Almatylyq muǵalimder 2021 jyldy «Ustaz jyly» dep jarııalaýdy usyndy

ALMATY. QazAqparat - 2021 jyldy «Ustaz jyly» dep jarııalaý týraly usynys QR Premer-Mınıstriniń orynbasary Berdibek Saparbaevtyń muǵalimdermen kezdesýinde aıtyldy, dep habarlaıdy QazAqparat tilshisi.

Uqsas jańalyqtar

Saparbaev Kókshetaýda ótken azyq-túlik jármeńkesin aralap kórdi

Berdibek Saparbaev ustazdardyń usynysyna jaýap berdi.

«Sizderdiń usynystaryńyz jaqsy eken. Ony jan-jaqty qarastyrý qajet. Jaýabyn mindetti túrde aıtamyz»,- dedi ol.

Kezdesý barysynda QR Premer-Mınıstriniń orynbasary muǵalimderdiń aldynda turǵan mańyzdy máselege toqtaldy. Ol búgingi bilim ulttyq qundylyqtarǵa negizdelýi kerektigin basa aıtty.

«Balalardyń bilimi men tárbıesine tek muǵalim ǵana jaýapty emes. Oqýshylardyń ata-anasy da atsalysýy qajet. Tek sonda ǵana nátıjıe bolady»,- deıdi Saparbaev.

Sondaı-aq, Saparbaev pedagogıka fakýltetine túsetin úmitkerlerge qoıylatyn talaptar týraly suraqqa jaýap berdi.

«Talapty eń aldymen osy mamandyqty tańdaǵan úmitker ózine qoıýy kerek. Aldaǵy ýaqytta muǵalim bolyp jumys isteı ala ma, óskeleń urpaqqa sapaly bilim berýge shamasy jete ma, oqýǵa tapsyrmas buryn talapker jan-jaqty oılanýy kerek. Sizder muǵalimder balalardyń osy mamandyqty tańdaýyna sebepker bolýlaryńyz kerek. Olar sizderge qarap boı túzeıdi», - dep qortyndylady QR Premer-Mınıstriniń orynbasary.