Almatydaǵy klınıkalar 11,4 mlrd teńgeniń konsýltatıvti-dıagnostıkalyq qyzmetin kórsetti
2022 jylǵy 29 maýsym 12:52

Almatydaǵy klınıkalar 11,4 mlrd teńgeniń konsýltatıvti-dıagnostıkalyq qyzmetin kórsetti

ALMATY. QazAqparat – 2022 jyldyń tórt aıynda almatylyq klınıkalar halyqqa 11,4 mlrd teńgege KT/MRT syndy konsýltatıvtik-dıagnostıkalyq kómek túrlerin kórsetti. Bul týraly brıfıng barysynda «Áleýmettik medıtsınalyq saqtandyrý qory» KEAQ Almaty fılıaly dırektory Tileýhan Ábildaev málim etti, dep habarlaıdy QazAqparat tilshisi.

«Konsýltatıvtik-dıagnostıkalyq qyzmet ishinde ásirese, kompıýterlik tomografııa men magnıttik-rezonanstyq tomografııaǵa degen suranys joǵary kúıinde qalyp otyr. Atap aıtqanda, ótken 4 aıda Almaty qalasynda 38 215 KT jasalyp, oǵan 570,9 mln teńge bólindi. Halyqqa kórsetilgen 28 156 MRT qyzmeti úshin 407,3 mln teńge tólendi. Sonymen qatar, qala boıynsha onkologııalyq isikti anyqtaý maqsatynda 2092 PET-dıagnostıka qyzmeti kórsetilip, oǵan 561,8 mln teńge tólendi», - dedi spıker.

Sonymen qatar, ol qor joǵary tehnologııalyq qyzmet túrlerine 8,4 mlrd teńge, kúndizgi statsıonar qyzmetine – 2,3 mlrd teńge bólgenin aıtty.



Uqsas jańalyqtar

Jańalyqtar

Úrdis

MURAǴAT