+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Almatylyq stýdentterge dástúrli din uǵymy túsindirildi

2019 jylǵy 27 qyrkúıek 18:02
Bólisińiz:
Almatylyq stýdentterge dástúrli din uǵymy túsindirildi

ALMATY. QazAqparat - Almatydaǵy «Aıajan» medıtsınalyq kolledj stýdenteri dástúrli dinimiz týraly dáris tyńdady, dep habarlaıdy QazAqparat tilshisi.

Uqsas jańalyqtar
Qasym-Jomart Toqaev volonterlik jumystardyń negizgi baǵyttaryn atady Jastar jyly: Elordanyń úzdik jastary anyqtaldy Aqtóbelik ónertapqysh taýarlaryn ótkize almaı júr

Medıtsınalyq kolledj stýdenterine dáristi dintanýshy Mıras Konýsbekuly oqydy. Eń aldymen ol haq dinimiz ıslamnyń qundylyqtary jaıynda oı órbitip, din men dəstúr sabaqtastyǵyn keńinen qamtyp ótti.

«Ata-babalarymyz ustanyp kelgen asyl dinimizdiń rýhanı qundylyqtaryna negizdelgen, sharıǵatqa esh qaıshy kelmeıtin ulttyq úrdisimizden, salt dəstúrimizden aınymaı, kerisinshe, qadirleı bilýimiz kerek. Dinniń negizgi qaǵıdalaryn bilmesten ózge eldiń ómir saltyna, kıim úlgisine eliktep, óz ultynyń rýhanı bastaýynan jerinýdiń ózi adasýshylyqqa aparyp, destrýktıvti kózqaras qalyptastyrady»,- dedi dintanýshy Mıras Konýsbekuly.

Dintanýshy elimizdegi dinı ahýalǵa toqtalyp, hrıstıan baǵytyndaǵy dinı aǵymdar men sektalar jəne olardan keletin qaýip-qater jaıynda jan-jaqty jastarǵa túsindirip berdi.

«Məselen, «Iegova kýəgerleri» dinı birlestigine əlemniń 35 memleketinde tyıym salyndy. Osydan bir jyl buryn Reseı memleketinde atalmysh dinı uıymnyń jumysy toqtatyldy. Ókinishke oraı sol «Iegova kýəgerleri» birlestiginiń qatarynda ózimizdiń qarakózder de boldy.Teris aǵymnyń jeteginde kóbinese jastar, jan-dúnıesi kúızelip júrgen jandar ketetini belgili»,- dedi ol.

Qaýip-qaterdiń aldyn alý mańyzdylyǵyna aıryqsha toqtalǵan din mamany jastardy salamatty da saýatty ómir súrýge shaqyrdy.

«Búginde adamnyń oı-sanasyna əser etetin aqparat tasqyny ǵalamtor keńistigi arqyly aǵylyp kelip jatqany belgili. Ekstremıstik ıdeıalardy nəsıhattaıtyn saıttardyń qoljetimdiligi de aram pıǵyldy toptarǵa tıimdi bolyp otyr. Sondyqtan sizder - jastar din məselesine qatysty saýaldarǵa jaýapty qaýipti saıttar men kezdeısoq jandardan emes meshit ımamdarynan nemese QMDB-nyń resmı saıttarynan alý kereksizder»,- dep qorytyndylady Mıras Konýsbekuly.

Kezdesý sońynda stýdentter din taqyrybyna qatysty ózderin tolǵandyryp júrgen saýaldaryn qoıyp, maman tarapynan tushymdy jaýap aldy.

Bizdiń kanalymyzǵa jazylyńyz:

Basty sózder: Almaty, Din, Qoǵam, Jastar,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT