+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Almatylyq polıtseı qulaǵan ushaqtaǵy náresteni qalaı qutqarǵanyn aıtyp berdi

2019 jylǵy 27 jeltoqsan 21:28
Bólisińiz:
Almatylyq polıtseı qulaǵan ushaqtaǵy náresteni qalaı qutqarǵanyn aıtyp berdi

ALMATY. QazAqparat – Polıtsııa qyzmetkeri Jaqsylyq Sultanov Almaty mańyndaǵy ushaq apatynda kishkentaı náresteni qalaı qutqarǵanyn aıtyp berdi, dep habarlaıdy QazAqparat.

«Bizge shaqyrtý kelip tústi. Jaqyn mańda júrgen edik, oqıǵa ornyna tez jettik. Áriptesim ekeýmiz birneshe adamdy syrtqa alyp shyqtyq. Arasynda marqumdar da boldy. Sosyn bizge «úıdiń art jaǵyn qarańdarshy, taǵy adamdar bolýy múmkin» dedi. Biz ol jaqtan 30-35 jastaǵy áıeldi taptyq. Ol aıaǵy synyp, únsiz jatyr eken. Keýdesinde kishkentaı sábı jatty. Biraq alǵashynda men onyń bala ekenin bilmedim. Bilgen soń áıelge «balany alyp, jedel járdemge berem» dedim. Ol kózin jumyp, kelisimin berdi. Balany kótere bergende ol jylap qoıa berdi. Biraq jolda úni shyqpaı qaldy. Men ony dybysyn shyǵarsa eken dep silkidim. Sosyn náresteni jedel járdem qyzmetkerlerine taasyrdym», - deıdi Jaqsylyq Sultanov.

Onyń aıtýynsha, bala shamamen 6 aılyq.

«Balaqaı tipti kishkentaı. Bir jasar balaǵa uqsamaıdy. Ózim de áke bolǵan soń bilem ǵoı», - deıdi polıtseı.

Jaqsylyq Sultanov – Almaty qalalyq polıtsııa departamenti patrýl polıtsııa polkiniń aǵa leıtenanty. Ol mundaı jaǵdaıǵa birinshi ret tap bolyp otyr.

Aıta keteıik, kishkentaı náresteni qutqarý týraly vıdeo ushaq apatynen keıin áleýmettik jelilerde tarap ketti. Keıinnen onyń 9 aılyq Ádiljan Ǵatıat ekeni belgili boldy.

Bul bala mı jaraqatymen aýrýhanaǵa túsken. Іshi, ishki organdary soqqy alǵan. Jaǵdaıy birqalypty. Al onyń ákesi 27 jastaǵy Ǵatıat Maqsut Bolatqanuly bas jaraqatymen shuǵyl medıtsınalyq qyzmet kórsetý aýrýhanasyna jatqyzyldy.

Anasy 27 jastaǵy Ǵatıat Aısulý Erqanatqyzy kishi jambastaǵy urshyq býynynyń soqqysy, bel omyrtqasynyń jaraqaty dıagnozymen tústi.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT