+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Almatydaǵy shýly kólik oqıǵasy: Kúdiktiler aǵaıyndy bolyp shyqty

2019 jylǵy 28 tamyz 11:46
Bólisińiz:
Almatydaǵy shýly kólik oqıǵasy: Kúdiktiler aǵaıyndy bolyp shyqty

ALMATY. QazAqparat- Almatydaǵy úsh adamdy aǵaıyndy eki jigit qaqqan. Kúdiktilerdiń anasy olardyń mundaı qadamǵa ózderin qorǵaý úshin barǵanyn alǵa tartady, dep habarlaıdy QazAqparat tilshisi.

Uqsas jańalyqtar

Kúdiktilerdiń anasy Názıra Álikeevanyń aıtýynsha, uldary Jandos pen Dinmuhamed kafege týysqandarynyń týǵan kúnine barǵan.

«Men óz uldarymdy bilemin ǵoı. Olar aq kóńil, adamgershiligi mol balalar. Árıne, jas bolǵan soń qyzý qandylyq bolar, biraq ersiz qylyq, oǵash minez kórsetken emes. Sol túni olar týǵan kúnge barǵan. Balalaryma 13 erkek ózderi kelip tıisken. Eregestiń sebebi, qyzdar bolý múmkin, biraq ol týraly anyq aıta almaımyn. Desekte, olar ózderin qorǵaǵysy kelgen. Meniń balalarym olardan baqandaı 10-15 jas kishi. Uryp soǵýdy solar bastaǵan. Eger qatty zardap shekse, jábirlenýshi bolsa, onda nege polıtsııaǵa áli aryz túsirmegen. Men aqıqatyn anyqtaýǵa bar kúshimdi salamyn»,- deıdi kúdiktilerdiń anasy Nazıra Álikeeva.

Onyń sózine qaraǵanda, oqıǵa bolǵan kúni kúdiktilerdiń anasy basqa qalada júrgen .

«Men úıde bolmadym. Keshe túnde keldim. Qazir polıtsııaǵa baram. Qorǵaýshy jaldaımyn»,- deıdi kúdiktilerdiń anasy.

Nazıra Álikeevanyń aıtýynsha, ol ekinshi ulynyń qaıda júrgenin bilmeıdi.

Kúdiktilerdiń biri 26 tamyz kúni keshke ustalǵan bolatyn. Ol Almaty oblysy Eńbekshiqazaq aýdanynyń turǵyny, 1995 jyly týǵan A. esimdi azamat. Kúdikti QR Qylmystyq kodeksiniń 128-baby tártibinde ýaqytsha ustaý ızolıatoryna qamaldy. Er adam qylmys jasaý kezinde aq tústi Toyota Camry markaly avtokóligin júrgizgen.

Esterińizge salaıyq, 26 tamyzda tańǵy saǵat 5-te Almaty qalasy Bostandyq aýdany Gagarın kóshesinde bolǵan qaqtyǵystan keıin bir taraptyń ókilderi óz qarsylastaryn avtomobılmen qaǵyp, qylmys ornynan boı tasalaǵan. Vıdeo áleýmettik jelide tarady.

Bul shýly oqıǵaǵa qatysty Polıtsııa tolyq aqparat berdi.

Zardap shekkenderdiń densaýlyǵy týraly Almaty qalalyq densaýlyq saqtaý basqarmasy habarlady.

Keıinnen polıtsııa adamdardy qaqqan kólikterdi taýyp tárkiledi. Eki kólikti aıǵaqzattar retinde QR QK-niń 24-baby 3-bóligi jáne 99-babynyń 2-bóligi boıynsha qozǵalǵan qylmystyq is materıaldaryna tirkedi.

Bizdiń kanalymyzǵa jazylyńyz:

Basty sózder: Almaty, Oqıǵa,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT