+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Almatylyq sportshylar jappaı vaktsına alyp jatyr

2021 jylǵy 16 maýsym 11:16
Bólisińiz:
Almatylyq sportshylar jappaı vaktsına alyp jatyr

ALMATY. QazAqparat - Almatyda kásibı sportshylar jappaı vaktsına alýda, dep habarlaıdy QazAqparat tilshisi.

Uqsas jańalyqtar
Atyraý oblysyna «Spýtnık V» vaktsınasynyń 28 myńnan astam dozasy jetkizildi Vaktsına saldyrǵan JOO stýdentteri Ystyqkólge joldama utyp aldy Qazaqstanda 5,5 mln adam vaktsına saldyrdy

«Almaty» hokkeı klýbynyń shabýylshysy Artem Býrdelevtyń aıtýynsha, olımpıada oıyndarynyń qarsańynda koronavırýsqa qarsy vaktsına óte mańyzdy. Óıtkeni, komandanyń bir múshesi ınfektsııa juqtyrsa, onda búkil ujymnyń jumysyna qaýip tónýi múmkin.

«Sanaly ǵumyrymdy sportqa arnaǵan janmyn. Jarystardan qalmadym. Menińshe, sport áleminde mundaı shekteýler bolǵan emes. Bizdiń komanda indetke deıin kún saıyn jattyǵatyn, al koronavırýstyń kesirinen barlyq jattyǵý protsessi toqtady. Endi vaktsınanyń arqasynda alańǵa qaıta oralyp, erkin jattyǵa alamyz. Ókinishtisi, adamdar áli de ekpe saldyrýǵa salǵyrt qaraýda, betperde kımeı, áleýmettik qashyqtyqty saqtamaýda. Men qala turǵyndaryn vırýsqa qarsy kúreste birigýge, vaktsına alýǵa shaqyramyn»,-deıdi Artem Býrdelev.

Sonymen qatar, ol jaqynda vaktsına alǵanyn aıtty.

«Jaqynda men de vaktsına saldyrdym. Bul qajetti shara dep sanaımyn. Immýnıtetti arttyrý, ony vırýspen kúresýge daıyn etý mańyzdy. Óz jankúıerlerime de aıtarym, biz sizderdiń qoldaýlaryńyzǵa zárýmiz. Biz úshin ujymdyq ımmýnıtetti qalyptastyrý mańyzdy. Sondyqtan alypqashty áńgimeler men taraǵan jalǵan aqparatqa senbeńizder. Bizdiń jeńisimizdi kórý úshin vaktsına alyp, hokkeıge kelińizder»,- deıdi ol.

Bokstan áıelder arasynda eńbek sińirgen sport sheberi, eki dúrkin álem chempıony Nazym Qyzaıbaıda koronavırýsqa qarsy ekpe saldyrdy.

«Ótken jyly bastalǵan indet meniń olımpıadaǵa qatysýyma, ekinshi lıtsenzııany alýyma kedergi keltirdi. Bul meniń armanym edi. Sondaı-aq sport zaldary jabylyp, meniń úıde jattyǵýyma týra keldi. Bıyl jaǵdaı ózgerdi. Qalada jappaı ımmýndaý bastalǵannan keıin koronavırýsqa qarsy ekpe aldym. Bizdiń sportshylarymyz da vaktsınaǵa qarsy emes. Eshqandaı májbúrleý bolǵan joq, barlyǵy densaýlyqty saqtaýǵa, jattyǵý protsesin qalpyna keltirýge, zalda jankúıerlerdi kórýge múmkindik beretin qajettilik ekenin túsindi. Infektsııaǵa turaqty ımmýnıteti joq adamdar vaktsına alýy qajet. Óz basym alǵashqy boksshylardyń biri bolyp vaktsına aldym. Óıtkeni bul COVID-19-qarsy kúres»,- deıdi Nazym Qyzaıbaı

Óz kezeginde, semserlesýden halyqaralyq dárejedegi sport sheberi Tamara Pochekýtova koronavırýs indeti onyń otbasyn aınalyp ótpegenin tilge tıek etti.

«Koronavırýs bizdiń otbasymyzdy aınalyp ótpedi,otbasy músheleri túgel aýyrdy. Múmkin men vırýstyń tasymaldaýshysy bolǵan shyǵarmyn, biraq aýrýdy asımptomatıkalyq jolmen bastan ótkerdim. Bul indetti atam qıyndyqpen eńserdi. Ol uzaq ýaqyt aýrýhanada emdeldi. Ol 85 jasta dárigerlerdiń qamqorlyǵy men ımmýnıtetiniń arqasynda jazylyp shyqty. Vaktsına paıda bolǵannan keıin atam ekpe aldy. Men áli vaktsına alǵan joqpyn, biraq ekpeni qoldaımyn. Búginde qaı vaktsınany alǵan durys ekenin tańdaýdamyn. Bul óte qaýipti aýrý, sondyqtan men ózimdi, týystarymdy qorǵaǵym keledi. Men olardyń saý bolǵanyn qalaımyn»,- deıdi sport sheberi.


Bizdiń kanalymyzǵa jazylyńyz:

#Almaty   #Sport   #Vaktsına  
Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT