+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatylyqtardyń ⅔  qatań shekteý sharalary kezinde jumys oryndaryn saqtap qalady

2020 jylǵy 4 shilde 15:48
Bólisińiz:
Almatylyqtardyń ⅔  qatań shekteý sharalary kezinde jumys oryndaryn saqtap qalady

ALMATY. QazAqparat - Almaty ákimdigi qatań shekteý sharalary kezinde almatylyqtardyń ⅔ jumysy saqtalatynyna ýáde etti. Bul jóninde Almaty qalasynyń óńirlik kommýnıkatsııalar qyzmeti alańynda Almaty qalasy ákiminiń orynbasary Saparbek Tuıaqbaev aıtyp berdi, dep habarlaıdy QazAqparat tilshisi.

Uqsas jańalyqtar
Bıyl Aqtaýda 15 mektepke jóndeý jumystary júrgizildi «Eńbek» jáne «Jumyspen qamtýdyń jol kartasy» baǵdarlamalarynyń qorytyndysy qaraldy Elordanyń Jumyspen qamtý ortalyǵynan qandaı qyzmetterdi onlaın alýǵa bolady

Epıdemıologııalyq jaǵdaı men koronavırýs ınfektsııasyna shaldyǵýdyń kóbeıýine baılanysty Almatyda aǵymdaǵy jyldyń 5 shildesinen 20 shildege deıin qatań shekteý sharalaryn engizý týraly sheshim qabyldanǵan.

Atap aıtqanda, qyzmeti toqtatylǵan obektiler qataryna saýda oıyn-saýyq ortalyqtary, jabyq azyq-túlik jáne azyq-túliktik emes bazarlar, aýmaǵy 500 sharshy metrden asatyn azyq-túliktik emes dúkender, oıyn-saýyq ortalyqtary, banket zaldary, SPA-ortalyqtar, trenajer zaldary, fıtnes-ortalyqtar, sporttyq-saýyqtyrý ortalyqtary, basseınder, qalalyq, qoǵamdyq jaǵajaılar, akvaparkter, qoǵamdyq monshalar, saýnalar, sulýlyq salondary, shashtarazdar kiredi.

Sonymen birge, mádenıet nysandarynyń qyzmeti, murajaılardyń, teatrlardyń, kórmelerdiń, dinı jáne adamdar kóp jınalatyn basqa da nysandardyń jumysy toqtatyldy. Jappaı sharalardy ótkizýge qoıylǵan tyıym merzimi uzartyldy.

Onymen qosa, qala ákiminiń orynbasary qatań karantın sharalaryna qaramastan birqatar nysandar men kásiporyndardyń jumysy jalǵasatynyn atap ótti.

«Almatyda jumyspen qamtylǵan azamattar sany - 2 mln, TJ kezinde qalany tirshilikpen qamtamasyz etý úshin nebári 200 myń adam jumysqa shyqty, ol negizgi kórsetkishten bes ese tómen. Engizilgen shekteý sharalarynyń aıasynda búgingi tańda jumys istep júrgenderdiń ⅔-si qyzmetterin jalǵastyratyn bolady. Biz qyzmet kórsetý, saýda, óndiris, qurylystan bastap, bazalyq ındýstrııany saqtap qaldyq. Bir jaǵynan ondaǵy mindetimiz - jumys ornyn, halyqtyń kirisin saqtap qalý bolsa, ekinshi jaǵynan, koronavırýs ınfektsııasynyń jappaı taralýyn toqtatý. Sońǵy aıda kórip otyrǵanymyzdaı, aýyrý (juqtyrý) qarqyny ósip jatyr, osy úrdisti toqtatyp, jaǵdaıdy turaqtandyrý úshin bizge osyndaı sharalardy qabyldaýǵa týra keldi», - dedi S.Tuıaqbaev.

Osylaısha, sanıtarlyq-dezınfektsııalyq rejımdi qatań saqtaý shartymen qyzmetine ruqsat etilgen obektiler qataryna:

medıtsınalyq ortalyqtar (aldyn ala jazylý boıynsha);

dárihanalar, azyq-túlik dúkenderi (shaǵyn marketter, sýpermarketter, gıpermarketter), azyq-túliktik jáne azyq-túliktik emes bazarlar (ǵımarattan tys);

ashyq aýada jáne zalda 30-dan aspaıtyn otyratyn oryn ornatýmen úı-jaıda jumys istegen jaǵdaıda qoǵamdyq tamaqtaný obektileri. Jumys daǵdyǵa jáne jetkizýge ruqsat etiledi;

úzdiksiz óndiristik tsıkli bar ónerkásiptik kásiporyndar; sondaı-aq ashyq aspan astynla júrgiziletin qurylys jumystary kiredi.

Sonymen qatar, qalanyń tynys-tirshiligin qamtamasyz etetin uıymdar men kásiporyndar qyzmetkerleri turatyn obektilerdi qospaǵanda, kúsheıtilgen sanıtarlyq-dezınfektsııalyq rejımdi saqtaı otyryp, halyqtyń (qonaq úıler, qonaq úıler, demalys úıleri, týrıstik bazalar jáne t.b.) turýy boıynsha qyzmet kórsetý salasyndaǵy týrızm obektileri men uıymdar qyzmetine shekteý qoıylǵan.

Birqatar nysandardyń qyzmetine jumys kestesi boıynsha shekteýler engizildi. Mysaly, bıznes-ortalyqtar (saqtandyrý kompanııalary, notarıýs, býhgalter, konsaltıng agenttikter, jyljymaıtyn múlik agenttikteri, jarnama agenttikteri jáne t.b.), aıyrbastaý pýnktteri, lombardtar jumys jáne demalys kúnderi saǵat 9.00-den 17.00-ge deıin jumys isteıtin bolady.

Halyqqa baılanyssyz qyzmet kórsetetin birqatar obektilerdiń jumysy (avtomobıl jýý, avtomobılderdi jóndeý, turmystyq tehnıka, hımııalyq tazalaý jáne t.b.) jalǵastyryldy. Olar kúsheıtilgen sanıtarııalyq-dezınfektsııalyq rejımdi saqtaı otyryp, saǵat 10.00-den 17.00-ge deıin jumys isteı alady.

Sonymen birge, qalada qoǵamdyq oryndar men jumystary jalǵasa beretin nysandarda shekteý sharalarynyń oryndalýy baqylaýǵa alynyp, monıtorıng jasalady. Tártip buzýshylyq deregi anyqtalǵan jaǵdaıda tıisti ákimshilik sharalary qarastyrylady.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT