FÝTBOLDAN ÁLEM ChEMPIONATY-2022

Almatylyq stýdentter Nazarbaev Ýnıversıtetiniń professorlarymen kezdesti

2022 jylǵy 3 qazan, 15:44
Almatylyq stýdentter Nazarbaev Ýnıversıtetiniń professorlarymen kezdesti

ALMATY. QazAqparat – Nazarbaev Ýnıversıteti Almatyda Ashyq esik kúnin ótkizdi. Dástúrli shara barysynda qalanyń jas turǵyndary ýnıversıtettiń oqytýshylarymen, túlekterimen jáne qyzmetkerlerimen kezdesti. Qatysýshylar akademııalyq baǵdarlamalar, oqýǵa túsý jáne oqý sharttary, granttardyń túrleri týraly jan-jaqty aqparat alý múmkindigine ıe boldy, dep habarlaıdy QazAqparat tilshisi.

Kezdesýge kelgender dıplom alǵannan keıin túlekterge qandaı múmkindikter ashylatynyn da bilip, ózderin qyzyqtyratyn saýaldaryn ortaǵa tastap, Nazarbaev Ýnıversıtetiniń professorlarymen pikir almasty.

Nebári 12 jyldyń ishinde Nazarbaev Ýnıversıtetiniń qabyrǵasynan 7 myńǵa jýyq túlek shyqty. Qazir olar otandyq jáne sheteldik tanymal kompanııalarda jumys isteıdi, tipti Kremnıı alqabyn da baǵyndyryp júr. Kóbisi bıznespen aınalysa otyryp, elimizdiń jáne álemniń jetekshi ýnıversıtetterinde oqýyn jalǵastyryp jatyr.

Shara barysynda Jaratylystaný, áleýmettik jáne gýmanıtarlyq ǵylymdar mektebi Dekanynyń orynbasary, lıngvıst Andreı Fılchenko Nazarbaev Ýnıversıtetine (NÝ) qabyldaý men oqý merıtokratııa qaǵıdattaryna negizdelgenin aıtty. Stýdentter alǵashqy kúnnen bastap professorlarmen birge ǵylymı-zertteý jumystaryn júrgizedi.

«Bizdiń mektep (fakýltet) Nazarbaev Ýnıversıtetindegi iri mektepterdiń biri (2,5 myńnan astam stýdent oqıdy) jáne oqytatyn mamandyqtar boıynsha dıapazony eń keń mektep. Munda hımııa, bıologııa, fızıka-matematıkadan bastap, ádebıet, kınematografııaǵa deıin qamtylǵan. Bakalavrıat boıynsha 10, magıstratýra jáne doktorantýra boıynsha 11 mamandyq bar. Ekonomıka, saıasattaný, halyqaralyq qatynastar, áleýmettaný, lıngvıstıka, tarıh, fılosofııa, ádebıettaný mamandyqtaryna suranys óte joǵary, ıaǵnı barlyq mamandyqtar aıtarlyqtaı tanymal. Bizde oqý aǵylshyn tilinde. Sondyqtan, bizge túskisi keletinderdiń IELTS sertıfıkaty bolýy shart. Aǵylshyn tilin jetik meńgermegen stýdentter úshin bizde arnaıy 1 jyldyq baǵdarlama (Foundation) bar. Stýdentterge barynsha múmkindikter jasalady», - deıdi ol.

Spıkerdiń sózinshe, ýnıversıtette álemniń 59 elinen kelgen oqytýshylar sabaq beredi. Olardyń bári ǵylym doktorlary, ǵylymı-zertteý jumystaryna belsene qatysady. Pedagogıkalyq ujymnyń 30%-ǵa jýyǵy – qazaqstandyqtar.

