Jańalyqtar  >
  Almaty

Almatydaǵy áskerı bólimge Baýyrjan Momyshulynyń esimi berildi

2022 jylǵy 29 qarasha, 00:11
Almatydaǵy áskerı bólimge Baýyrjan Momyshulynyń esimi berildi

ALMATY. QazAqparat – Almaty qalasynda ornalasqan 5571 áskerı bólimge Keńes Odaǵynyń batyry Baýyrjan Momyshulynyń esimi berildi. Bul týraly QazAqparat tilshisi Ulttyq ulannyń baspasóz qyzmetine silteme jasap habarlaıdy.

Vedomstvo málimetine saı, Úkimettiń 2022 jylǵy 22 qarashadaǵy № 937 qaýlysymen Ulttyq ulannyń 5571 áskerı bólimine Keńes Odaǵynyń Batyry, Halyq qaharmany Baýyrjan Momyshulynyń esimi berilgen.

«Qazaq armııasynyń tarıhynda batyr Baýyrjan Momyshulynyń róli erekshe. Óziniń ór minezimen, qolbasshylyq ónerimen, asqan parasattylyǵymen jáne ultjandylyǵymen aty ańyzǵa aınalǵan tulǵa. Onyń talantty basshylyǵymen sarbazdar men ofıtserler qandy shaıqastarda jaýǵa erjúrektilikpen tótep berdi jáne Ekinshi dúnıejúzilik soǵys maıdanynda shaıqasqandar úlken jeńis ákeldi. Búginde mine, jedel quramamyz ańyz qolbasshynyń esimin ıemdenip jatyr. Bul biz úshin úlken maqtanysh», - dedi 5571 áskerı bóliminiń komandıri Baqdáýlet Ospanbekov.


Ashyq kózderden alynǵan foto

Tegı:
Almaty   Qoǵam   Ásker  
Seriktester jańalyqtary

Jańalyqtar