+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatydaǵy atys: Jeke sot oryndaýshylarynyń palatasy túsinikteme berdi

2021 jylǵy 20 qyrkúıek 23:42
Bólisińiz:
Almatydaǵy atys: Jeke sot oryndaýshylarynyń palatasy túsinikteme berdi

ALMATY. QazAqparat – Almatydaǵy qaıǵyly oqıǵaǵa baılanysty Jeke sot oryndaýshylarynyń respýblıkalyq palatasy qaza tapqan jeke sot oryndaýshylarynyń otbasylary men jaqyndaryna kóńil aıtty, dep habarlaıdy QazAqparat palatanyń saıtyna silteme jasap.

Uqsas jańalyqtar
Almatyda qylmys deńgeıi 5,4% tómendedi Sot oryndaýshysyn urǵan Almaty turǵyny sotqa júgindi Almatyda 2 metro stansasy iske qosylsa, jolaýshylar aǵyny kúnine 86 myń adamǵa jetedi

«Jeke sot oryndaýshylarynyń respýblıkalyq palatasy Almatyda 20 qyrkúıekte qyzmettik mindetin atqarý barysynda qaza tapqan jeke sot oryndaýshylarynyń otbasylary men jaqyndaryna qaıǵyra otyryp kóńil aıtady. Marqumdardyń artynda otbasy jáne kámelet jasyna tolmaǵan balalary qaldy», delingen habarlamada.

Palatanyń málimdeýinshe, atalǵan úıden shyǵarý jónindegi oryndaý óndirisi eki jeke tulǵanyń arasyndaǵy kelispeýshilikke qatysty bolǵan.

«Múlik menshigi quqyǵy tirkelgen adam baspanany elektrondy saýda-sattyqta satyp alǵan, ol burynǵy turǵyndardy kóshirip jiberý jóninde sotqa júgingen. 2020 jyly 10 maýsymda sot atalmysh ótinishti qanaǵattandyrdy. Boryshkerge byltyrdan beri birneshe ret sot sheshimin oryndaý qajettiligi jóninde eskertilgen», delingen habarlamada.

Jeke sot oryndaýshylarynyń kásibı qaýymdastyǵy áriptesterine qajetti kómek kórsetiledi dep málimdedi.

«Baspanadan shyǵarý jónindegi sot sheshimin oryndaý kezinde qaıǵyly oqıǵa boldy, bes adam óltirildi. Jeke sot oryndaýshylarynyń kásibı qaýymdastyǵy tarapynan qaza tapqandardyń otbasylaryna qajetti kómek jáne tolyqqandy qoldaý kórsetiledi.

Oqıǵanyń mán-jaıyn quqyqqorǵaý organdary tergeý jatyr», delingen habarlamada.

Aıta keterligi, buǵan deıin Almaty ákimi Baqytjan Saǵyntaev qaza tapqandardyń jaqyndaryna barlyq tıisti kómek pen qoldaý kórsetiledi dep málimdegen edi.

Eske sala ketsek, Almatyda eki adamnyń menshik quqyǵyna qatysty daýy boıynsha sot sheshimin oryndaý kezinde burynǵy úı ıesi qyzmettik mindetin oryndaýmen kelgen 5 adamdy atyp óltirdi.

Qazir osy qylmys boıynsha sotqa deıingi tergeý amaldary bastaldy.


Bizdiń kanalymyzǵa jazylyńyz:

Bólisińiz:

Avtor:

Jánibek Amangeldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT