+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Almatyǵa azyq-túlik taýarlaryn úzdiksiz jetkizý boıynsha kelisim jasaldy

2021 jylǵy 24 maýsym 15:30
Bólisińiz:
Almatyǵa  azyq-túlik taýarlaryn úzdiksiz jetkizý boıynsha kelisim jasaldy

ALMATY. QazAqparat - Almaty qalasy men Almaty oblysy ákiminiń orynbasarlary Maqsat Qıqymov pen Serik Turdalıev áleýmettik mańyzy bar azyq-túlik taýarlaryn Almatyǵa úzdiksiz jetkizý boıynsha ózara yntymaqtastyq týraly memorandýmǵa qol qoıdy, dep habarlaıdy QazAqparat tilshisi.

Kóshpeli keńes barysynda azyq-túlik qaýipsizdigin qamtamasyz etý úshin ákimdik ókilderinen quralǵan delegatsııa birneshe óndiris ornyna bardy.

«Almaty qalasynyń ákimi Baqytjan Saǵyntaevtyń tapsyrmasy boıynsha alǵash ret Almaty oblysynyń taýar óndirýshilerinen azyq-túlik ónimderin tikeleı jetkizý boıynsha ýaǵdalastyqqa qol jetkizildi. Endi fermerler Almatyǵa kókónister, qant, sút, jumyrtqa, makaron ónimderi, qus eti jáne basqa da azyq-túlik taýarlaryn jetkizetin bolady. Sonymen qatar, bul taýarlardy óndirýshiler qalanyń saýda jelileri men bazarlaryna deldalsyz tikeleı júzege asyrady. Biz taýarlardy usynylǵan baǵaǵa sáıkes jetkizý jáne ónim baǵasynyń negizsiz kóterilýine jol bermeý týraly da kelistik», - dedi Almaty qalasy ákiminiń orynbasary Maqsat Qıqymov.

Azyq-túlik taýarlarynyń baǵasyn turaqtandyrý úshin Almaty ákimdigi birqatar keshendi shara qabyldady. Іri saýda jelilerine Áleýmettik mańyzy bar azyq-túlik taýarlarynyń 15 ataýyn tómen baǵamen alyp-satý úshin jeńildikter berildi: nan jetkizý úshin «Aqsaı «HBK» JShS, sıyr eti men taýyq etin jetkizý úshin Union Products JShS, sıyr etin jetkizý úshin «Asyl Meat» JShS. Sonymen qatar, «Aqsý Kant» JShS-nen Magnum saýda jelisine 3,5 myń tonna qant belgilengen baǵa boıynsha jetkizile bastady. 3 jyl merzimge shekti baǵa boıynsha 49,6 mln jumyrtqa jetkizý úshin «Alsad» JShS-men kelisimge keldi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT