+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Almatynyń damý strategııasynyń uzaq merzimdi jobasy ázirlenýde

2019 jylǵy 13 qarasha 10:02
Bólisińiz:
Almatynyń damý strategııasynyń uzaq merzimdi jobasy ázirlenýde

ALMATY. QazAqparat  – Almaty qalasy ákiminiń orynbasary Erjan Babaqumarov shahardyń sarapshylyq qaýymdastyǵy jáne qoǵamdyq keńestiń keńeıtilgen quramdaǵy múshelerimen kezdesip, «Almaty-2050» strategııasynyń jobasyn talqylady, dep habarlaıdy QazAqparat tilshisi.

Alqaly jıyn qalanyń damýyna qatysty qujattyq jobalardy jurtshylyq jáne sarapshylarmen talqylaýdy qup kóretin qala ákimi Baqytjan Saǵyntaevtyń tapsyrmasyna sáıkes ótti.

«Bul - qala damýynyń basty basymdyqtaryn qamtıtyn negizgi qujat. Uzaqmerzimdi maqsattardy anyqtaýda sizderdiń pikirińiz biz úshin óte mańyzdy. Bárimiz biriksek, qala úshin qajet uzaqmerzimdi ári ońtaıly sheshimder tabarymyz sózsiz», – dep atap ótti Erjan Babaqumarov.


Jıynda qalanyń qoǵamdyq keńesiniń sarapshylary men ókilderi jahandyq jáne óńirlik básekelestik, ınfraqurylym men kólik, qoǵamdyq qaýipsizdik, densaýlyq saqtaý men ekologııa, adamı kapıtaldy damytý sııaqty strategııalyq damý baǵyttary boıynsha pikir almasty.

Saıasattanýshy, JBUK múshesi Aıdos Sarym, Kazakhstan Growth Forum uıymdastyrý komıtetiniń tóraǵasy Eldar Ábdirazaqov, qarjyger jáne kásibı energetık Áset Naýryzbaev, qoǵam belsendisi Erlan Nurpeıisov, monıtorıng jónindegi maman Marjan Aıtjanova, halyqty qonystandyrý salasyndaǵy sarapshy Aıda Áljanova, kólik ınfraqurylymyn damytý salasyndaǵy sarapshy Elena Erzakovıch, ekologııa jónindegi konsýltant Jaras Tákenov, «Qoǵamdyq máselelerdi taldaý ortalyǵy» QQ dırektory Merýert Mahmýtova óz usynystaryn aıtty. Budan ózge atalǵan qujattyń jobasyna Mamandyq tańdaý ortalyǵynyń basshysy Jantóre Kárimovtiń, qoǵamdyq keńes múshesi Beknur Kısıkov, saıasattanýshy ári táýekelderdi baǵalaý tobynyń dırektory Dosym Sátpaev, TJ kezinde ózin-ózi uıymdastyrý salasyndaǵy sarapshy Tımýr Pochanovtyń usynystary engizildi.

Jıyndy qorytyndylaǵan Erjan Babaqumarov bul kezdesýdegi dıalogtyń konstrýktıvtiligine erekshe toqtaldy.


Qala ákiminiń tapsyrmasyna sáıkes strategııa jobasy jaqyn arada qala turǵyndarynyń talqylaýyna shyǵarylady. Sarapshylar men almatylyqtardan kelip túsken usynystar jumys tobynyń otyrystarynda talqylanady. Sonymen qatar, qujattyń jobasy barlyq dıalog alańdarynda, sonyń ishinde máslıhatta, qoǵamdyq jáne iskerlik keńesterde talqylaýǵa usynylady.


Bizdiń kanalymyzǵa jazylyńyz:

Basty sózder: Almaty,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT