+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Almatylyq hırýrg-endoskopıst Oralda sheberlik saǵatyn ótkizdi

2020 jylǵy 20 qyrkúıek 22:22
Bólisińiz:
Almatylyq hırýrg-endoskopıst Oralda sheberlik saǵatyn ótkizdi

ORAL. QazAqparat – BQO kópbeıindi aýrýhanasynda batysqazaqstandyq hırýrgtar men endoskopısterge arnalǵan sheberlik saǵaty ótti, dep habarlaıdy QazAqparat tilshisi.

Uqsas jańalyqtar
Qostanaılyq polıtseı alǵashqy medıtsınalyq kómek kórsetip, adam ómirin saqtap qaldy

Eki kúnge sozylǵan shara barysynda Almatydan arnaıy kelgen A.Syzǵanov atyndaǵy ulttyq ǵylymı ortalyǵynyń hırýrg-endoskopısi Nurken Ábdıev pen Fujifilm kompanııasynyń satý jónindegi óńirlik menedjeri Danııar Arystanov endoskopııa salasyndaǵy jańalyqtardy jetkizdi.

Aýrýhananyń hırýrgııa jáne endoskopııa bólimshesiniń meńgerýshisi Samarbaı Muqanovtyń aıtýynsha, ótken jyly oblystyq aýrýhana as qorytý júıesi organdary aýrýlarynyń dıagnozyn qoıý, emdeýge arnalǵan «Olımpýs» fırmasynyń jabdyǵyn alǵan. Soǵan baılanysty ol A.Syzǵanov atyndaǵy ortalyqta biliktiligin arttyrý kýrsynan ótip, apparatty paıdalaný daǵdysyn meńgergen. Degenmen bıyl almatylyq hırýrgtar burynǵylardan jańa qyzmetimen erekshelenetin Fujifilm fırmasynyń apparatyn qoldana bastady. Bul apparat ishek pen asqazandy dálirek zerttep, sonymen birge endoskopııalyq otalar jasaýǵa múmkindik beredi.

Nurken Ábdıev úsh emdelýshini dıagnostıkaǵa alyp, jańa endoskoptyń múmkindikterin is júzinde kórsetti. Mysaly, bir emdelýshide toq ishekte qaterli isik bolýy múmkin delinip kelse, júrgizilgen zertteý onda polıp bar ekendigin kórsetti. Ol sol boıda sylynyp tastaldy. Taǵy bir naýqasta budan burynǵy zertteý ishek jolyndaǵy polıpti kórsetse, ol adenoma bolyp shyqty. Gastroendoskoptyń kómegimen taǵy bir áıelge de sátti ota jasaldy.

Batysqazaqstandyq hırýrgtar men endoskopıster munyń bárin kózimen kórip, ózderin tolǵandyrǵan máseleler boıynsha suraq berýge múmkindik aldy.

D.Arystanovtyń sózine qaraǵanda, jańa júıe osy oblystyq aýrýhanada biraz ýaqytqa deıin qaldyrylady. Onyń tehnıkalyq múmkindikterin dárigerler ózderi baıqap, kóre alady. Eger apparat unasa, oǵan qol jetkizýge bolady.

Túrli, sonyń ishinde medıtsınalyq jabdyqtardy shyǵarýmen aınalysatyn Fujifilm kompanııasy budan úsh jyl buryn A.Syzǵanov atyndaǵy ortalyqta jattyǵý keshenin ashqan bolatyn. Munda qazaqstandyq hırýrgtar men endoskopıster jańa apparatty meńgerip, biliktilikterin arttyryp keledi.

Eske sala keteıik, budan buryn BQO-da demalys jáne mereke kúnderi sulýlyq salondary men shashtarazdar jumys isteıtin bolǵanyn jazǵan edik.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT