+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almaz Ibragımov Elbasyǵa bir otbasyn qalaı baqytqa keneltkenin aıtyp berdi

2019 jylǵy 13 aqpan 19:26
Bólisińiz:
Almaz Ibragımov  Elbasyǵa bir otbasyn qalaı baqytqa keneltkenin aıtyp berdi

ASTANA. QazAqparat - Dáriger-reprodýktor Almaz Ibragımov Elbasy Nursultan Nazarbaevqa bir otbasyn qalaı baqytqa keneltkenin aıtyp berdi, dep habarlaıdy QazAqparat tilshisi.

«Qaraǵandy medıtsına akademııasyn oqyp júrgenimde jaqsy hırýrg bolýdy armandadym. Biraq, sońǵy kýrsta jas otbasymen birge páter jaldap turǵan edi. Jarasymdy jas otbasynyń problemasy bar edi. Úılengenderine 3 jyl ótse de olardyń balalardy joq bolatyn. Men olarmen 2 jyl turyp, dárigerlerge qalaı baryp tekserilgendigin, emdelgenin kórdim. Biraq, nátıje bolmady. Sol kezde olarǵa kómekteskim keldi», - dedi Almaz Ibragımov Elbasy Nursultan Nazarbaevtyń «Qazaqstannyń 100 jańa esimi» jeńimpazdarymen kezdesýi sharasynda.

Onyń atap ótýinshe, dál osy oqıǵa bedeýlik máselesin zertteýine túrtki bolǵan. Sonymen qatar, Sechenov atyndaǵy Máskeý medıtsına akademııasyna oqýǵa túsýge ıtermelegen. Máskeý akademııasyn bitirip kelgen Almaz «Ekomed» bedeýlikti emdeýmen aınalysatyn arnaıy klınıkaǵa jumysqa turǵan. Eýropada, AQSh-ta bilimin jetildirgen.

«Dáriger-reprodýktorǵa aınaldym. Búgingi kúni «Astana Ekomedtegi» áriptestermen birge eńbegimniń arqasynda 5 myńnan astam sábı dúnıege keldi. Qazir kún saıyn 1-2 bala dúnıe esigin ashady», - dedi ol.

Sonymen qatar ol Qazaqstan óńirlerinde 9 fılıaly bar «Ekomed» kompanııasynyń arqasynda 12 myń bala dúnıege kelgenin aıtty.

«Aıtpaqshy, Nursultan Ábishuly, joǵaryda aıtqan jas otbasynyń tarıhyn aıtsam dep edim. Birneshe jyl ótkennen keıin olardy taptym, jastary 40-qa kelip qalǵan. Olarǵa kómek kórsete alam ba degen úlken másele turdy... Degenmen, táýekelge bardym jáne qolymnan keldi. Qazir olardyń otbasyna 7 jastar súıkimdi qyz ósip keledi»,- dedi dáriger.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT