+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Almatydaǵy jańa zaýyt jylyna 100 myń tonna joǵary sapaly bolat qubyr shyǵarady

2020 jylǵy 8 sáýir 11:22
Bólisińiz:
Almatydaǵy jańa zaýyt jylyna 100 myń tonna joǵary sapaly bolat qubyr shyǵarady

ALMATY. QazAqparat - 2020 jyldyń ekinshi toqsanynda Almaty qalasynyń Alataý aýdanynyń ındýstrııalyq aımaǵynda «Úlken dıametrli dánekerlengen bolat qubyrlaryn shyǵaratyn zaýyt qurylysy» jobasyn iske qosý josparlanyp otyr, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Qurylys alańynyń jalpy aýmaǵy- 18,3 gektar. Joǵary tehnologııalyq zaýyt qurylysy Qazaqstanǵa ákelinetin qubyr ónimderiniń 70% ımportyn almastyrýǵa múmkindik beredi.

Jobany júzege asyrý úshin «Asia Steel Pipe Corporation» Qazaqstan-Qytaı birlesken kásiporny quryldy. Investıtsııanyń jalpy somasy 33 mlrd teńgeden asady. Atalmysh joba 2015-2019 jyldarǵa arnalǵan respýblıkalyq ındýstrııalandyrý kartasyna engizilgen. Sondaı-aq «Bir beldeý, bir jol» baǵdarlamasy aıasynda QHR men QR arasyndaǵy negizgi jobalar tizimine kiredi.

Aıta ketý kerek, qubyr zaýyty ornalasatyn jer retinde Almaty qalasy logıstıka jáne bolat oramynyń negizgi jetkizýshisi – Batys Qytaıdaǵy metallýrgııalyq zaýyttarǵa jaqyn bolǵany úshin tańdap alynǵan.

Otandyq zaýyt jyl saıyn 100 myń tonnaǵa deıin joǵary sapaly qubyr ónimderin shyǵarady dep josparlanýda. Aldaǵy ýaqytta óndiristi 150 myń tonnaǵa deıin keńeıtý kózdelip otyr. Birinshi jeli spıraldy qubyrlar shyǵarady. Keıin úlken dıametrli tik jikti qubyrlar jelisin iske qosý kózdelgen.

Zaýytta dıametri 355 mm-den 1420 mm-ge deıin, uzyndyǵy 8 m-den 12,5 m-ge deıin qubyr ónimderin shyǵarý kózdelgen. Qubyrlardy óndirý kezinde beriktigi joǵary X80, H100 sanatyndaǵy bolat qoldanylady. Al qubyr qabyrǵasynyń qalyńdyǵy 6,4 mm-den 25,4 mm-ge deıin bolady.

Bul dánekerlenetin qubyrlar munaıdy, gazdy, sýdy jáne munaı ónimderin tasymaldaýǵa, sondaı-aq taý-ken, qurylys, hımııalyq ónerkásip, energetıka salalarynda paıdalanýǵa arnalǵan. Osylaısha jańa zaýyt ishki naryq pen taıaý shet elderdi sapaly qubyr ónimderimen qamtamasyz etýge múmkindik beredi. Sonymen qatar, kásiporynda 300-den astam turaqty jumys orny qurylady.

Dánekerlengen bolat qubyrlaryn shyǵaratyn zaýyt jobasyn júzege asyrý QR Tuńǵysh Prezıdenti – Elbasy Nursultan Nazarbaev pen QHR Tóraǵasy Sı Tszınpınniń 2014 jylǵy kezdesýiniń qorytyndysy boıynsha múmkin boldy. Sol kezdesýde «QazMunaıGaz»UK« AQ men CNPC arasynda munaı-gaz salasyndaǵy keshendi strategııalyq yntymaqtastyq baǵdarlamasyna qol qoıyldy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT