Valıýta baǵamdary:
    usd/kzt 470.34 eur/kzt 490.47

    rub/kzt 8.98 cny/kzt 70.25
Aýa raıy:
Nur-Sultan: 1 °S
Almaty: 15 °S

Almatylyqtar 25 mamandyq boıynsha tegin kýrstarda oqyp, stıpendııa alady

2022 jylǵy 20 mamyr 00:24

ALMATY. QazAqparat - Almaty qalasyndaǵy jumyssyz azamattar suranysqa ıe mamandyqtar boıynsha qysqa merzimdi tegin kásibı kýrstardan óte alady, dep habarlaıdy QazAqparat tilshisi.

Bıyl Almatyda qysqa merzimdi kýrstarda 600-den astam adamdy oqytý josparlanýda.

«Búginde memlekettik baǵdarlama aıasynda 25 mamandyq boıynsha oqytýdy usynatyn qalanyń 24 oqý uıymy jumyspen qamtý ortalyǵymen birge jumys jasaýǵa daıyn. Jumyspen qamtý ortalyǵy, oqý ortalyǵy, jumys berýshi men kýrs tyńdaýshysy arasynda tórt jaqty kelisimshart jasalady. Kýrstar aıaqtalǵan soń tyńdaýshylarǵa jumysqa ornalasýǵa kómek kórsetiledi», - dep jaýap berdi Almaty qalasynyń áleýmettik ál-aýqat basqarmasy agenttiktiń jibergen saýalyna.
Oqý merzimi - úsh aı. Oqý kezinde kýrs tyńdaýshysyna 20 myń 948 teńge kóleminde shákirtaqy tólenedi. Kýrs aıaqtalǵan soń, tyńdaýshyǵa sertıfıkat berilip, jumysqa ornalasýyna kómek kórsetiledi.
Kýrstarǵa jazylyp, oqýdan ótýge tek Almaty qalasynda turaqty nemese ýaqytsha tirkelgen jumyssyz azamattar ǵana óte alady. Kýrstarǵa jazylý úshin Almaty qalasy ákimdiginiń halyqty jumyspen qamtý ortalyǵyna habarlasý qajet.
Eske salsaq, osyǵan deıin Almatyda halyqty jumyspen qamtý ortalyǵynyń dırektory Dılıara Imanqulova megopolıste eń kóp suranysqa ıe mamandyqtardy aıtqan bolatyn.


Avtor:

Dýman Arǵyngeldi

Novostı po teme
Uqsas jańalyqtar