Almatynyń Іskerlik keńesi áleýmettik jobalarǵa 7 syılyq taǵaıyndady
2021 jylǵy 29 qarasha 13:55

Almatynyń Іskerlik keńesi áleýmettik jobalarǵa 7 syılyq taǵaıyndady

ALMATY. QazAqparat - Almatynyń Іskerlik keńesi áleýmettik jobalarǵa 7 syılyq taǵaıyndady. Bul týraly Óńirlik kommýnıkatsııalar qyzmetiniń baspasóz máslıhaty barysynda Almaty qalasy Іskerlik keńesiniń «Aqyldy qalany» damytý jáne ınnovatsııalyq damý komıtetiniń tóraǵasy Eldar Ábdirazaqov málim etti, dep habarlaıdy QazAqparat tilshisi.

Almaty qalasy ákiminiń janyndaǵy Іskerlik keńes bıznestiń azamattyq bastamalardy qoldaý jáne olardy damytý úshin jaǵdaı jasaý bastamasyn kóterdi.

Konkýrs medıtsına jáne densaýlyq saqtaý, qazaq tilin damytý jáne baıytý, bilim berý, mádenıet, ınklıýzııa, azamattyq belsendilik, ekologııa jáne mekendeý ortasy salalaryndaǵy úzdik áleýmettik jobalardy qoldaýǵa baǵyttalǵan.

Úzdik jobalardy Іskerlik keńes ókilderi men qala metsenattary qarjylandyrady.

«Jobalardy irikteý kezinde biz ataýlylyq, anyqtyq jáne ashyqtyq ólshemderin saqtaıtyn bolamyz. Sondaı-aq Impact, ıaǵnı qamtý jáne ýaqyt boıynsha yqpal etý aýqymy, Originality – tásildemeniń biregeıligi men jetilýi, champion – qoǵam úshin róldik model, Change – qala turǵyndarynyń ómirin jaqsartýǵa yqpal etý jáne Potential – keńeıtýge áleýettiń bolýy sııaqty qaǵıdattar bar», - deıdi Eldar Ábdirazaqov.

Qazirgi kezde Іskerlik keńestiń qaraýynda 80-nen astam joba bar. Bastamalar boıynsha suraýlar men aqparatty elektrondy poshtaǵa jiberýge bolady: social@k50.kz

Jeńimpazdardy marapattaý jáne chekterdi tapsyrý 2021 jyldyń 12 jeltoqsanynda ótedi.

Sondaı-aq Eldar Ábdirazaqov Almatyda «Almaty Invest» halyqaralyq ınvestıtsııalyq forýmy 2 jeltoqsan kúni onlaın formatta ótetinin jetkizdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT