+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Almatylyq boıjetkenniń asqazanynan 1 keli shash shyqty

2020 jylǵy 22 qyrkúıek 17:54
Bólisińiz:
Almatylyq boıjetkenniń asqazanynan 1 keli shash shyqty

ALMATY. QazAqparat – №4 qalalyq aýrýhana dárigerleri almatylyq boıjetkenniń ishinen 1 keli shash alyp shyqty, dep habarlaıdy QazAqparat tilshisi.

17 jastaǵy boıjetken asqazanynyń epıgastrıı aımaǵy aýyryp túsken. Oǵan fıbrogastrodýodenoskopııa (FGDS), kompıýterlik tomografııa jasalǵan. Nátıjesinde onyń asqazanynda shashtyń jumarlanǵan túınegi (trıhobezoar) bar ekeni anyqtaldy.

Bezoar kóbinese kúıseıtin janýarlarda jıi kezdesedi. Adamdar arasynda ondaı jaǵdaı óte sırek bolady.

Patsıent asqazanynda shash barynan beıhabar bolǵan.



«Búgin josparly ota jasaldy. Laparotomııa, gastrotomııa, otasy kezinde asqazan pishinin qaıtalap turǵan trıhobezoar anyqtaldy. Bul túınek asqazannyń 70 paıyz aýdanyn alyp turǵan. Boıjetkenniń ózi shash jegenin moıyndamaı tur. Alaıda bul birneshe jyldar boıy qalyptasqan túınek. Onyń salmaǵy 1 kelige jetip qalǵan soń asqazannyń pishini sozylǵan», - dedi aýrýhana hırýrgy Abylaı Baımahanov.


Tájirıbede trıhobezoar óte sırek kezdesedi. Odan keletin qaýip joǵary.

Konkrement asqazan-ishek jolymen qozǵalý kezinde asqazannyń bitelýine nemese asqazannyń tesilýine alyp kelýi múmkin boldy. Dárigerlerdiń aıtýynsha, bul jaǵdaıda naýqas medıtsınalyq kómekke ýaqytynda júgingen.

«Tyrnaq tisteý nemese shash shaınap jutý – bul psıhologııalyq ádet. Balalardyń ádetterine erte jastan nazar aýdarý kerek. Sondaı - aq, shash aǵzaǵa tamaqpen birge ketip, jyldar boıy massaǵa jınalýy múmkin», - dep tolyqtyrdy hırýrg-dáriger, assıstent Dáýren Jýmataev.

Kóbinese bul dert 30 jasqa deıingi qyz balalarda kezdesedi.

Aýrýdyń bastalýy ádette sımptomsyz bolady. Bezoar ósip kele jatqanda, ish aýyryp, aýyrlyq sezimi paıda bolady, júrek aıný, qusý, tábettiń tómendeýi, temir tapshylyǵynyń anemııasy damıdy. Bezoardyń asqynýy - erozııa jáne qan ketetin asqazan jaralary, perıtonıttiń damýy, ash ishektiń obtýratsııasy bolyp tabylady.


Bizdiń kanalymyzǵa jazylyńyz:

#Almaty   #Oqıǵa  
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT