+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Almatyny damytýǵa baǵyttalǵan uzaq jáne orta merzimdi qujat ázirlendi

2020 jylǵy 19 aqpan 12:59
Bólisińiz:
Almatyny damytýǵa baǵyttalǵan uzaq jáne orta merzimdi qujat ázirlendi

ALMATY. QazAqparat – Almaty qalasynyń ákimi Baqytjan Saǵyntaev megapolıs turǵyndarymen eseptik kezdesýi kezinde qalany odan ári damytýdy qamtamasyz etý maqsatynda uzaq jáne orta merzimdi qujat ázirlengenin málim etti, dep habarlaıdy QazAqparat tilshisi.

Uqsas jańalyqtar
Qazaqstannyń halyqaralyq qory 30 mlrd dollarǵa jýyqtady Osy daǵdarystan keıin medıtsına, bilim berý, tsıfrlandyrý salalaryn jandandyrýǵa basymdyq beriledi - Máýlen Áshimbaev ShOB sýbektileri qandaı salyqtardan bosatyldy

Atap aıtqanda, halyqtyń ómir súrý sapasyn arttyrýǵa jáne ekonomıkanyń ósýine baǵyttalǵan tórt mańyzdy qujat daıyndaldy: «Almaty-2050» damý strategııasy, «Jańa Almaty» atty shetki aımaqty damytýdyń keshendi jospary, Almaty aglomeratsııasyn damytý boıynsha «Úlken Almaty» jospary, «Almatynyń erekshe mártebesi týraly» Zańdy iske asyrý.

«Almaty-2050» damý strategııasy — bul qala bolashaǵynyń kórinisi. Strategııa shahardy damytýdyń túbegeıli jańa kezeńin ashyp, úsh qaǵıdaǵa negizdeledi: jańa ekonomıka, jańa keńistik jáne jańa kommýnıkatsııalar. 2050 strategııasy 7 negizgi baǵytty qamtıdy: shetsiz qala, aqyldy qala, teń múmkindikter qalasy, qaýipsiz qala, jasyl qala, jahandyq iskerlik ortalyq, mádenı ári kreatıvti qala. «Shetsiz qala» qaǵıdasy erekshe mańyzǵa ıe. Bul –aýdandardy damytýda tepe-teńdikti saqtaýǵa, qalanyń barlyq turǵyndarynyń ómir súrý sapasyn arttyrýǵa múmkindik beredi.

«2020-2024 jyldarǵa arnalǵan «Jańa Almaty» jospary. Sońǵy 10 jylda qalanyń aýmaǵy eki ese ósti. Bul rette jańa aýdandardy ınfraqurylymmen qamtamasyz etý qajettiligi kúrt ósti. Jospar boıynsha 2030 jylǵa qaraı almatylyqtardyń sany 3 mln adamǵa jetý múmkindigi kórsetilgen. Osyǵan baılanysty qala ákimdigi megapolısti damytýdyń besjyldyq kezeńge arnalǵan keshendi josparyn ázirledi. Úkimet ony bekitti. Basty maqsat — áleýmettik máselelerdi sheshý jáne halyqtyń ómir súrý sapasyn jaqsartý. Buǵan ınjenerlik jelilerdiń tozýyn tómendetý, ortalyqtandyrylǵan sýmen jabdyqtaýdy jáne jaryqtandyrýdy 100%-ǵa jetkizý, joldardyń sapasyn jáne t. b. jaqsartý mindetteri kiredi»,- deıdi Saǵyntaev.


Almaty aglomeratsııasynyń jospary ishki kóshi-qon máselelerin sheshedi. Josparǵa sáıkes, úlken Almatyny damytýda kólik ınfraqurylymy máselesine erekshe kóńil bólinbek. Osy jospardy iske asyrý maqsatynda Úlken Almaty aınalma joly, 6 kóshe, qala aýmaǵynda 3 kólik torabynyń qurylysy, oblystyń 5 eldi mekeninde avtovokzal salý josparlanýda.

Azyq-túlik beldeýin uıymdastyrý maqsatynda qala aınalasynda 4 kóterme-taratý ortalyǵy, 2 et kombınaty, 7 jylyjaı, 2 sút fermasy salynatyn bolady. Almaty aglomeratsııasy jańa josparynyń arqasynda qala mańy kópsalaly aımaqtar retinde damıdy dep kútilýde.

«Almaty qalasynyń erekshe mártebesi týraly» zańda kórsetilgen 28 másele boıynsha ákimdiktiń quzyreti keńeıtilýde. Zańnamalyq ózgerister ákimdikke qalalyq ortany, jer aktıvterin, kólik jáne basqa da qalalyq qyzmetterdiń jumysyn, áleýmettik, sondaı-aq qala qurylysy men sáýlet suraqtaryn basqarý boıynsha keń aýqymdy máselelerdi sheshýge múmkindik beredi»,- dep qosty shahar basshysy.


Aıta keteıik, megapolıs ákiminiń eseptik kezdesýinde 3200 myń adam qatysyp jatyr.


Bizdiń kanalymyzǵa jazylyńyz:

Basty sózder: Almaty, Ákim, Ekonomıka, Jyl qorytyndysy,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT