Almatynyń densaýlyq saqtaý basqarmasynyń basshysy laýazymyna konkýrs jarııalanady
2022 jylǵy 30 maýsym 10:37

Almatynyń densaýlyq saqtaý basqarmasynyń basshysy laýazymyna konkýrs jarııalanady

ALMATY. QazAqparat – Almaty qalasy ákimdigi densaýlyq saqtaý basqarmasynyń basshysy laýazymyna konkýrs jarııalaıtyn bolady, dep habarlaıdy QazAqparat tilshisi.

Túrksib aýdanynyń turǵyny densaýlyq saqtaý salasynyń jumysyna shaǵymdandy.

«Meniń Túrksib aýdanyndaǵy emhana qyzmetkerleriniń jumysyna kóńilim tolmaıdy. Medıtsına mamandarynyń salǵyrttyǵynan byltyr jubaıymnan aıyrylyp qaldym. Qadaǵalaý organdaryna aryz da túsirdim, meniń oıymsha emdeý mekemesiniń basshysyna shara qoldaný kerek», - dedi aýdan turǵyny.

Erbolat Dosaev aldaǵy ýaqytta qalanyń densaýlyq saqtaý basqarmasyna jańa basshy taǵaıyndalatynyn jetkizdi.

«Almaty qalasy ákimdigi densaýlyq saqtaý basqarmasynyń basshysy laýazymyna konkýrs jarııalaıdy. Jaqynda jańa basshy taǵaıyndalady»,- dedi Erbolat Dosaev.

Eske salaıyq, 20 maýsym kúni Narıman Tabynbaev ortalyq qalalyq klınıkalyq aýrýhananyń bas dárigeri laýazymyna aýysýyna baılanysty Almaty qalasy densaýlyq saqtaý basqarmasynyń basshysy qyzmetinen bosatylǵan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT