+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Almatydaǵy 52 bazardyń nebári 12-si ǵana jumys istep tur - Kásipkerler palatasy

2020 jylǵy 28 mamyr 16:42
Bólisińiz:
Almatydaǵy 52 bazardyń nebári 12-si ǵana jumys istep tur - Kásipkerler palatasy

ALMATY. QazAqparat – «Atameken» UKP basshysy Tımýr Qulybaev Almaty qalasynda tótenshe jaǵdaı saldaryn, aǵymdaǵy ózekti máselelerdi talqylaý, bıznesti qoldaý úshin memleket tarapynan qandaı qoldaý quraldary qajettigin anyqtaý maqsatynda óńirdiń bıznes-qoǵamdastyǵymen onlaın kezdesý ótkizdi, dep habarlaıdy QazAqparat tilshisi.

Uqsas jańalyqtar
Asqar Mamın kásipkerlik máselesi boıynsha Jobalyq keńse otyrysyn ótkizdi «Qarapaıym zattar ekonomıkasy»: Batys Qazaqstanda 215 joba maquldandy Aqtaýda kópbalaly ana tigin tsehyn ashty

«Almaty – elimizdiń eń iri óńirleriniń biri. Qazaqstan bıznesiniń jartysy osy óńirde shoǵyrlanǵan. Ulttyq palata búkil el aýqymynda bızneste týyndaıtyn barlyq máseleni jiti qadaǵalaıtyn bolady. Biz áriptesterimizben osyndaı kezdesýlerdi aı saıynǵy negizde júrgizemiz dep kelistik. Osy máseleler legin Ulttyq palata retinde Úkimetpen talqylaıtyn bolamyz, birlesip, daǵdarystan shyǵý joldaryn bızneske usynamyz», – dedi Tımýr Qulybaev.

Megopolıstiń ekonomıkalyq ahýaly jaıynda Almaty qalasy kásipkerler palatasynyń dırektory Narıman Ábilshaıyqov baıandady.

Spıkerdiń aıtýynsha, TJ kezeńinde Almaty qalasy kásipkerler palatasy jedel jeli rejıminde jumys istedi. 2020 jyldyń 16 naýryzynan bastap 11 mamyr aralyǵynda kásipkerlerden 42 618 ótinim kelip túsken, sonyń ishinde 35 201 ótinim – koll-ortalyq, 5 344 ótinim – shtab músheleriniń mobıldi telefondaryna, 1 789 ótinim – elektrondy jáne jazbasha túrde, 284 ótinim – áleýmettik jeliler arqyly kelip túsken.

«Almatyda qyzmet kórsetý salasy edáýir zardap shekti. Qalada memlekettik sektor jáne densaýlyq saqtaý salasynan basqa qyzmetter óndirisi sektorynda búkil jumys kúshiniń 74%-y jumys isteıdi. Atalǵan salanyń aýyr ahýalyn QR Eńbek jáne halyqty áleýmettik qorǵaý mınıstrliginiń derekteri dálel bola alady. Vedomstvoǵa áleýmettik tólem alýǵa 898 136 adam (salada jumys isteıtinderdiń 90%-y) ótinim bergen, sonyń ishinde 447 363 adam tólem alǵan», – dedi Óńirlik palata dırektory.

Onyń aıtýynsha, 2019 jyldyń qańtar-qyrkúıeginde saýda salasy boıynsha naqty kólem ındeksi 103,4%-dy qurady.

«Bıylǵy jaǵdaıda jumystan qysqarǵan nemese merzimsiz demalysqa jiberilgen jumyskerlerdiń basym bóligi saýda salasynda tirkelgen – 8705 adam, ónerkásipte – 5130 adam, ornalastyrý jáne tamaqtandyrý boıynsha qyzmet salasy – 1768 jáne densaýlyq saqtaý salasynda 1282 adam», – dedi ol.

Narıman Ábilshaıyqov saýda jáne oıyn-saýyq ortalyqtaryna sııaqty bazarlarǵa jumys isteýge ruqsat berýdi, jabyq alańǵa qaraǵanda ashyq bazar alańdarynda sanıtarlyq normalardy ustaný qolaılyraq ekenin alǵa tartyp, osy sektordaǵy kásipkerlerge jumys isteýge ruqsat berýdi qaıta qarýdy surady.

Saýda salasynyń ahýaly jaıynda jıyn barysynda «Tıgrohaýd fırmasy» JShS ámbebap bazarynyń dırektory Janar Qurabaeva jalǵa alýshylardyń qarjylyq aınalymy maýsymdyq taýarlarǵa salynyp, salaǵa kepilzatsyz jeńildikpen nesıe retinde kómek kórsetýdi surady.

«Almatydaǵy 52 bazar ishinde TJ kezeńinde nebári 12 bazar jumys istedi. Bazarlarda 32 myń jalǵa alýshy jumys istese, TJ kezeńinde nebári 13% nemese 4 myńǵa jýyq adam ǵana tabys tabýǵa múmkindik aldy. Al jalǵa alýshylar úshin bazarlarda jumys isteý tabys tabýdyń jalǵyz kózi», – dedi spıker.

Jospar boıynsha 1 maýsymǵa qaraı óńirdegi epıdemıologııalyq ahýaldy esepke ala otyryp, bazarlardyń ashylýy sheshiledi.

«Eger adamdar sanıtarlyq normalardy ustanyp, qorǵaný sharalaryn buzbasa, onda biz osy adamdarǵa, ásirese oblystan qalada qatynaıtyndarǵa jumys isteýge múmkindik berýimiz kerek. Qazir adamdar qalaǵa óte almaı jatyr. Eger oblystaǵy adamdar jumys isteýge kelse epıdemılogııalyq ahýal nege nasharlap ketetinin túsinbeımin. Bul másele de sheshiledi degen oıdamyn», – dedi Tımýr Qulybaev.

Qyzmet salasynyń ókilderi qoldaý sharalary retinde jeńildikpen nesıe bólý, bank aldyndaǵy nesıeler men salyqtyq tólemder, kommýnaldyq tólemder boıynsha shegerim suraıdy.

«Qoǵamdyq tamaqtaný salasynda 24 jyl boıy jumys isteımiz. Karantınge deıin kúnine shamamen 30 myń adamdy tamaqtandyryp otyrdyq. Kompanııada 2 myńǵa jýyq jumys orny bar, olardyń 95%-y áıelder. Jumysqa 25 mamyr kúni kiristik, sondyqtan 1 shildege qaraı salyq tóleı almaımyz. Osyǵan baılanysty bizge taǵy 3-5 aı tólemderdi shegerýge ýaqyt berileýin suraımyz», – dedi «Qaǵanat» ashanalar jelisiniń dırektory Shynar Bógenbaeva.

UKP basshysy el aýqymynda tólemderdi oryndamaýdyń tizbekti reaktsııasy júrip jatqanyn, qazir ekonomıkaǵa qarajat salý kerek ekenin aıtty.

«Birinshi kezekte saýda, qyzmet kórsetý salasyna, óıtkeni bul sektorǵa qarjy aınalymy qajet. Kepilzatsyz nesıe berý quraly qaralýda. Onyń qoldaný aıasyn, jáne qandaı kólemde qoldanýy kerek ekenin qaraıtyn bolamyz», – dedi Tımýr Qulybaev.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT