Almatydaǵy tártipsizdik kezinde 356 kólik zaqymdandy jáne joıyldy
2022 jylǵy 16 qańtar 23:11

Almatydaǵy tártipsizdik kezinde 356 kólik zaqymdandy jáne joıyldy

NUR-SULTAN. QazAqparat – Almatydaǵy tártipsizdik kezinde 356 kólik zaqymdandy jáne joıyldy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Arnaıy organdardyń qyzmetkerlerimen jáne áskerlerimen birlesip, qalany tazartý boıynsha lańkestikke qarsy is-shara júrigizilýde. Tártipsizdik kezinde 356 kólik zaqymdandy jáne joıyldy, onyń ishinde polıtsııaǵa tıesili 163 qyzmettik kólik bar», - dedi Qanat Taımerdenov.

Onyń aıtýynsha, qaladaǵy tártipsizdikke qatysty shuǵyl túrde dáleldeme bazasy jınaldy.

«102» júıesi qalpyna keltirildi. Shaqyrýǵa kúsheıtilgen patrýldik jasaqtar jiberiledi. Quqyqbuzýshylyqtar týraly árbir dabyl muqııat tekseriledi. Búgingi tańda qalada jaǵdaı turaqty. Kommýnaldyq nysandar men tirshilikti qamtamasyz etý júıesiniń jumysy qalpyna keltirilýde», - dedi departament basshysy.

Onyń sózine qaraǵanda, qylmyskerlerden qarýdy tárkileý júrip jatyr. Búginde 127 qarý, 2800 túrli kalıbrli patron, sondaı-aq basqa da oq-dáriler men arnaıy quraldar tárkilendi.

Avtor:
Tilshi

Jańalyqtar

MURAǴAT