+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyǵa qajetti dári-dármek jetkizilip jatyr

2020 jylǵy 6 shilde 21:11
Bólisińiz:
Almatyǵa qajetti dári-dármek jetkizilip jatyr

ALMATY. QazAqparat – Almatyǵa 150 myń «Paratsetamol» ákelindi, taıaý kúnderi taǵda 850 myńy jetkiziletin bolady , dep habarlady QazAqparat tilshisi.

Uqsas jańalyqtar
Eraly Toǵjanov «SQ-Farmatsııaǵa» koronavırýstyń eki aılyq dári-dármek qoryn qurýdy tapsyrdy Atyraýǵa Reseıdegi qandastardan gýmanıtarlyq kómek keldi Atyraýda dári-dármek boıynsha turaqtandyrý qory quryldy

Almaty ákimdigi baspasóz qyzmetiniń habarlaýynsha, búgin qala ákiminiń orynbasary Saparbek Tuıaqbaevtyń basshylyǵymen jınalys ótti.

Jıynǵa Almaty qalasynyń Bas sanıtarlyq dárigeriniń orynbasary, qalanyń quqyq qorǵaý organdarynyń, Kásipkerlik jáne ınvestıtsııalar basqarmasynyń, Qoǵamdyq densaýlyq saqtaý basqarmasynyń, Taýarlardyń jáne qyzmetterdiń sapasy men qaýipsizdigin baqylaý departamentiniń, Almaty dárihanalarynyń iri jelileriniń, sondaı-aq Qazaqstan Respýblıkasynyń farmqyzmetin qoldaý jáne damytý qaýymdastyǵynyń ókilderi qatysty.

Jıynda Taýarlardyń jáne qyzmetterdiń sapasy men qaýipsizdigin baqylaý departamentine qala dárihanalarynda dárilerdiń bolýyna jáne olarǵa qoıylǵan baǵalarǵa kún saıyn monıtorıng júrgizip otyrý tapsyryldy.

Quqyq qorǵaý organdarynyń aldyna dári-dármekterdi zańsyz, onyń ishinde, onlaın alańdary arqyly satýǵa jol bermeý boıynsha turaqty negizde jumys júrgizý mindeti qoıyldy.

Buǵan deıin, Almaty ákimdigi naryq qatysýshylarymen jáne tıisti memlekettik organdarmen dárihanalarǵa áleýmettik mańyzy bar dárilerdiń 41 túrin basym tártipte kúndelikti jetkizý máselesin sheshken bolatyn.

Bul maqsatta, farmkompanııalarmen kelisimge qol qoıyldy jáne 103 dárihanadan turatyn tizim belgilendi, olarǵa dárini basymdyq tártipte jetkizetin bolady. Atalǵan tizimge taǵy da eki dárihana kirdi. Osylaısha, búgingi kúni, tizimde 105 dárihana bar, olar qalanyń árbir aýdanynda ornalasqan.

41 preparattyń árqaısysy boıynsha negizsiz dúrbeleń týdyrmas úshin dárilerdiń baǵasyn kótermeý jáne bir qolǵa bir ataýly dáriniń 3 danasynan artyq satpaý mindeti kózdeldi.

Jalpy, qalany qajetti dárilermen jáne termometrlermen qamtamasyz etý máselesi sheshildi. Іri jetkizýshiler kún saıyn «Paratsetamol», «Ibýprofen», «Efferalgan», «Aspırın», «Tamıflıý», «Ingavırın», «Azıtromıtsın» jáne «Sýmamed» sekildi dári-dármekterdi jetkizýdi júzege asyrady.

5 shildedegi derekter boıynsha qalanyń dárihanalaryna 115myń «Paratsetamol», 30 myń dana termometr, 20 myń «Ibýprofen», 35 myń «Ingavırın» jáne basqa da dáriler jetkizildi.

Búgin qosymsha 150 myń oram «Paratsetamol» men 50 myń termometr jetkizildi. 8 jáne 12 shilde aralyǵynda qosymsha taǵy 850 myń «Paratsetamol» ákelinetin bolady.

Sonymen birge, quqyq qorǵaý organdarynyń derekteri boıynsha, tekserý nátıjesinde «Tsefazolın», «Tamiflu» jáne «Ingavırın 90» dárilerin zańsyz satý faktileri anyqtalyp tıisti sharalar qabyldandy, sotqa deıingi tergeý isi júrgizilýde.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT