FÝTBOLDAN ÁLEM ChEMPIONATY-2022
  Jańalyqtar  >

Almatynyń oıyn-saýyq ortalyǵyndaǵy janjaldy polıtsııa tekserip jatyr

2022 jylǵy 5 qazan, 14:20
Almatynyń oıyn-saýyq ortalyǵyndaǵy janjaldy polıtsııa tekserip jatyr

ALMATY. QazAqparat – Almaty polıtsııasy oıyn-saýyq ortalyqtarynyń birinde bolǵan janjalǵa qatysty derekti tekserip jatyr, dep habarlaıdy QazAqparat Rolisia.kz-ke silteme jasap.

Telegram-kanaldardyń birinde qaladaǵy oıyn-saýyq ortalyqtardyń birinde ákimshi men otbasymen demalýǵa kelgen er adamnyń arasyndaǵy daý-damaı túsirilgen vıdeo ornalastyryldy. Vıdeoǵa jazylǵan kommentarııde ortalyq ákimshisine qol kótergen er adam «Kelınka Sabına», «Qudalar», «Pobeg ız aýla» jáne ózge de kartınalardyń operatory jáne prodıýseri Azamat Dýlatov ekeni aıtylǵan.

Almaty qalalyq Polıtsııa departamentiniń málimetinshe, bul derekti qazir Bostandyq aýdandyq polıtsııa basqarmasyna qarasty polıtsııa bólimi tekserip jatyr.

«Eki tarap ta polıtsııaǵa aryzben júgindi. Oıyn-saýyq ortalyǵy qyzmetkeriniń alǵan dene jaraqatynyń aýyrlyǵyn anyqtaý úshin sot-medıtsınalyq saraptama taǵaıyndaldy. Materıal QR Ákimshilik quqyqbuzýshylyq týraly kodekstiń 73-1 baby boıynsha tirkeldi», - delingen polıtsııa málimetinde.





Vıdeodan alynǵan kadr




Tegı:
Uqsas jańalyqtar
Seriktester jańalyqtary

Jańalyqtar