+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Almatydaǵy qurylys kompanııalary qazaqstandyq ónimderdi satyp almaq

2020 jylǵy 26 aqpan 17:00
Bólisińiz:
Almatydaǵy qurylys kompanııalary qazaqstandyq ónimderdi satyp almaq

ALMATY. QazAqparat - Almaty ákimi Baqytjan Saǵyntaev qalany damytýǵa qatysty problemalyq máselelerdi talqylaý úshin qurylys kompanııalarynyń basshylarymen kezdesti, dep habarlaıdy QazAqparat tilshisi.

Uqsas jańalyqtar
Semeıde turǵyn úı qurylysy qarqyndy júrip jatyr Qordaıda buzylǵan úıler demeýshilerdiń qarajatymen jóndeledi Bıyl 15 mln sharshy metr turǵyn úı paıdalanýǵa beriledi

Byltyr Almatyda 2,1 mln sharshy metrge jýyq úı paıdalanýǵa berilse, bıyl shamamen 2,2 mln sharshy metr turǵyn úı nemese 19,5 myń páter salý josparlanǵan.

Onyń ishinde, 1553 myń sharshy metr kommertsııalyq qurylys nemese 16 029 páter, 593 myń sharshy metr jeke turǵyn úı nemese 2374 turǵyn úı. Memlekettik bıýdjet esebinen 64,5 myń sharshy metr turǵyn úı nemese 1130 páter salý josparlanyp otyr.

Qala ákimi Baqytjan Saǵyntaev aıtqandaı tek Naýryzbaı aýdanynyń ózinde ǵana shamamen 500 myń sharshy metr turǵyn úı paıdalanýǵa berilgen.

«Osyǵan oraı, qalanyń jol-kólik ınfraqurylymynyń júktemesi artyp keledi. Sondyqtan Abaı dańǵylyn úńgileý jumystarynyń qarqynyn tómendetpeý kerek. Endi ekonom-klasty úılerge ınjenerlik kommýnıkatsııalardy júrgizgen kezde páterlerdiń qoljetimdiligine mán beriletin bolady. Asa mańyzdy máseleniń biri - qalalyqtar sanynyń artýyna oraı áleýmettik nysandarǵa túsetin júkteme kóbeıdi. Qurylys kompanııalarynyń basshylary bul problemany birge sheshýge daıyn ekendikterin bildirdi. Keshendi qurylys barysynda mektepterge, bala baqshalarǵa, emhanalarǵa túsetin júktemeni aldyn ala boljap, áleýmettik nysandardy salýdyń tetikteri anyqtalatyn bolady. Bos alańdardyń tapshylyǵynan qurylys naryǵyna qatysýshylarmen birge «Eski úı» baǵdarlamasynyń mańyzy artady. Búgingi kúni qalada 1440 úı osy sanatqa jatady», - dedi Baqytjan Saǵyntaev.

Ákimmen kezdesýde salynatyn ár sharshy metrdiń qoljetimdiligi úshin qurylysty júrgizýshiler otandyq óndirýshilerden qurylys jáne árleý materıaldaryn satyp alý kólemin ulǵaıtýǵa daıyn ekendikterin málimdedi.

Sondyqtan B. Saǵyntaevtyń tapsyrmasy boıynsha Almatynyń Indýstrıaldy aımaǵyndaǵy «Qarapaıym zattar ekonomıkasy» baǵdarlamasy aıasyndaǵy jobalardy júzege asyrý jónindegi jumystar jandandyrylady.

Kezdesý barysynda qurylysty salýshylarǵa ákimdiktiń qalanyń tarıhı ortalyǵynda jáne aýlalarda ornalasqan ýchaskelerde úı salýǵa tyıym salatyn pozıtsııasynyń esh ózgermeıtini taǵy bir ret eskertildi.

«Qala ósip jatyr. Sondyqtan qurylys megapolıstiń jetekshi draıveri bolyp qala beredi. Munda barlyq taraptardyń – ákimdiktiń, qurylysshylardyń jáne turǵyndardyń múddelerin qorǵaý mańyzdy. Buǵan ashyq dıalog arqyly qol jetkizýge bolady. Ony turaqty júrgizetin bolamyz», — dedi B. Saǵyntaev.


Bizdiń kanalymyzǵa jazylyńyz:

Basty sózder: Almaty, Ákim, Turǵyn úı, Qurylys,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT