatylady», - dep naqtylady qala ákimi.

Ekinshi. Vaktsınalanǵan qyzmetkerler úshin jumys oryndary qoljetimdi.

Ekpe almaǵandar (vaktsına almaýǵa medıtsınalyq ruqsaty bar qyzmetkerlerdi esepke almaǵanda) qashyqtan jumys isteý jáne qashyqtan oqý formatyna jiberilýi kerek.

Úshinshi. Ashyq jobasy qyzmetkerleri 100 paıyz vaktsınalanǵan kásiporyndarda ǵana jumys isteıdi. Sonymen qatar, Ashyq qosymshasy kelýshilerdiń vaktsınatsııa statýsyn anyqtaıtyn «Vaktsınatsııa» modýlimen biriktirilýi qajet.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT