+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Almatylyq jastardyń 84 áleýmettik jobasy júzege asyryldy

2019 jylǵy 11 qarasha 17:27
Bólisińiz:
Almatylyq jastardyń 84 áleýmettik jobasy júzege asyryldy

ALMATY. QazAqparat – Almatyda Zhas Project jastar korpýsyn damytý jobasy aıasynda 84 áleýmettik joba iske asyryldy, dep habarlaıdy QazAqparat tilshisi.

Uıymdastyrýshylardyń aıtýynsha, baıqaýdyń erejelerine sáıkes jumys istemeıtin, oqymaıtyn nemese jumys isteıtin, biraq jalaqylary tómen 14-29 jas aralyǵyndaǵy qatysýshylarǵa basymdyq berildi. Іrikteýden keıin olar úsh satyly oqý baǵdarlamasynan ótti jáne 60 myń (JOO túlekteri), 40 myń teńge kóleminde (qalǵandary) aı saıynǵy shákirtaqylaryn aldy. Odan basqa, olardyń árqaısysyna óz jobalaryn iske asyrýǵa 1 mln teńgege deıin grant berildi.

«Árbir qatysýshy ómirlik mańyzdy daǵdylar men jobany basqarý daǵdylaryn damytý boıynsha mindetti trenıngten ótti. Jobalardy iske asyrý kezinde qatysýshylar alǵan bilimderin jetildirdi. Taǵy bir atap ótetin jaıt, qatysýshylar satyp alǵan qural-jabdyqtardyń barlyǵy ózderinde qalady», – dedi Zhas Project jastar korpýsyn damytý jobasynyń ókili Nadejda Trýbova.

«Toqy jáne jylýdy syıla» jobasyna qatysýshy Indıra Sanqulovanyń aıtýynsha, onyń komandasy toqyma shaǵyn tsehyn ashty. Jobaǵa qatysýshylar aıyna halyqtyń áleýmettik osal toptary úshin 60-70 buıym toqıdy. Bolashaqta komanda tegin sheberik-sabaqtaryn ótkizýdi josparlap otyr.

Ekologııa suraqtarymen aınalysatyn Fatıma Mashanlo óz komandasymen MyEcoBag jobasyn júzege asyrdy. Qyzdar qalanyń oqý oryndarynda dızaıny erekshe eko-sómkelerdi jasaýdy úıretetin sheberlik-sabaqtar ótkizedi.

Aǵymdaǵy jyly baıqaýǵa qatysýshylar 5 sport ortalyǵy men fıtnes-klýb, 10 naýbaıhana men kondıterlik dúken, 7 oıyn-saýyq ortalyǵyn jáne shyǵarmashylyq úıirmelerdi ashty. Budan bólek, jas kásipkerler 9 tigin jáne aıaq kıim sheberhanasyn, 5 sulýlyq salonyn, 3 jıhaz jáne aǵash sheberhanasyn, 16 bilim berý kýrsyn iske qosty.

Aıta keteıik, Almatyda Zhas Project jastar áleýmettik jobalarynyń aımaqtyq forýmy ótip jatyr. Bul QR Bilim jáne ǵylym mınıstrligi men Dúnıejúzilik banktiń birlesken jobasy.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT