Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Almatynyń Túrksib aýdanynda terrorızmge qarsy operatsııa rejımi engizildi

2022 jylǵy 26 qańtar 11:36

ALMATY. QazAqparat - Almaty qalasynyń Túrksib aýdanynda antıterrorlyq operatsııa rejımi engizildi. Bul týraly Terrorızmge qarsy kúres jónindegi qalalyq jedel shtabtan málim etti, dep habarlaıdy QazAqparat tilshisi.

«Terrorızmge qarsy kúres jónindegi qalalyq jedel shtab aǵymdaǵy jyldyń 26 qańtarynda saǵat 00.00-den 27 qańtar saǵat 00.00-ge deıin Almaty qalasy Túrksib aýdany aýmaǵynda antıterrorlyq operatsııa rejımi engizilgenin habarlaıdy», - delingen málimette.

Eske salsaq, bıylǵy 4-6 qańtar aralyǵynda terrorızmge qarsy operatsııalar barysynda Almatydaǵy memlekettik mekemeler men kommertsııalyq nysandarǵa qaraqshylyq shabýyl jasaǵan uıymdasqan qylmystyq toptyń 5 basshysy men músheleri ustalǵan edi.

Tutqyndaý kezinde kúdiktilerden qarý-jaraq («PM», «TT» markaly tapanshalar, kesilgen sholaq myltyq, olarǵa arnalǵan patrondar), untaq tárizdi zat jáne erekshe ıisi bar tabletkalar tabyldy.

«Arnaıy jáne quqyq qorǵaý organdary jappaı tártipsizdikterge qatysýshylar men uıymdastyrýshylardy anyqtaý boıynsha jedel-izdestirý operatsııalaryn jalǵastyrýda.

Quqyq qorǵaý organdarynyń jumysyna túsinistikpen qaraýdy, olardyń zańdy talaptaryn qatań saqtaýdy suraımyz», - dep atap ótti Terrorızmge qarsy kúres jónindegi Almaty qalalyq jedel shtabynan.

Eske salaıyq,keshe Terrorızmge qarsy kúres jónindegi qalalyq jedel shtab Almatyda jaǵdaı turaqtanǵanyn, 26 qańtar kúni saǵat 00.00-den bastap qalada terrorızmge qarsy operatsııa rejıminiń jáne terrorıstik qaýiptiliktiń «qyzyl» deńgeıiniń kúshi joıylatynyn málim etken edi.


Avtor:

Dýman Arǵyngeldi

Novostı po teme
Uqsas jańalyqtar