Almatylyq qutqarýshylar turǵyndarǵa taýǵa shyqpaýǵa keńes berdi
2022 jylǵy 29 mamyr 00:06

Almatylyq qutqarýshylar turǵyndarǵa taýǵa shyqpaýǵa keńes berdi

ALMATY. QazAqparat - Aýa raıynyń nasharlaýyna baılanysty Tótenshe jaǵdaılar departamenti turǵyndarǵa taýǵa shyqpaýǵa keńes berdi, dep habarlaıdy QazAqparat tilshisi.

«Qazgıdromet» taratqan eskertý negizinde Almatynyń Tótenshe jaǵdaılar qyzmeti turǵyndarǵa taýǵa shyqpaýǵa keńes beredi. 29-30 mamyr kúnderi taýly aımaqtarda jáne qalada nóser jańbyr jaýyp, naızaǵaı oınaıdy, burshaq pen daýyl turady dep kútiledi.

Osyǵan baılanysty TJD Almaty turǵyndary men qonaqtaryna taýǵa shyqpaýǵa keńes berdi.

«Almaty taýlarynda kún kúrkireıdi. Soltústik-batystan sekýndyna 24-29 metr jyldamdyqpen jel soǵady. Taýǵa barýdan bas tarta turýlaryńyzdy suraımyz. Sonymen qatar, kólikterińizdi aǵashtardyń astyna qoımańyzdar», - delingen resmı habarlamada.

Aıta keteıik, Almatyda búgin nóser jaýyn jaýyp tur.



Avtor:
Tilshi

Jańalyqtar

MURAǴAT