Jańalyqtar  >
  Almaty
Almatynyń Túrksib aýdanynda 13 eski úı buzylady
2022 jylǵy 17 tamyz 14:56

Almatynyń Túrksib aýdanynda 13 eski úı buzylady

ALMATY. QazAqparat- Almatynyń Túrksib aýdanynda 594 úı renovatsııalaýdy qajet etedi. Bul týraly aýdan ákiminiń orynbasary Naıl Lebaev Óńirlik kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.

Spıkerdiń sózinshe, aldaǵy ýaqytta eki qabatty 13 eski úıdi buzý josparda tur.

«Aýdannyń kóppáterli turǵyn úı qorynda 1229 úı bar. Onyń ishinde renovatsııany talap etetin eski úıler sany – 594. Qazirgi ýaqytta Saýranbaev - Spartak - Chernyshevskıı - Aqynov kósheleriniń kvadratynda 13 eski eki qabatty turǵyn úıdi, barlyǵy 201 páterdi buzý josparda tur. Atalǵan ýchaskede 856 páterli 40 bes qabatty turǵyn úı salynady», - dedi Naıl Lebaev.

Sonymen qatar, ol byltyr 3 kópqabatty úıdiń (62 páter) qurylysy aıaqtalǵanyn atap ótti.

Eki qabatty úsh úı buzylyp, olardyń ornyna 7 bes qabatty úıdiń (152 páter) qurylysy bastaldy. Jumystardy 2023 jyldyń 2-toqsanynda aıaqtaý kózdelgen.

«QazaqStroy jeke ınvestorymen Seıfýllın, Kassın, Kotelnıkov kósheleriniń kvadratynda 30 segiz páterli eski úılerdi renovatsııalaý bastaldy. Atalǵan ýchaskede 27 alty qabatty úı (820 páter) salynady. Qazirde 114 páterlik 2 úı salynyp, paıdalanýǵa berildi.2021 jyly «AgroSpetsStroı» merdigerlik uıymymen Osıpenko kóshesinde 59 páterli bir kóppáterli turǵyn úıdiń qurylysy bastaldy, nysandy tapsyrý merzimi – 2022 jyldyń 4-shi toqsany»,- dep atap ótti Naıl Lebaev Óńirlik kommýnıkatsııalar qyzmetinde ótken brıfıngte.

Sondaı-aq, Túrksib aýdanynda «TKSh modernızatsııalaý» baǵdarlamasy júzege asyrylýda, 8 kópqabatty úı jóndeldi. Sondaı-aq, 2017-2022 jyldar aralyǵynda 543 aýla abattandyryldy.

Ashy q k ó zderden alyn ǵ an foto




Uqsas jańalyqtar
Seriktester jańalyqtary

Jańalyqtar

Úrdis

MURAǴAT