+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Altaı Kólginov elorda turǵyndaryna úndeý joldady

2020 jylǵy 22 qazan 20:35
Bólisińiz:
Altaı Kólginov elorda turǵyndaryna úndeý joldady

NUR-SULTAN. QazAqparat - Elorda ákimi Altaı Kólginov turǵyndardy karantın sharalary men sanıtarııa normalaryn qatań saqtaýǵa shaqyrdy. Bul týraly ol Instagram-paraqshasynda jazdy, dep habarlaıdy QazAqparat tilshisi.

«Qosymsha karantındik sharalar men shekteýlerdi engizý qalanyń qaı «aımaqta» ornalasqanyna baılanysty. Qazir elorda «jasyl aımaqta», biraq sońǵy kúnderi COVID-19 aýrýynyń ósimi baıqalady. Eger 19 qazanda 13 jaǵdaı tirkelse, 20 qazanda – 29, al 21 qazanda 15 jaǵdaı tirkeldi. Dınamıka turaqsyz.

Birinshi. Qazir COVID-19 indetiniń alǵashqy tolqyny kezindegideı aýrýdy ýshyqtyryp almaý asa mańyzdy. Ol kezde kovıd statsıonarlaryn birinen soń birin ashtyq, palatadaǵy tósek-oryndar sanaýly saǵatta tolyp ketetin. Bosańsýǵa bolmaıdy, sebebi vırýs eshqaıda ketken joq, ol áli bar.

Dárigerlerdiń aıtýynsha, eger adam bir aýyryp tursa, bul onyń vırýsqa qarsy ımmýnıteti bar degen sóz emes. Eger naýqas koronavırýsty bir ret jeńse, bul onyń qaýipsizdikte ekenin bildirmeıdi. Ǵalymdar áli kúnge deıin koronavırýstyń qandaı zardaby bar ekenin anyqtap jatyr.

Ekinshi. Qazir biz keıbir kafe, meıramhana men basqa da nysandardyń karantındi buzyp, koronavırýstyń beıbereket taralýyna jaǵdaı jasap jatqanyn kórip otyrmyz. Osyǵan baılanysty biz reıdter ótkizýdi kúsheıttik.

Úshinshi. Bizdiń dárigerler tájirıbe jınady, medıtsınalyq mekemeler de daıyn. Biraq ózińizge eksperıment jasaý ne kerek. Tósek oryndar qajet bolǵan jaǵdaıda, myńdaǵan oryndy daıyndaı alamyz. Degenmen, barlyǵyna bir mezgilde dárigerler jetpeıdi. Jabdyqtalǵan statsıonarlar medıtsına qyzmetkerlerinsiz patsıentterdi emdeı almaıdy. COVID-19 indetimen baılanysty osyndaı qaýipti jaǵdaıda otpen oınaýǵa bolmaıdy, «men aýyrmaımyn» dep oılamańyz – ózińiz ben jaqyndaryńyzdy koronavırýstan saqtańyz. Eń álsiz top – egde jastaǵy adamdar, biz olardy qorǵaýymyz kerek.

Infektsııamen kúresý úshin biz medıtsınalyq mekemelerdi qajetti qural-jabdyqpen, dári-dármekpen, qorǵanysh zattarymen qamtamasyz ettik. Sońǵy aptalarda qosymsha 50-den astam ókpeni jasandy jeldetý apparatyn (buryn satyp alynǵandarmen birge ÓJJ apparattarynyń sany 434-ti quraıdy), 2 kompıýterlik tomografııa apparatyn (qalada barlyǵy 19 KT), ókpeniń qansha protsentke zaqymdanǵanyn kórsetetin 7 tsıfrlyq rentgenografııa júıesin satyp aldyq (Qalada barlyǵy 63 rengten). Buǵan deıin medıtsına mekemelerine ottegi kontsentratorlary, floýmetrler men taǵy basqalar qoıyldy.

Jedel medıtsınalyq járdem stantsııasynyń avtoparki eki ese - 64 mashınadan 130-ǵa deıin ulǵaıtyldy. Jedel járdem mashınalarynyń taǵy bir partııasyna qosymsha tapsyrys berdik. 1,5 myń medıtsına qyzmetkerinen rezerv qalyptastyryldy. Osy baǵyttaǵy jumystar jalǵasýda.

Tórtinshi. Biz Eýropa elderindegi iri qalalar karantındi kúsheıtip jatqanyn kórip otyrmyz. Biz birinshi tolqynnan sabaq alýymyz kerek! Jazda ár otbasy derlik koronavırýsqa qatysty jaǵdaıdy baqylap qana qoımady: tanystary, áriptesteri, dostary, týystary aýyrdy. Sanıtarııa normalaryn qatań saqtap qana indettiń órshýine jol bermeýge bolady.

Medıtsına qyzmetkerleri segiz aı boıy koronavırýspen kúreste aldyńǵy shepte júr. Bizdiń mindetimiz – dárigerlerge júktemeni odan ári kóbeıtpeý, jaqyndarymyz ben týystarymyzǵa juqtyrmaý, óıtkeni ǵylym naýqastardyń bolashaqta qandaı saldarǵa tap bolatynyn áli tolyq anyqtaǵan joq. Ózińizdi jáne jaqyndaryńyzdy qorǵańyz!», - dep jazdy Altaı Kólginov.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT