Almatylyq polıtseı mopedti jaıaý qýyp ustady
2022 jylǵy 7 tamyz 20:03

Almatylyq polıtseı mopedti jaıaý qýyp ustady

ALMATY. QazAqparat – Áleýmettik jelide polıtseıdiń mopedshini jaıaý qýyp bara jatqan vıdeo tarady, dep habarlaıdy QazAqparat tilshisi.

Taralǵan vıdeoda patrýldik polıtsııa kóligi mopedtiń izinen qýyp kele jatqanyn, keıin moped júrgizýshisi joldan shyǵyp ketip, aǵashtar arasymen qashqanyn kórýge bolady. Sol boıda polıtseılerdiń biri qyzmettik kólikten túsip, ony jaıaý qýa jóneledi. Kóp uzamaı tártip saqshysy mopedke jetip alyp, júrgizýshini toqtatady.

«Jergilikti polıtsııa qyzmetiniń málimetinshe, bul quqyqbuzýshylyq Almaty qalasy Túrksib aýdany, Buqtyrma kóshesiniń boıynda tirkelgen. Mamandandyrylǵan batalonnyń ekıpajy jol júrý erejesin buzyp kele jatqan mopedti baıqaǵan. Toqtaý týraly buıryqty elemeı, polıtsııa qyzmetkerlerinen jolsyz jermen qashyp ketpek boldy. Alaıda ol ustaldy. Onyń ústinen QR ÁQBtK 615-babynda kózdelgen quqyqbuzýshylyq deregi boıynsha ákimshilik hattama toltyryldy», - dep habarldady Almaty qalalyq Polıtsııa departamentiniń baspasóz qyzmetinen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT