Almatynyń damý jospary qyrkúıek aıyna deıin bekitiledi
2022 jylǵy 4 shilde 16:33

Almatynyń damý jospary qyrkúıek aıyna deıin bekitiledi

ALMATY. QazAqparat - Almaty Qoǵamdyq keńesiniń bastamasy boıynsha qala ákiminiń qatysýymen qalanyń 2025 jylǵa deıingi damý josparynyń negizgi basymdyqtary men 2030 jylǵa deıingi orta merzimdi perspektıvalar jobasy talqylandy, dep habarlaıdy QazAqparat tilshisi.

Damý jobasyn qala bıligi 40 sarapshymen birlesip ázirledi, oǵan ýrbanıster, sáýletshiler, qurylysshylar jáne basqalar kirdi, 1 shildege deıin qujat jalpy talqylaýda boldy. Qala turǵyndary oǵan qosymsha 1280 usynystar men túsiniktemeler jiberdi.

«Qala turǵyndarymen talqylaýdan keıin biz anyqtaǵan usynystar men tolyqtyrýlar qalanyń 2025 jylǵa deıingi damý josparyn jáne onyń 2030 jylǵa deıingi orta merzimdi perspektıvalaryn ázirleý kezinde eskeriletin bolady. Bizdiń basty maqsatymyz – megapolıstiń barlyq turǵyndarynyń ómir súrý deńgeıiniń sapasyn arttyrý, jaıly, ınklıýzıvti jáne qaýipsiz qalalyq ortany qurý. Maqsattar men mindetter qalalyqtardyń suranystaryna negizdele otyryp, naqty jáne túsinikti KPI túrinde qalyptasty», – dep atap ótti Erbolat Dosaev.

Almaty qalasyn damytý jospary kelesi 2 aı ishinde – 2022 jyldyń 5 qyrkúıegine deıin bekitiletin bolady.

Almatynyń 2025 jylǵa deıingi damý josparynyń negizgi basymdyqtary men 2030 jylǵa deıingi orta merzimdi perspektıvalar jobasy tanysý úshin Almaty Damý ortalyǵynyń saıtynda qoljetimdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT