+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Almatylyq metsenattar men volonterler «Halyq alǵysy» medalimen marapattaldy

2020 jylǵy 23 maýsym 15:25
Bólisińiz:
Almatylyq metsenattar men volonterler «Halyq alǵysy» medalimen marapattaldy

ALMATY. QazAqparat - Respýblıkalyq Biz Birgemiz onlaın-forýmy barysynda COVID-19-ben kúreste erekshe belsendilik tanytqan dárigerler, polıtsııa qyzmetkerleri, volonterler men jýrnalıster marapattaldy, dep habarlaıdy QazAqparat tilshisi.

Uqsas jańalyqtar

Memleket basshysy Qasym-Jomart Toqaev respýblıkalyq Biz Birgemiz aktsııasyna qatysqan volonterlerdiń COVID-19 taralýyna qarsy kúreske qosqan zor úlesterin atap ótti. Elbasynyń jáne jeke óziniń atynan alǵysyn bildirdi.

Almaty ákimi Baqytjan Saǵyntaevtyń aıtýynsha, tótenshe jaǵdaı rejımi kezinde barsha qazaqstandyqtardyń kómegi aıtarlyqtaı mańyzdy boldy.

«Únemi qoldaý men kómek berýge daıyn turatyn almatylyqtar alǵashqy kúnnen-aq qoǵamdyq jumystarǵa belsene kirisip ketti. Olardyń árqaısysynyń jáne myńdaǵan qala turǵyndarynyń ortaq iske qosqan úlesterine baǵa jetpeıdi», - dedi qala ákimi.

B. Saǵyntaev óziniń sózinde TJ rejımi kezinde júgizilgen pármendi sharalardyń koronavırýstyń jappaı taralýyna tosqaýyl bolǵanyn aıtty. Qala turǵyndarynyń berilgen usynystardy der kezinde qabyldap, ózderin oqshaýlaǵandary arqasynda jaǵdaı túzeldi.

«Árıne, qala turǵyndarynyń tabıǵat aıasynda kezdesip, ózara syrlasýdy, kósheler men skverlerde serýendeýdi saǵynyp qalǵandaryn jaqsy túsinemin. Óıtkeni, bul- ómir. Biraq, kózge kórinbeıtin jaý – pandemııa bizdiń ómirimizge túzetýler men ózgerister engizýde. Sondyqtan men almatylyqtardy sanıtarlyq-epıdemıologııalyq qyzmettiń barlyq talaptaryn múltiksiz oryndýǵa shaqyramyn. Ol barynsha qarapaıym, ıaǵnı ózimizdi, jaqyndarymyzdy, dostarymyzdy, áriptesterimizdi, tipti aınalamyzdaǵylardy indetti juqtyrý qaýpinen saqtaıyq jáne barynsha abaı bolaıyq», - dedi Baqytjan Saǵyntaev.


Almaty ákimi koronavırýspen kúreste aldyńǵy shepte bolyp, indettiń soqqysyna qarsy tura bilgen medıkterdiń, polıtsııa qyzmetkerleriniń jumystaryn atap ótti.

Ol osy ortaq iske óz úlesterin qosyp, qalalyqtarǵa qoldaý bildirgen metsenattarǵa, sonymen qatar muqtaj jandarǵa azyq-túlik ónimderin jetkizgen volonterlerge alǵysyn bildirdi.

Іndetke qarsy kúreste erekshe kózge túskender «Halyq alǵysy» medalimen jáne Elbasynyń Alǵys hattarymen marapattaldy. Olardyń arasynda Olımpıada chempıony, Qazaqstannyń Eńbek Eri, KSRO-nyń eńbek sińirgen sport sheberi Jaqsylyq Úshkempirov, Bostandyq aýdanynyń ÓQ MPS bóliminiń bastyǵy Jandos Tasmanov, dáriger-ınfektsıonıst Tamara Ýtaganova, metsenat Mıhaıl Lomtadze, Ómirjan Ábilqasymov, «Qazaqstannyń medıtsınalyq jastary» RQB jetekshisi Jánibek Soltanaı, QBTÝ janyndaǵy Qazaqstan teńiz akademııasynyń stýdenti Dıana Toqtarqyzy, «Almaty aqshamy» gazetiniń tilshisi Ásel Daǵjan bar.

Sondaı-aq, «Qazaqstan Eriktiler lıgasy» QQ-nyń Almaty qalasy boıynsha jetekshisi Baǵdat Anarbaeva, Jas Otan MK Almaty qalalyq fılıalynyń belsendileri Bıbinur Sherbaeva, Medet Bekbergenov, Jandos Tálipov, Ásem Taımuratova, kásipker Bahıt Gasanov ta bar.

Aıta ketý kerek, búgin elordada «BIZ BIRGEMIZ» jalpyulttyq onlaın-forýmy ótti.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT