+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Almatyǵa tamyzdyń ortasynda koronavırýstyń tórtinshi tolqyny keledi - Bekshın

2021 jylǵy 29 shilde 16:09
Bólisińiz:
Almatyǵa tamyzdyń ortasynda koronavırýstyń tórtinshi tolqyny keledi - Bekshın

ALMATY. QazAqparat - Almatyda táýlik ishinde koronavırýs juqtyrǵan 1 myńnan astam adam tirkeldi, dep habarlaıdy QazAqparat.

Uqsas jańalyqtar
Almatyda karantın talaptary jeńildeıdi Qaraǵandy oblysynda KVI-men syrqattanýshylyq birshama tómendedi Atyraýda kópbalaly ana altynshy perzentin modýldik aýrýhanada bosandy

Almaty qalasynyń bas sanıtar dárigeri Jandarbek Bekshın óńirlik kommýnıkatsııalar qyzmetinde ótken brıfıngte megapolıske qatysty epıdemıologııalyq ahýaldyń nasharlaǵanyn aıtty.

COVID-19 dertiniń kezekti tórtinshi tolqyny tamyz aıynyń ortasynan bastap qyrkúıektiń basyna deıin sozylady dep kútilip otyr.

J. Bekshınniń aıtýynsha, vaktsına indettiń kúrdeli kezeńinen ótýge kómektesedi. Sondaı-aq Almatyda aǵzany indetten qorǵaıtyn tolyq vaktsına jelisi bar.

«Sońǵy aptada koronavırýsqa qatysty epıdemıologııalyq ahýal ýshyǵyp otyr. Ótken aptany aldyńǵymen salystyrǵanda KVI jaǵdaıynyń tirkelýi 1,4 esege – 5 790-nan 8 393 jaǵdaıǵa deıin ósti, táýliktik ósim - 1,5%. 23 shildeden bastap kúndelikti KVI kórsetkishi 1 myńnan asty jáne qazirdiń ózinde 1 450-di quraıdy. Osy aıda Almatyda 20 818 naýqas anyqtaldy, al jyl basynan beri 76 603 naýqas tirkeldi», – dedi megapolıstiń bas sanıtar dárigeri.

Onyń aıtýynsha, shildedegi epıdemıologııalyq jaǵdaıdyń naqty boljamy - 27,5 myń, al is júzinde 2 myń jaǵdaıdy quraıdy.

«Almatyda indettiń kezekti tórtinshi tolqyny tamyz aıynyń ortasynda bastalyp, qyrkúıektiń basynda tómendeıdi dep kútilip otyr. Tamyz aıynda - 34,5 myń jaǵdaı, qyrkúıekte - 4,5 myń jaǵdaı bolady dep boljanǵan. 7 kún ishinde sımptomdy naýqastardyń úlesiniń artýy 89,4-ten 90,7%-ǵa deıin jalǵasty, bul SOVID-19 delta nusqasynyń tez taralǵanyn kórsetedi», –dedi J. Bekshın.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT