Altaı Kólginov QR Premer-Mınıstriniń orynbasary boldy

2022 jylǵy 9 jeltoqsan, 10:17
Altaı Kólginov QR Premer-Mınıstriniń orynbasary boldy

ASTANA. QazAqparat - Memleket basshysynyń Jarlyǵymen Altaı Seıdiruly Kólginov Qazaqstan Respýblıkasy Premer-Mınıstriniń orynbasary laýazymyna taǵaıyndaldy, dep habarlaıdy Aqorda.

Altaı Kólginov 1978 jyly 15 qańtarda dúnıege keldi.

ıAsaýı atyndaǵy Halyqaralyq Qazaq-Túrik ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademııasyn, «Bolashaq» baǵdarlamasy boıynsha Ulybrıtanııanyń Aberdın ýnıversıtetin bitirgen.

Mamandyǵy – zańger, memlekettik jáne jergilikti basqarý magıstri, halyqaralyq kommertsııalyq quqyq magıstri.

Eńbek jolyn 2001 jyly Bas prokýratýra janyndaǵy quqyqtyq statıstıka jáne arnaıy esepke alý komıtetiniń kadrlarmen jumys bóliminiń bas mamany, prokýrory bolyp bastady.

2002-2003 jyldary osy komıtettiń quqyqtyq statıstıkany qalyptastyrý basqarmasynyń prokýrory boldy. 2003-2007 jyldary Qazaqstan Respýblıkasy Memlekettik qyzmet isteri jónindegi agenttiginiń Astana qalasy boıynsha basqarmasy bastyǵynyń orynbasary qyzmetin atqardy. 2007-2008 jyldary Qazaqstan Respýblıkasy Ádilet mınıstrliginiń zań aktilerin jasaqtaý jáne taldaý basqarmasynyń bastyǵy.

2008-2010 jyldary «AlashMedıaGrýpp» JShS bas dırektorynyń quqyqtyq máseleler jónindegi orynbasary.

2010-2012 jyldary osy kezge deıin Qazaqstan Respýblıkasy Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory bolyp qyzmet jasady.

2012-2013 jyldary BQO ákiminiń orynbasary qyzmetinde boldy.

2013-2016 jyldary Oral qalasynyń ákimi bolǵan. 2016-2019 jyldary Batys Qazaqstan oblysynyń ákimi bolǵan.

2019 jyldyń maýsym aıynan beri Astana qalasynyń ákimi boldy.


Foto: gov.kz

Uqsas jańalyqtar
Seriktester jańalyqtary

Jańalyqtar