Nazarbaev Ýnıversıteti baspasóz qyzmetiniń málimetinshe, stýdentter áleýmettik-ekonomıkalyq jaǵdaıy ártúrli otbasylardan shyqqan jáne olardyń 30 paıyzy áleýmettik jaǵynan osal toptarǵa jatady. 10 bakalavrdyń 4-eýi NÝ-dy bitirgennen keıin oqýyn jalǵastyrdy, bul – halyqaralyq kontekste joǵary kórsetkish. Túlekterdiń basym bóligi Qazaqstanda qalyp, kóbisi elimizdiń bilim berý salasynda, onyń ishinde joǵary pozıtsııada jumys isteıdi.

Jańa oqý jylynda ýnıversıtette 6 807 adam bilim alyp jatyr, onyń ishinde 35 elden kelgen 190 sheteldik stýdent bar. Túlekter geoǵylym, tsıfrlyq ǵylym, memlekettik basqarý, bilim, ınjenerııa, medıtsına jáne t.b. salalarda álemdik deńgeıdegi dıplom alady.

NÝ Injenerlik jáne tsıfrlyq ǵylymdar mektebiniń baǵdarlamalary da joǵary suranysqa ıe. Búgingi tańda munda bakalavrıat, magıstratýra jáne doktorantýrany qosqanda 2 500-den astam stýdent oqıdy. Mektep bolashaq baǵdarlamashylardy, robototehnıka mamandaryn, ınjenerlerdi daıyndaıdy.

«Mektebimizdiń stýdentteri qyzyqty jáne halyqaralyq jobalarǵa qatysyp, júldeli oryndarǵa ıe bolyp keledi. Bizde 70-ten astam zerthana bar, bilim alýshylar onda óz daǵdylaryn shyńdaıdy. Keıbir stýdentter ártúrli elderge baryp, tájirıbe almasady. Mysaly, bizdiń bolashaq ınjener-tehnık mamandarymyz Shell Eco-Marathon halyqaralyq ekologııalyq taza avtokólikter baıqaýyna qatysatyn kólikterdi jasaýmen aınalysty. Sondaı-aq, ártúrli jobalarǵa mamandanǵan arnaıy klýbtar bar», - dedi NÝ Injenerlik jáne tsıfrlyq ǵylymdar mektebiniń Qaýymdastyrylǵan professor Konstantınos Kostas.

Professor bul mekteptiń túlekteri Qazaqstanda ǵana emes, shetelde de úlken suranysqa ıe ekenin atap ótti. Olardyń keıbireýleri qazir Meta, Google, Schlumberger sııaqty jahandyq kompanııalarda jumys isteıdi.

Nazarbaev Ýnıversıtetinde Medıtsına mektebi bar. Munda «Medıtsına ǵylymdarynyń bakalavry», meıirbıke isi, bıomedıtsınalyq ǵylym, medıtsına doktory, magıstratýra, doktorantýra, rezıdentýra baǵdarlamalary bar. Ýnıversıtettiń medıtsınalyq ortalyǵynyń (UMC) klınıkalary Joint Commission International akkredıtatsııasynan ótken, bul – aýrýhanalyq kómek sapasynyń halyqaralyq standarty.

Stýdenttik jáne oqý isi jónindegi Dekannyń orynbasary, Qaýymdastyrylǵan professor Saıed Alı ýnıversıtettiń akademııalyq densaýlyq saqtaý júıesi eldegi basqa medıtsınalyq ýnıversıtetter men ýnıversıtettik aýrýhanalar úshin baǵdarlaý qyzmetin atqaratynyn aıtty. Stýdentter klınıkalyq tájirıbe jınaqtaıdy jáne oqýdy bitirgennen keıin rezıdentýradan ótedi.

Nazarbaev Ýnıversıteti Qazaqstannyń basqa qalalary men óńirlerinde NÝ kúnderin ótkizýdi josparlap otyr.


Tegı:
Almaty   Bilim   JOO-lar  
Uqsas jańalyqtar
Seriktester jańalyqtary

Jańalyqtar